حراره الباترول((2006)) عندي ترتفع ؟؟ عطونا شوركم يا الربع

[beznas]

السلام عليكم ورحمه الله وبركاته ......
حيالله الشيووخ كلن بنك نيمه وبأسمه :) :)
المشكله يا طولين الاعمار ان حراره موتري ترتفع مع الزحمات هاليومين وتوصل للنص !! وللمعلوميه موتري فتك تماتيــك ...
هل تنصحوني افك البلف ؟؟
ولا افك الرديتر ؟؟ (( قالو لي موترك جديد ما يمديه يتسدد)) ؟؟
ولا وش السوات يا الربع ..
ان شاء الله تنحل مشكلتي ومشاكلكم ..
للمعلوميه ** ضمان موتري انتهى :(
ولا تنسون دعوااااااااتكم :) :) لي وللموتر
والسلام .

[aziz2727]

الله يوفقنا وياك وكل مسلم ويحفظ عليك حلالك
شيك الموية - تمتيك المروحة - مراوح الكهرب
وان شاء الله الامر هين

[ملاعب الريح]

أسأل الله أن يفك أزمتك ويزبط الموتر بإذن الله


1- شيك على طرمبة المويه

2- شيك على المراوح وتأكد إنها شغاله

3- تأكد من الليات



وإن شاء الله يجونك الأعضاء أهل الخبره ويفيدونك



تحياتي (ملاعب الريح)

[ابونايف الروقي]

شيك على موية الراديتر اذا كانت ما تنقص شيك على البلف حق الحراره يمكن فيه خلل وشيك على طرمبة المويه وتماتيك المروحه ..

[طحنون]

وصول الحراره الى النصف في حاله الوقوف والمكيف شغال وعلى الجو هل الايام وبعد ماتمشي تبدا الحراره في نزول تدريجي بعد
المشي
ووصولها الى الربع
لاكن انا ازيدعلى كلام الاخوان شيك على الكهرب يعني شيك على البطاريه وخصوصه الايام هاذي البطاريات تضعف بسبب كثره الوقوف والمكيف شغال وطول اليوم المكيف شغال لذا يقل ويضعف المكيف ويضعف الجهد العام على السياره بالكامل والجهد
على الدينمو
ولوتلاحض تسمع صوت صفيرخفيف يصدرمن الدينموبسبب الضغط العالي وضعف البطاريه ممايؤثرعلى عمل المراوح وتضعف
وهاذا الكلام من واقع تجربه
ونصيحه حاول انك مايكون الوقوف والمكيف شغال اكثرمن 3دقائق لان يتعب الموترمن جميع النواحي

[shaheenshah]

البلف ضروري للسيارة ونصيحة لا تفكه

[قناص متقاعد]

اخوي اذا انك تروح بموترك للبر

انصحك تنفخ الاديتر من براء لان بعض الاشجار الصغيره مثل

شجر الحاذ والرمث وغيرها يدخل بين شرائح التبريد ثم يسكرها

وصارت المشكله معي انا ونفخت وجه الموتر عن بنشر وطلع منه النون وما يعلمون

وبعدها صار الموتر تماااااااااااااااااااام

[عاشق البر2]

الاالعزيزشيك على تما تيك المروحه يمكن عطلا ن وتكد من مروحت المكيف اللي في مقدمت الموتر وشكر لك

[المميـز]

ونصيحه حاول انك مايكون الوقوف والمكيف شغال اكثرمن 3دقائق لان يتعب الموترمن جميع النواحي


حلوووه النصيحه وتشكر عليها

بس مثل شايف عندنا الاشارات تفتح 20 ثانيه ومايمشي منها الا خمس سيارات او قل سبع سيارات والباقين ( مفهيييين )

وحنا اللي منرصين ورا متحمسين ونبي نمشي وحرارة الموتر ارتفعت والحاله حاله

ما اعتقد ان الوقفه عند الاشارات توصل 3 دقايق بس !!!

