المساعد الشخصي الرقمي

مشاهدة النسخة كاملة : أرجو المساعدة (كشافات السفاري 2007)


عساف العساف
06/06/2007, 03:08 PM
السلام عليكم ورحمة الله وبركاته

الإخوة الكرام أعضاء مكشات
أشتريت باترول (سفاري2) ولله الحمد
ولقيت فيه مواصفات أكثر من اللي في بالي حسب رؤيتي لمواتر الإخوان والزملاء
لكن فيه عيب واحد حاطين مكان الكشافات اللي في الصدام ربلات سود وكنت أظن أن الربلات ماتجي الأ في سفاري1
المهم
الشكل كذا ماهو مرضيني ففكرت أركب كشافات من الوكالة
لكن عندي بعض الأسئلة للي مرت عليه هذي الحاله
هل من الممكن تركيب كشافات بدل الربلات؟
وهل ممكن ألقى فيوزات وتسليك جاهز في الموتر يعني يكون المطلوب مني بس أشتري الكشافات عشان الكهربائي مايلعب في الكهرباء؟
وإذا مافيه وش أنسب حل لأني أفكر إذا فيه لابد أنه يلعب بالأسلاك ماهو ضروري أوصلهم بركبهم بس شكل كذا بدون توصيل
أرجو من الإخوة أصحاب الخبرة مساعدتي في التوصل للحل المناسب
مع خالص شكري وتقديري للجميع
Mr.Patrol
06/06/2007, 03:24 PM
اخي (عساف العساف)

مبرووك الله يعطيك خيره ويكفيك شره

اظن اخي العزيز ان العليان يبيع الكشفات مع عصى النور والتركيب عليه وبسعر ارخص من الوكاله والله اعلم.
عضو مكشاتي
06/06/2007, 03:25 PM
نعم يمكن انك تركب كشافات رح للغرابي وتلقاها مع التركيب مابين 200 الى 230وأنا مركبها على موتري 2006 رقم 1 ولاشفت منها خلاف ولا يدخلها ماء
قناص متقاعد
06/06/2007, 03:35 PM
العليان او السليماني بالغرابي
SE 3.5
06/06/2007, 03:43 PM
مبرووك اخوي والله يعطيك من خيره ويكفيك شره
بالنسبه للكشافات مثل ماقالوا الاخوان عند العليان في الغرابي
بعد اذنك اخوي ودي اسألك سؤال عن موترك سفاري2
وش مواصفاته؟وكم سعره؟
لاني ناوي اشتريلي واحد انشاء الله.
وشكراً
باترول للأبد
06/06/2007, 04:28 PM
مبروك الله يعطيك من خيرة ويكفيك من شرة ... وصراحة عرفت تختار موتر

وبالنسبة للكشافات ركبهم عندالغرابي تراهم مضمونين ولاعليهم كلام
غضنفر
06/06/2007, 04:36 PM
انتبه لا يلعبون عليك
الكشافات الموجودة بالغرابي للباترول تقليد وصناعتها خرطي وتنكسر بسهولة ومع الحرارة يبدى يميع البلاستيك
انت شاري موتر بمية الف ما شاء الله مهب ضارك تدفع 800 ريال قيمة كشافات اصلية من الوكالة
واهم شي الكهرب زينه عند كهربائي ممتاز
شعيب المسمى
06/06/2007, 05:41 PM
قد ركبت عند العليان كشافات لموتري عقب سنتين غبشت الاصطبات والكشافات تبرق ماشالله :D
ركب عندهم بس والباقي اشتر به كرتونين زيت وكرتون سيفون وفلل الموتر ويا باب مادخلك شر
أبو فروة
06/06/2007, 06:10 PM
ألف مبروك
الله يطعمك خير ويكفيك شره
تقدر تحط كشافات والاسلاك واصلة للصدام وأيضا واصلة للطبلون تحت الدركسون عند مجموعة الاشارات والنور لكن لازم تغير المجموعة حقت الانوار والاشارات عشان يكون كل شي مية على مية
وبالنسبة للتجاري اشوف الشباب يركبون تجاري وماشي معهم
هذا ماعندي والله اعلم
المميـز
06/06/2007, 08:14 PM
مبروووووووك والله يطعمك من خيره ويكفيك شره

وبالنسبه للكشافات ركبها ولا تتردد

وانا لاقيها بـ 300 ريال مع التركيب ببريده عند التويجري
عساف العساف
06/06/2007, 10:23 PM
شكرًا للجميع على سرعة الإستجابه
وسمعت شور الأغلبية وركبت تجاري بـ150ريال وهو نفس اللي يقولون الشباب أنه بين الـ200 و300 لكن لقيته مغبر وطايح بكبد راعي محل الزينه لأني في منطقه صغيره ومن النادر توفر هذه النوعيه من السيارات فيها
وركبته لأني أساسًا ماني مقتنع بتركيبه كهربائيًا وماوصلته رغم أنه جاهز للتمديد لأن اللي يهمني بالموضوع هو التخلص من الربل

وبالنسبة للأخ اللي سأل عن المواصفات والسعر
المواصفات مواصفات شركة الجبر
تكييف مركزي - ثلاجه - مثبت سرعه - تخشيبه كامله حتى الدركسون - أزرار تحكم المثبت على الدركسون يمين والمسجل يسار - مسجل مع سي دي إسطوانة واحدة فقط - اللحية الزائدة على الصدام الأمامي - مراتب مزوده بطاولات طعام - اللون الداخلي بيج فاتح
وبالنسبة للألوان متوفره جميعها
لكن اللؤلوي بـ132ألف ريال والألوان الأخرى جميعها بـ 128ألف ريال والكلام هذا من شهر تقريبًا
وأدعو لي بالتوفيق وأذكروا الله
عساف العساف
07/06/2007, 08:23 PM
الأخ SE 3.5 (http://www.mekshat.com/vb/member.php?u=41736)
إذا أحتجت لأي مساعدة راسلني على الخاص vbmenu_register("postmenu_942143", true);
دحيم العبود
08/06/2007, 03:40 AM
اخي عساف سفاري 2 مايحتاج كهربائي علشان الاكباس لان الاسلاك موصله ومربوطه عند مكان الاكباس
كل مايلزمك هو التالي :
اولا تشري اكباس
ثانيا تشتري عصا الكباس زي حق السوبر ( سعره اقل من 200 ريال ويجيبونه من الامارات تفكه انت وتركب الجديد مايبي شي) عندنا غالي
ثالثا تركب افيوز حق الاكباس وتجده مع مجموعة الفيوزات مكانه موجود بس تشريه وتركبه
وبعد ذالك يكون عندك اكباس شدبلد بدون مايلعبه كهربائي
ابرق نثيل
16/07/2009, 01:23 PM
سفاري 2
سفاري 1

يجي مسلك من الوكاله من غطيان الكشفات الى الطلبلون
فقط يركب العصا والكتاوت
او تسليك بصيط من الطلبون الى الفصل لدى العليان


المشكله الوحيده في النوع التجاري
هو نوع اللمبات تجاريه تحترق كل شهر تقريباً

والحل هو تغييير اللمبه لنوعية اصليه من نوع فلبس

وهي موجوده لدى محل يقاله انوار الزينون بالبديعه

وهي راكبه الان لها سنه ولا احلى