... لأصحاب الجيوب ... ماهي تجهيزاتك وإضافاتك في سيارتك

[أبو ياسر]

السلام عليكم ورحمة الله وبركاتة
مساكم / صبحكم الله بالخير

الكل منا يبحث عن مايفيدة ويريد ان يتواجد لدية كل مايحتاجة

نريد ان نستفيد من خبرات اخواني الأعضاء ونتبادل الخبرات لكي لايقع احد منا في اخطاء غيرة

سؤال اطرحة لأخواني المكشاتية

ما اهم ماتنصح به اصحاب ( الجيوب ) ان يضيفوه لسيارتهم

واتمنى من كل شخص ان يذكر التجهيزات التي قام بأ ضافتها لسيارته

وماهي المشاكل التي واجهها - وماهو الشي الذي لايستطيع الأستغناء عنة

شاكر لكم مروركم وتجاوبكم

[سنجااار]

السلام عليكم ورحمة الله وبركاته
من الأضافات ركبت بطاريه إضافيه علشان يكون القارمن والكنود والثلاجه ولو بتشغل نور علشان لونسيته ماتوهق غير التانكي والطبق والياي الأسترالي
آسف على الأطاله والسلام ختام
اخوكم مشروك

[aspire]

السلام عليكم ورحمة الله وبركاته
- اشتراك نوعية أصلية من شارع الريل
- ادوات رقع الكفرات تيوبلس

ونسمع من أخوانا

[مخرب طلعات]

خذ لك الجيب وهو شد بلد ولاتزيد ولاتخرم ولاتغير :)

[ساري15]

هذي تجهيزاتي ((( هناااااااااا ))) (http://www.mekshat.com/vb/showthread.php?t=81473)


والجاي أكثر

[بدوي جنوبي]

خذ لك الجيب وهو شد بلد ولاتزيد ولاتخرم ولاتغير :)

صح عليك يا مزين الطعات كلام سليم :good:

[المميـز]

خذ لك الجيب وهو شد بلد ولاتزيد ولاتخرم ولاتغير :)

امااا شد بلد ؟؟!!!

شفت ماشاء الله موتر ساري15 هذا موتر البر

اما شد بلد لا تانكي ماء ولا .. ولا ... اشياء كثيره تنقصه

[أبو ياسر]

الله يجزاكم خير على تفاعلكم

وماشاء الله تبارك الله على موتر اخونا ساري 15

ننتظر البقية

[ملاعب الريح]

فيه تجهيزات لا بد منها وتجهيزات موتري


1- تانكي ماء 110 لتر
2- ياي أسترالي ظغط 300 + كعكات 4.5 سم (خلفيه)
3- كعكات 2.5 أماميه
4- ونش
5- تلبيسه لشنطة الموتر
6- لمبه مثبته في الكبوت 55 واط




تقرباً هذي هي ويليت نشوف تجهيزات باقي الأعضاء



تحياتي (ملاعب الريح)

[ولد وايل]

السلام عليكم


جي اكس ار

1- سله فوق
2- طبق بالخلف
3- تانكي ماء 90لتر
4- دعامه
5- عدة مكانيكا وكهرباء
6- نجفات ولمبات صفر
7- ادوات الرحله من فرشات وخيمه صغيره وحمام
8- منفاخ كفرات+ كشافات
9- حافظات ثلج
10- رواق
11- يايات استراليه

هذي غالباً تكون في سيارتي صيفا وشتاءً


تحياتي لكم

ولدوايل

ابوفي

[نجم الوادي]

المطية جيب vxr
علبة تروس يدوي \.ونش
خزان ماء110 .حقيبة للاواني والوادالغذائية طويل الاجل.خيمة2*3 .لمبة اضاءة غير ثابتة.فرشة. شيوال
هذه المواد اساسية دئما محملة بالجيب
ولكل رحلة اغراضها الخاصة بها

[عاشق السيل]

سوبر سفاري 98 تماتيك :
دعامة وعليها أربع كشافات وفيها فاس ومعلاق ذبيحة ومسحاة وشاكوش
تانكي ماء ألومنيوم 86 لتر داخل الشنطة
طبق خشبي تحته التانكي ودرج للعدة
لمبات بأنواعها مع لمبتين قويات بالكبوت وكشاف يدوي صغير
رواق صغير يوضع أسفل السيارة لرد الهواء من الجهة الثانية ( عكس الجلسة )
أربع بسط صغيرة تفصيل بمقاس السجادة وبساط كبير 2 في 3 ومركى وحدة
عدة كهرباء وميكانيكا كاملة مع شنطة عدة (حبة) وعيار هواء ميشلان الأصلي ومثلث طوارئ
كريك صغير وبريق بلاستك للماء ومنفاخ هواء وأسلاك إشتراك وواير سحب وسلسلة كبيرة للأزمات
حبال وأطناب وفاس صغير ومركب فرارات للدفرنس ، ومكان جاهز لتركيب الآيكوم ،،

طبعا هذي كلها بالسيارة على طول ،، أما عدة الرحلات الباقية كثيرة جدا ومكبوبة بالبيت ..