لانك تبي توقف عندها اكثر من مره والله يعين مواترنا على صيفنا

[غضنفر]

طيب
هل تذكر اذا كانت السيارة مثل كذا في الصيف الماضي ؟؟؟؟؟
اذا مشيت هل تنزل الحرارة ؟؟؟؟؟؟؟
اذا كانت اجابتي السؤالين بنعم فالوضع طبيعي ولا يستدعي القلق الا اذا ارتفعت الحرارة اكثر من النص

[abo naseer]

وعليكم السلام ورحمه الله وبركاته
الله يعطيكم العافيه
اخوي beznas (http://www.mekshat.com/vb/member.php?u=8690)
بالنسبه للحراره انا معي قير عادي وحرارته الثلث
فاتوقع انها توصل معك الى النص لان القير التماتيك وان اخوك احر من العايدي بكثير
واثبتلك ان فيه واد من الربع وقف على الطريق السريع يبي يصلي ونزل من الموتر وكان الجلنط مربوط والقير ناسيه على D صلى اخينا في الله وركب موتره وشاف الحراره كانت على ثلاث ارباع ويوم مشى ركدت الى الثلث.
وبيني وبينك عدادات النيسان مش حالك
وآسف على الاطاله vbmenu_register("postmenu_939265", true);

[beznas]

الله يجزاكم خيــر كلن بأسمه ...
وان شاء الله بكره بأشيــك على تماتيك المروحه ..
ثم بشيك لا يكون البلف مجيم ...
ولكم الف شكر ..
للمعلوميه الصيف الي راح ما كانت ترتفع ابد ...
والسلام

[برق السما]

لاتشيل هم وانا اخوك ..

قبل لاتسوي اي شي .. جرب سيخ الراديتر وشف ان نفع ولا ماضر ..

كان معي باثفاندر .. وبهذلتني الحرارة ومن واحد لواحد كل واحد يقول لي كلام ,, لين سيخت الراديتر والحمد لله ماشي معي مضبووووووط ..

جرب ورد لنا !!

[لا للباثفندر]

أقرا على الموتر يمكن فيه عين ماتردي يمكن يزين الله يجيرنا من عيون :looney: الناس الله لا تبلانا ....... الرسول صلى الله عليه وسلم كان يضع يده الشريفه على الدابه ويقول:






ـ ـ إذا تزوج أحدكم امرأة، أو إذا اشترى خادما فليقل : اللهم أني أسألك خيرها وخير ما جبلتها عليه وأعوذ بك من شرها وشر ما جبلتها عليه، وإذا اشترى بعيرا فليأخذ بذروة سنامه وليقل مثل ذلك ـ ـ








وتقبلوا خالص تحياتي.........،،،،،،،،

[Bader-M]

هل تنصحوني افك البلف ؟؟


هذا اكبر خطاء
باللف مهم للمحرك
راح اقرب الصوره لك
الحرارة في جسم الانسان يجب ان تكون عند 36 م
لاتزيد ولا تنقص
يعني ازات الحرارة فهذا يدل على انك مريض وكذالك ان نقصت
بنفس النظرية ينطبق هذا الكلام على المحرك
.......
بنسبه للحراره
دائما ابحث عن الحل الاسهل
1- تاكد من سير المروح هل هو مشدود بصوره المطلوبه ام لا
2- التماتيك المروحه
3- ماء الرديتر
4- ربما تجد قطعة ورقه او ماشبه على الرديتر مما يعيق دخول هواء التبريد
5- البلف الحرارة

........
تحياتي اليك

[سفاري نجد]

اتوقع المرواح ماتشتغل ،،،

انا ترتفع بالصيف اذا وقفت شي بسيط بالزحمات والا عند الاشارات المزدحمه ،،، سيارتي قير توماتيك Vtc 2003

وكان سيارتك على الضمان الشركه عندك ولا تكلم الا مدير الصيانه ،،،

مهندسي الاستقبال خذ وخلّ ،،،

واتمنى أنك تكشف عليها بالوكاله أضمن لك ،،،

سيارتك تعتبر جديده وانا أخوك ،،،

[beznas]

الله يجزاكم 1000 خيــر على تفاعلكم معي ...
وانا اليوم دخلت الموتر للوكاله .. وبيردون علي وان شاء الله بأبشركم وش يصير معي ...
ولكم جزيــل الشكر ...

[روافد]

مرحبا
انا شخصيا اقوال وبالله التوفيق ان النيسان يحتر ومالة حل ولكنه مايزيد عن الحد الطبيعي
تحياتي للجميع

[sultan8861]

وش صار معك يابزناس علمنا

وشكرااااااااا

[سلمان 111]

حرارة خطيرة جدا لابد تفحص علي السلندر لايكون مشعور وان كان مشعور ماكينة جديدة


او


بيعة وارتح منة

مجرب
سفاري سابق موديل 99 علي عزة نفس الحركة .........................................




افضل السيارات لجو السعودية حر موت بالصيف وبرد ثلج بالشتاء

تويوتا وخصوص لاند

[محسن اليامي]

والله كان بقولك نصيحة لوجه الله وده الوكاله

طمنا عاد وماتشوف شر