ابغى كفرات للباث لكن لدي شرط!!!!!! [الأرشيف]

مشاهدة النسخة كاملة : ابغى كفرات للباث لكن لدي شرط!!!!!!

.أبوعبدالرحمن

05/06/2007, 10:08 PM

السلام عليكم ورحمة الله وبركاته

ابغى كفرات للباث فندر لكن انا عارف ان فيه احد بيقول المواضيع واجد لكن لدي شرط هو اني ابغى تكون في الكفرات كتابات من برا على الكفر مثل اللاند والباترول جنط 17 اللاند دنلوب والباترول برجستون لكن فيها كتابات انا معي ابوبندر والكفر اللي يركب عليه من دلوب حق البرادو

لكن ما فيه كتابات الا اذا كان خليجي ماهوب بن زقر وانا خفت وقلت ليش ما أنزل موضوع بين اخواني واخذ رايهم في انواع ثانية من الكفرات

وابي اخذ رايكم في التويو وش رايكم

والصراحة انا راعي خطوط ونفود فقط مانيب راعي قنص ولا راعي جلد ويمكن يقول احد فيه نوع لكن ما يتحمل الحصى لأنه لين مره انا اخاف من الحصى ولو اني مركب جنازير هههههههههههههههههههههه

غضنفر

05/06/2007, 10:25 PM

هنكوك
اظن يجي فيها كتابه بالابيض
على العموم فيه بعض الناس
الي تجي الكتابة على كفراته باللون الاسود
يرشون الكتابة ببخاخ ابيض

alkongrs

05/06/2007, 10:55 PM

ميشيلان أضن يجي فيه كتابة

لا للباثفندر

06/06/2007, 02:23 AM

يجي في كفرات هنكوك بس مشكلتها كوري ما يعيش معك زي الياباني.
وتقبلوا خالص تحياتي ...........؛؛؛؛؛؛

.أبوعبدالرحمن

06/06/2007, 02:05 PM

الله يجزاكم خير واشكركم على المرور

طيب وش رايكم بالتويو من ناحية الرمل والخط

المميـز

06/06/2007, 09:38 PM

الفايرستون يجي عليه كتابه

وانا مركبه على الباترول ممتاز ماشاء الله

وحق خطوط وحق نفود حطبه 20 وادخل النفود

همّام

06/06/2007, 11:37 PM

أنا مركب على الباث عندي كفرات اسمها ماكسيز MAXIS

وفيها خط بس حطيته داخل ،،

الكفرات لينه الحقيقة وما عليها ،، وأحسن ما فيها سعرها .. بـ 370 الواحد

تايلاندية مواصفات ألمانية ،، على كلام راعي المحل بالغرابي ،،

.أبوعبدالرحمن

07/06/2007, 02:22 AM

الله يعطيكم العافية

لكن ما احد قالي عن التويو

.أبوعبدالرحمن

07/06/2007, 12:44 PM

يا شباب وينكم

اطلب المشورة ولا القا احد

((فانتوم))

07/06/2007, 03:01 PM

اخي ابو عبدالرحمن

قبل ان تختار الاطارات ذات النقوش الزخرفية سوف انصحك بامور هامه في اختيار الاطار

1- معامل التماسك والاحتاكاك وهو مقاومة الاطار عند المنعطفات وعند استخدام المكابح القوية

ويجب يكون المعامل A

2- معامل التأكل والبري وهو معامل تأكل الاطار ويجب ان يكون اقل من 400

3- معامل تحمل درجة الحرارة ويجب ان يكون A

4- والتركيز طبعا على التاريخ

وبعد هذه الكلمات انصحك باطارات ميشلان فهي سيدة الطريق

تحياتي لك

فانتوم

.أبوعبدالرحمن

08/06/2007, 01:56 PM

مشكور اخوي

لكن التويو كيف اخباره

لان المشلان غااااااااااااااااالي بالحييييييييييييييييييييييييل

((فانتوم))

08/06/2007, 02:29 PM

اخي الفاضل ابو عبدالرحمن

التويو اطارات ناعمة على الطريق وبالرمل زينة بس ليست مخصص للطرق الصخرية

سعرها جيد وناعمة ولكن ركز على المواصفات التي ذكرت لك واشتر نفس المقاس وبدون تغيير

تحياتي لك

.أبوعبدالرحمن

08/06/2007, 05:20 PM

والله ما اعرف كيف اشكرك الله يوفقك

لكن في نظرك وش المقاس اللي تشوف انه يصلح للباث ويعطي الموتر اكثر جمالا واكثر رساوة

هل اركب نفس مقاس شد البلد او اركب نفس مقاس البرادو؟؟؟؟؟؟؟؟؟؟؟؟؟؟؟؟؟

والله لايحرمك الاجر .......