تقبلوا مروري ومشاركتي وأكيد إني نسيت بعض الأشياء !!!



عاشـقhttp://www.mekshat.com/pix/upload/sign/images/mk49539.gifالسيل

[الرهدن]

اقتباس:
المشاركة الأصلية بواسطة مخرب طلعات
خذ لك الجيب وهو شد بلد ولاتزيد ولاتخرم ولاتغير http://mekshat.com/vb/images/smilies/smile.gif

صح عليك يا مزين الطعات كلام سليم http://mekshat.com/vb/images/smilies/icon14.gif


إسمحوا لي غفر الله لكم ولوالديكم ولكل مسلم :
هذا كلام شيبان00 الله يخليهم لنا 00
وشد البلد أظن ماتصلح ولا داخل البلد00
أظنكم ماجربتوا تنامون بنقرة داخل الدهنا ولا حولكم أحد ولامعكم إلا بطارية شد البلد والليل كله مشغلين لمبات ومحول ونسيتوا مع الإنبساط البطارية ويوم أصبحتوا , قلتوا شغيييييين شغييييين :confused: وأثر بطاريتكم من صيد أمس :p 00
الونش وما أدراك ماالونش00 ( المجال لايتسع للسواليف عن أهميته )
وغيرهم الكثير00
.

[ملاعب الريح]

اقتباس:



المشاركة الأصلية بواسطة مخرب طلعات
خذ لك الجيب وهو شد بلد ولاتزيد ولاتخرم ولاتغير http://mekshat.com/vb/images/smilies/smile.gif

صح عليك يا مزين الطعات كلام سليم http://mekshat.com/vb/images/smilies/icon14.gif


إسمحوا لي غفر الله لكم ولوالديكم ولكل مسلم :
هذا كلام شيبان00 الله يخليهم لنا 00
وشد البلد أظن ماتصلح ولا داخل البلد00
أظنكم ماجربتوا تنامون بنقرة داخل الدهنا ولا حولكم أحد ولامعكم إلا بطارية شد البلد والليل كله مشغلين لمبات ومحول ونسيتوا مع الإنبساط البطارية ويوم أصبحتوا , قلتوا شغيييييين شغييييين :confused: وأثر بطاريتكم من صيد أمس :p 00
الونش وما أدراك ماالونش00 ( المجال لايتسع للسواليف عن أهميته )
وغيرهم الكثير00
.




كلام سليم أخوي الرهدن



ولاتنسى الواير والماطور والإشتراك وأغراض كثيره في غاية الأهميه




(ملاعب)

[هاوي الله]

السلام عليكم

نوع السياره GX

المواصفات الأساسيه في السياره

ونش + 2 تانكي بنزين + 2 استبنه ( كفر احتياط )

الإضافات للسياره

بطاريه ( إحتياطيه ) >>> مركبها بنفسي وهي بسيطه والحمدلله

الإضافات المستقبليه إنشاءالله

تانكي ماء 140 لتر + تانكي بنزين 100 لتر + ماطور هواء + محول كهرباء 500 واط

بالتوفيق للجميع ,,

[SilverSniper]

السيارات التي تكثر بها الالكترونيات ويتحكم بها الكومبيوتر لا تصلح كسيارة بر.. وهذه نظرتي الشخصية..
عندي تاهو 2007 دفع رباعي بس ما أدخل به بر ومخليه شد بلد ما غيرت به شي أبد..
أما سيارة البر فهي بليزر موديل 90.. وتجهيزاته هنا..
http://mekshat.com/vb/showthread.php?t=33826

[الدبل الثقيل]

صح لسانك يا أخونا SilverSniper (http://www.mekshat.com/vb/member.php?u=7239)

[رحال7]

السيارات التي تكثر بها الالكترونيات ويتحكم بها الكومبيوتر لا تصلح كسيارة بر.. وهذه نظرتي الشخصية..
عندي تاهو 2007 دفع رباعي بس ما أدخل به بر ومخليه شد بلد ما غيرت به شي أبد..
أما سيارة البر فهي بليزر موديل 90.. وتجهيزاته هنا..

http://mekshat.com/vb/showthread.php?t=33826

صح لسانك!!!!

