سؤال عن كاميرا سوني

[بدوي جنوبي]

السلام عليكم ورحمة الله وبركاته

اخواني اعضاء خيمة الكاميرات

عندي كاميرا سوني موديل DCR-TRV340E
700X DIGITAL ZOOM
OPTICAL 25x

http://images.ciao.com/ifr/images/products/normal/660/Sony_Handycam_DCR_TRV340E__687660.jpg
الكاميرا استخدام نظيف مشكلتي مع الراس اول ما شريت الكاميرا بعد فتره ظهر صوت الراس

رحت الوكاله ويقولوا انهم غيروا الراس واعطوني فاتوره ... واتوقع انهم ما غيروة بس تصريف
لانها تحت الضمان .

الان الراس فيه مشكله عند تشغيل الشريط تطلع الصورة مع ظهور خطوط سوداء

سويت تنظيف بالشريط الخاص بالدجيتال ومافي فايدة رجت الوكاله قالوا الراس يحتاج تغيير

يكلف 650 ريال طبعا مع شغل اليد ... والمبلغ كثير بعد الزحمه والكلام الكثير ب 600

احد يعرف محل ممتاز في الرياض يصلح الكاميرا

اتمني ان تفيدوني :good: علما بان سعر الراس تقريبا 250

بالتوفيق للجميع

[عبدالله العمرو]

هلا أخوي بدوي جنوبي مسيك بالخيرات ...



إذا هذا هو حال الشركة فمن الممكن يلعبون ثانية وثالثة ...





مع إنه يفترض يكون من حقك تجديد الضمان على الراس اللي ركبوه يبدأ من تاريخ التركيب ... واعتقد لو تكلمت مع مسئول من هالمنطق بتطلع منهم بحق من حقوقك ...



ولكن إذا ما طلعت منهم بنتيجة فحسبك الله عليهم ....



وانا اخوك انت أشتر منهم الراس مثل ما تفضّلت بـ250 وشف لك مهندس فيديو محترم وخله يركبه ...



واعذرني أخوي والله ما اعرف ورشة محددة وإلا رحت انا واياك لهم :)

[فتى الدهناء]

طيب ..

شف فيه محل .. أتوقع ممتازين ..

وانت بخريص متجه شرق .. اطلع يمين مع شارع الثلاثين النسيم ( بنده - هرفي - ماكدونالد ) .. وامش يجي كيلو ونص .. تبي تبقى لوحه على اليمين .. زرقاء والكتابة بالأبيض أو العكس :)

مركز أبو نواف لصيانة الأجهزة الإلكترونية .. ويصلحون كمرات الفيديو الديجتال وشغلهم زين .. وايضا الايكوم وغيرها ..

[بدوي جنوبي]

هلا أخوي بدوي جنوبي مسيك بالخيرات ...



إذا هذا هو حال الشركة فمن الممكن يلعبون ثانية وثالثة ...


مع إنه يفترض يكون من حقك تجديد الضمان على الراس اللي ركبوه يبدأ من تاريخ التركيب ... واعتقد لو تكلمت مع مسئول من هالمنطق بتطلع منهم بحق من حقوقك ...

ولكن إذا ما طلعت منهم بنتيجة فحسبك الله عليهم ....

وانا اخوك انت أشتر منهم الراس مثل ما تفضّلت بـ250 وشف لك مهندس فيديو محترم وخله يركبه ...



واعذرني أخوي والله ما اعرف ورشة محددة وإلا رحت انا واياك لهم :)
هلا باخي العمرود تخيل قيمة الاصلاح تقريبا ثلث قيمة الكاميرا اصلا
مشكلة العطل جت بعد انتهاء الضمان بفتره طويله
مثل ما ذكرت بأشتري الراس وادور ورشة ممتازة
تحياتي لك :good:

[بدوي جنوبي]

طيب ..

شف فيه محل .. أتوقع ممتازين ..