رواح

08/06/2007, 09:49 PM

الميشلان دائم ينضرب وجربته عدة مرات==وضعت هواء عالي ومتوسط ومنخفض ولافائدة===والزين راح عسى الله يجيبه

.أبوعبدالرحمن

08/06/2007, 10:01 PM

اخواني مريت الصناعية اليوم والغرابي

وجدتهم ينصحوني الدنلوب واليوكوهاما والاغلبية يمدحون اليوكوهاما فا وش رايكم الله يوفقكم؟؟؟

وسعره معقول 400 ريال

ومعامل تحمل درجة الحرارة B

ومعامل تآكل الكفرات 360

وش رايكم واخص بالذكر اخوي فانتوم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

باثفندر

08/06/2007, 10:05 PM

http://www.mekshat.com/pix/upload/sign/images/mk41765.gif

17 ضعيف للباث مايجي بكتابة سواءا خليجي اوسعودي

ركب دنلوب 265/65 R 17 وبتدعيلي بس عيبة دايما يصرخ .

.أبوعبدالرحمن

09/06/2007, 01:03 PM

يا شباب الله يوفقكم لكن وش رايكم

باليوكوهاما مثل المقاس اللي قاله اخوي الله يوفقه باثفندر

samy5689

09/06/2007, 10:28 PM

يعطيكم العافيه استفدنا منكم

.أبوعبدالرحمن

10/06/2007, 12:46 AM

مشكورين على المرور

لكن ما قلتوا لي وش رايكم باليوكوهاما نفس مقاس البرادو

والغريب المشاهدات 276 ولا فيه احد يعرف الكفر اليوكوهاما والله عجيب

((فانتوم))

11/06/2007, 01:47 AM

اخي ابو عبدالرحمن

مشكلة معامل الحرارة انه B وانت تعرف الاجواء لدينا

كما قلت لك ركز على موضوع العوامل الثلاث

مشكلة يوكوهاما الازلية ان الاطار سريع المسح ولكن ناعم ومتماسك

بيرجستون يعمر طويلا ولكن موصفاته غير جيدة للاسف الاطار ينشف سريعا وتعرف ذلك من صوت

الاطارات .

المعلومة المهمة ان الاطارات التي توضع على السيارات من المصنع ماهي الادعاية مدفوعة الثمن

حيث اننا وللاسف وبدن قرات للمعلومات نذهب لمحلات تغيير الاطارات ونغير نفس النوع

الشي الذي يجب الالتزام به هو قياس الاطار

فعليك يابو عبدالرحمن الالتزام بقياس الاطار فهو هام جداً

الاخ رواح

سيارتي الخاصة بالبر هي باث فايندر 2004 وقد قمت بتغيير الاطارات الى ميشلان وقطعت بها الان نحو

58 الف كيلو وابشرك على مايرام مع ان السيارة معدله اقصد المحرك والاطارت لم تنضرب ولله الحمد

والتماسك رائع وممتاز واستغرب انها تضرب معك ...

تحياتي لكم

BASSAM

11/06/2007, 09:11 AM

مشكورين على المرور

لكن ما قلتوا لي وش رايكم باليوكوهاما نفس مقاس البرادو

والغريب المشاهدات 276 ولا فيه احد يعرف الكفر اليوكوهاما والله عجيب

حياك الله اخوي

انا مركبهن (اليوكوهاما) صار لي حوالي 8 شهور وممتازات بلحيل ودخلت نفود وصمان ومشيت خطوط والحمدالله تمام :good:

وانصح بهن خاصه للنفود

بسام

مجنون نيساني

11/06/2007, 01:55 PM

السلام عليكم
انا مركب هنكوك مقاس(245\65\17) السعر (370ريال)للحبه
مركبهن لي تقريباَ 9 شهور والله زي الحلاوه ولا يمكن احلا بالرمل والحصى وعلى الزفلت ماشاء الله
توكل واشتر لا وازيدك من الشعر بيت عليها نقشه من برا على كيفك تقول سبورت ماشاء الله .
(بحاول اجيب صوره لهن);)

مع تحياتي.....................................مجنون نيساني

ابوعبدالله9999

11/06/2007, 03:17 PM

بواردي الدلم

11/06/2007, 06:19 PM

تبي نصيحتي ركب بريدجستون نفس شد البلد تراها زينه
اما الميشلان الناس كلها تمدحه لانه الين
مدري عن الاخ رواح هو ابخص
يقولون خذه من عند الوكيل نفسه اظن انه الجفالي

alkongrs

11/06/2007, 06:28 PM

خذ كلام فانتوم كلامه عين العقل

.أبوعبدالرحمن

13/06/2007, 07:59 PM

الله يوفقكم على اهتمامك

واشكر اخوي فانتوم على حرصه