[أبو ياسر]

مشكورين جميعاً

[الطيب11]

موضوع جميل وفكرة رائعة
اسجل شكري اولا ولي عودة للموضوع

[GXR2 2002]

السلام عليكم ورحمة الله وبركاته

هذه اول مشاركه لي في هذا المنتدى المبارك اسأل الله ان ينفع بها.

هناك اشياء يجب ان تكون متوفره على طول في جميع انواع السيارات والجيوب على وجه الخصوص سواء كنت في المدينه او في الصحراء او ف سفر الا وهي:-

1- اشتراك نوعيه ممتازه وقويه
2- واير سحب قوي
3- جركل ماء عذب
4- لمبه ويكون سلكها طويل نوعاً ماء
5- منفاخ هواء مع عيار هواء
6- شنطه صغيره فيها كم مفتاح وكم سكروب + طفايه
7- فرشه
8- شاحن جوال
9- حبل صغير
10- سير واحد للمروحه والدينمو

هذي الاشياء يفترض ان تكون معك على طول ولا تنزل من السياره اما من اراد ان يذهب للصحراء فيحتاج مع هذه الاشياء الى اشياء اخرى حسب نوع طلعته ومدتها ولعل ماذكره الاخوان وسيذكره من سيأتي بعدنا يكفي.

اما انا فما ذكرته في الاعلى فلا انزلها من السيارة ابداً ومعها ايضاً

11- محول كهربائي على البطاريه
12- رواق ساتر
13- ولاعه
14- عدد من الالبومات والاشرطه في السيره واحوال يوم القيامه والاخلاق العامه والتأملات في بعض سور القرآن وهذه تنفع في السفر وفي غير السفر تجدك استفدت استفاده كبيره في وقت سيضيع سدى دون فائده.

هذه والله اعلم

[سداااااح]

1- بطاريه اضافيه مفصوله عن الاساسيه
2- تانكي ماء 145 لتر
3-لمبات بالكبوت غازيه
4- لمبات منوعه من قوة 10 و20 واط
5- نجفه
6-اشتراك تفصيل
7- واير سحب
8- كشاف يدوي
9- قارمن
10- كنود
11 - هاتف الثريا
12 عده ام 110 قطعه ام شنطه زرقا
13-فرشه ومراكي
14- محول كهرب من 12 فولت الى 220
15-ماطور هواء مثبت بالكبوت
16-فيوزات لزوم الاحتياط
هاذا ما يوجد عندي بسيلرتي اليوكن

[أبو ياسر]

الطيب 11

مشكور اخوي وننتظر إضافتك

gxr2 2002

ياهلا بك والله في هالمنتدى الغالي وبداية موفقة لك ونتمنى نشوف مواضيعك واتمنى انك تفيد وتستفيد

سداااااح

مشكور اخوي على الإضافة ونتمنى تكون الفائدة عمت الجميع

[ابونايف الروقي]

باترول سفاري موديل 98 الي صورته في التوقيع

1-ماطور هواء ( تايقر )
2- واير سحب
3- اشتراك بطاريه
4-جهاز لاسلكي ايكوم
5- جارمن
6-محول كهرباء مثبت اسفل الدرج الامامي 220 فولت
7- لمبه مركبه في الكبوت ولمبه مركبه في قاعدة الانتل جانب السياره
8- شنطة عده وفيوزات
9- عزبة طبخ وقهوه كامله
10- تانكي ماء في المرتبه الخلفيه
11- فرارات
12 - كفرات بالون ماكسس
13- كل مكان في سيارتي فيه كبريت هههههههه موزعها في الكبوت والبدي و تحت الديكور
14- انا

[رعد النجدي]

تانكي مويه
لمبه في الكبوت
طرمبة هواء
كشاف يشحن على السياره( ماقلايت)
رقع تيوبلس
بوصله
قارمن
كشاف صغير يوضع على الرأس
ولاعه
هذي اشياء في السياره على طول ما تنزل
والباقي من لوازم ( عزبه وفرش وطربال...............) انتم عارفينها

[Mr.Patrol]

بسم الله
السيارة باترول 98 سوبر سفاري

التجهيزات:
1-ماطور هواء + عيار هواء
2- واير سحب
3- اشتراك بطاريه
4- جهاز Gps لتحديد المواقع (جوال Eten G500)
5- مرواح كهرباء
6- يايات استراليه + مساعدات جبريال
7- عدة مفكات
8- رواق + فرشه + مركا
9- فروة ودسوس دايم بالسيارة
10- لمبة تشتغل على البطارية
11- عزبة للطبخ + عزبة للقهوه والشاي
12- مطرقة + فأس
13- ثلاث جيوب كبيره تجمع العفش كله مركبه خلف المرتبه الثانيه

[راعي بيشة]