وانت بخريص متجه شرق .. اطلع يمين مع شارع الثلاثين النسيم ( بنده - هرفي - ماكدونالد ) .. وامش يجي كيلو ونص .. تبي تبقى لوحه على اليمين .. زرقاء والكتابة بالأبيض أو العكس :)

مركز أبو نواف لصيانة الأجهزة الإلكترونية .. ويصلحون كمرات الفيديو الديجتال وشغلهم زين .. وايضا الايكوم وغيرها ..

يا هلا باخي فتي الدهناء

الوصف معروف وسهل

بارك الله فيك

[ملك الزاجل]

أخوي العزيز /
من واقع تجارب سابقة ، وطبيعة عملي ، أنصحك بالفيصلية وكلاء سوني ، وأنصح أن تدخل على أحدى المسؤولين وتجيب فاتورة الإصلاح السابقة وتبين لهم ، لأنهم في الحقيقة لديهم خبراء في مجالهم ، وأعرفك كذلك أنهم ملزمين بإصلاح الكمرة ، وأقول لك تكفى لا توديها لغير الوكالة ، وأعطيك مثال بسيط في سنه من السنوات ومدين لهم كمره لإصلاحها ، وكان الخلل أنها سقطت وأنكسرت ، أتصدق أنهم أرسلوها لدبي ثم لليابان وبعد أصلاخها حمالونا تكاليف الإصلاح والشحن فعترضنا على تكاليف الشحن ، وقلنا لهم أنتم ملزمون بإصلاحها داخل وخارج المملكة ، فلم ندفع إلا قيمة القطع فقط .
لذلك أنصحك بالوكالة لكن بيبون واحد مفتح ( ملوسن ) عباره بريداويه . يأخذ حقه بالقوة .
أتمنى أن أسمع أن الكمره صلحت وصورت بها في العطله وأن شاء الله الأولاد ناجحين وحفلة النجاح بهذه الكمره أتمنى لك التوفيق والسداد
أخوك
ملك الزاجل

[بدوي جنوبي]

أخوي العزيز /
من واقع تجارب سابقة ، وطبيعة عملي ، أنصحك بالفيصلية وكلاء سوني ، وأنصح أن تدخل على أحدى المسؤولين وتجيب فاتورة الإصلاح السابقة وتبين لهم ، لأنهم في الحقيقة لديهم خبراء في مجالهم ، وأعرفك كذلك أنهم ملزمين بإصلاح الكمرة ، وأقول لك تكفى لا توديها لغير الوكالة ، وأعطيك مثال بسيط في سنه من السنوات ومدين لهم كمره لإصلاحها ، وكان الخلل أنها سقطت وأنكسرت ، أتصدق أنهم أرسلوها لدبي ثم لليابان وبعد أصلاخها حمالونا تكاليف الإصلاح والشحن فعترضنا على تكاليف الشحن ، وقلنا لهم أنتم ملزمون بإصلاحها داخل وخارج المملكة ، فلم ندفع إلا قيمة القطع فقط .
لذلك أنصحك بالوكالة لكن بيبون واحد مفتح ( ملوسن ) عباره بريداويه . يأخذ حقه بالقوة .
أتمنى أن أسمع أن الكمره صلحت وصورت بها في العطله وأن شاء الله الأولاد ناجحين وحفلة النجاح بهذه الكمره أتمنى لك التوفيق والسداد
أخوك
ملك الزاجل

يوم وديت الكاميرا واعترضت علي قيمة الاصلاح وبعد اخذ وعطا نزلولي 50 ريال بس

المكشله المدير حقهم هندي ..... وكلامك واقعي ويكفي الضمان ..

بس الفيصليه مستغلين الوضع في اسعار القطع و الاصلاح شغل اليد تقريبا ب250

سؤالي : في الوكاله يقدرو يغيروا برنامج المنيو الي عربي

بارك الله فيك اخي ملك الزاجل

بالتوفيق يا غالي