المساعد الشخصي الرقمي

مشاهدة النسخة كاملة : من يدلني على افضل ورشة تعبي فريون ... باترول..


slmuni
06/06/2007, 12:35 AM
الاخوة والاصدقاء في المنتدى الراااااااااائع مكشات ...

السلام عليكم ورحمة الله وبركاته ..

ودي اشيك على الفريون واعبيه ان كان يحتاج الى تعبئة ..

ابي نصائح المجربين لافضل ورشه و شوركم يالربع ;) ..

و في انتظار مشاركات الاحبة ..


وجزاكم الله خير مقدماً...
لا للباثفندر
06/06/2007, 03:49 AM
اللي يشوفك بتعبي فريون بانورما 2007

عند اي ورشه تعبيه او كانك حريص على الموتر عندك الوكاله
Bader-M
06/06/2007, 07:37 AM
نهايه شارع زيد بن الحارث في الصناعية القديمه
تجد ورشة وتشليح السعوي
عندهم فني متخصص مكيفات
هذا رقم الورشة
014462786
قلهم انك جاي من طرف بدر
وان شاء الله ماراح يقصرون معك
تحياتي اليك
البديوي 2
06/06/2007, 01:02 PM
طع شوري

لا تعبي فريون كان مكيفك يمشي الحال وزوين

تبي تروح ويقولك العامل ( هازا قاز امريكي ميه ميه كويس )

اذا قالك هالكلام على طول لفه بطراق

تدري ليش

لأني مجرب

تلقفت هاك اليوم وقلت أبي يصير مكيفي ثلاجة ( باترول 99 سوبر سفاري )

رحت لمحل سوري الله يهديه وقال هذا غاز فريون امريكي اصلي

قلت عب واضبطوه زين

اخذت الموتر ورحت مشوار من النسيم الى البطحا عقب العصر

والله اني مشغل المكيف على الدرجة الرابعة ولا يبرد وانا اتحسب علية

وعاد رحعت وانت خابر وش يصير !!!!!!!!!!

وقل لازم الكمبرسر خربان ولازم تنظيف مواصير المكيف

شغل انهابه
slmuni
06/06/2007, 06:16 PM
اخوي لا للباثفندر :):)الا البانوراما 2007 يجي فيه مكيف :D .. شكراً على مرورك وشكلك من حقين التويوتا:no2:

ـــــــــــــ

اخوي طاير بالعجة تم استلام المعلومة واشكر لك فضلك ... وبروحلهم ان شاء الرحمن ;)

ــــــــــــ

اخوي البدوي ونعم الشور بس المشكلة ان عندي خط طويل واخاف اطيع شورك و اموت حر بالخط:no2:
عاشق السيل
07/06/2007, 09:12 PM
طبعا هذا إذا مارحت لورشة السعوي ،،،،

فيه سوداني بالصناعية القديمة اسمه أبوفارس بطرااااااااااااااااااااااان بالمكيفات
( أصلا هذي شغلته من 30 سنة )

إذا لفيت يمين من عند مسجد العويضة اللي على طريق علي بن أبي طالب رضي الله عنه وصار وجهك غرب يجيك مديور بالرصيف اللي بالنص أنت خلك على نفس الشارع وبعد ماتتعدى المديور لف مع أول شارع يمين ( الشارع مليان مطبات وحفر بس ماعليك ) شف على يسارك تقريبا سادس محل اسمه ( الورشة الهندسية ) والله يوفقك ...




عاشـقhttp://www.mekshat.com/pix/upload/sign/images/mk49539.gifالسيل
slmuni
08/06/2007, 11:38 PM
عاشق السيل بيض الله وجهك انا الى هالحين ما رحت وادور لي فضوة عشان ازرق لواحد من الاثنين ... بس حسب وصفك المنطقة كلها معدات ثقيلة والا انا غلطان ...
علي عليوه
09/06/2007, 06:08 PM
اخوي

تأكد إن الفريون أمريكي رقم 134 أصلللللللللللللللللللللللللللللللي

لأن فيه تقليد منه

ترى أكثرهم يعبي فريون 12

ما ينفع ولا بالمربعانية

والله يعينك .....
عاشق السيل
09/06/2007, 06:21 PM
صدقت والله منطقة تريلات ومعدات ثقيلة لكن المحل اللي أقولك بين هالمعدات غايص ،،

لاتخاف تبي تلقاه لأنه واضح على نفس الوصف اللي قلت لك ،، بس انتبه ترى فتحة الرصيف اللي أقولك تجي بعد كيلو تقريبا بعد ماتلف يمين من مسجد العويضة ..



عاشـقhttp://www.mekshat.com/pix/upload/sign/images/mk49539.gifالسيل
ع.ف.الدرويش
09/06/2007, 09:55 PM
فيه ورشة صغيره بصناعية ام الحمام مقابل الجامع الكبير (جامع الملك خالد) وبجوار محل قطع غيار النيسان شغلهم نظيف ورمتب إسأل عن واحد سوداني إسمه احمد.. والله يوفقنا واياك لكل خير
الظاغط
09/06/2007, 10:39 PM
:p :good: رح للوكاله اذا تبي شوري