ما أحد جاب سيرة الدربيل

وسكين ردادي

وجزمة للبر مثل الرياضية

مطارة يحملها القناصة في قنص الكعابي

إسعافات أولية

ملابس تمويه للصيد

كشاف خمسمية مليون مليار شمعة

جهاز الشحن للبطارية

حزام فشق وسلاح

كل هذي تكميل لما ذكر وقد ذكروا الشباب الأساسيات

[سيف الظفير]

يالربع ماذكرتوا


السلاح الشخصي


يفضـل رشاش او مسدس كاااااااااامل ومع الرصاص 100 فشقه

[الشنه]

طبق
خزان مويه 90 لتر
عده كامله
طرمبة هواء
لمبهثابته واخرى متحركه
كشاف ما ج لايت
بطاريه اظافيه
فرش
واير
ذرى الي يركب على الكفرات
وسكين بحزام
والدربيل
هذي ما تنزل في الموتر
العزبه
الرواق
الطربال
السلاح
الثلاجه
القز مع الغاز
هذي حسب الحاجه


موضوع جيد وشيق
بارك الله في كاتبه

[((ابوملاك))]

رفع بصراحه موضوع مفيد

انا الله يخلف ^_^

كل اللي بالموتر

شنطة عدة هالكبر

وشطرطون

والكثير الكثير من الاوراق اللي مالهن داعي ؟

بصراحه انا انسان عجاز لو طلعت لبر اطلع بالهالقشه لاني اتعيجز اكثر الاحيان

والرخصه والاستمارة ^_^ وبطاقة الاحوال

واهم شئ في هاللي قلته

انا + المفتاح + بنزين = روح

[4x4ofroad]

وين طفاية الحريق عنكم ياشباب
والله مهمه جدا جدا

[هواوي]

خوي ينشد به الظهر

[nooritti]

كسلورر 206
شنطة العده
والاصحاب
والدعوات

[سليمان 10]

الموتر جي اكس آر0ونش بطاريه اضافيه ومحول كهرب 220 فلت وماطور هواء ولمبة كبوت وعقد 6لمبات +لمبه 33فلت وآيكوم مثبت وقارمن 276سي عربي ودربيل وكشافات صغيره يدويه وعده كامله مع حبل سحب 10 متر عرض 10سم ومراقع تيوبلس ورواق 8متر على السله الحديد كمضله مع 4 اطناب ومطرقه وطبق وثلاجة الطمره 48لتر مثبته في الطبق وعزبه طبخ كامله وفرشات عدد 3 وفراشين صيفي وفاس مثبت في الطبق مع الذرى ويايات استراليه 60و61 وبعض الاغراض موجوده في البايكه قريبه جدا مثل الخيمه والاروقه والقدور الظغط والعاديه على حسب الكشته والله لايواخذنا على هالمشاري 000

[nooritti]

الموتر جي اكس آر0ونش بطاريه اضافيه ومحول كهرب 220 فلت وماطور هواء ولمبة كبوت وعقد 6لمبات +لمبه 33فلت وآيكوم مثبت وقارمن 276سي عربي ودربيل وكشافات صغيره يدويه وعده كامله مع حبل سحب 10 متر عرض 10سم ومراقع تيوبلس ورواق 8متر على السله الحديد كمضله مع 4 اطناب ومطرقه وطبق وثلاجة الطمره 48لتر مثبته في الطبق وعزبه طبخ كامله وفرشات عدد 3 وفراشين صيفي وفاس مثبت في الطبق مع الذرى ويايات استراليه 60و61 وبعض الاغراض موجوده في البايكه قريبه جدا مثل الخيمه والاروقه والقدور الظغط والعاديه على حسب الكشته والله لايواخذنا على هالمشاري 000
اخي سليمان
الله يهنيك

[مآإآإآجد]

خوي ينشد به الظهر


فديت قلبك على الرد

:good2:

[ابو عبدالله 911]

ماطور هواء
تانكي ماء 140 لتر

[قناص*07]

هذي بعض التجهيزات للربع التويوتا


http://www.mekshat.com/vb/showthread.php?t=271766&page=3

[محمد بن سعيد]

الاضافات لدى سيارتي

تانكي ماء موصل لأسفل السيارة مع الحنفية
لمبة كبوت
لمبة بجانب حنفية الماء
ماطور هواء مثبت في الكبوت
تلبيسة خلفية للشنطة تنزاني
طبق خلفي مع التلبيس تنزاني
شنطة عدة لحالات الطوارئ لا قدر الله
دعامة امامية حديد
تسليك لمبات مع كتاوت للنور العالي والواطي
قارمن نوفي

ولاحقاً سيتم تركيب بطارية اضافية وتمديد الكنود

ارجو أن اكون ما طولت عليكم