قربه ولها لون

[عروق الدهناء]

احييكم اخوتي وقصتي ابختصرها لكم انا منذ سنه سيرت علي شباب وقت دخل في منطقة شمال تربه المهم جلست معه وقعت اصيد ذاك اليوم وحسيت بشوي عطش فسالتهم عن الماء فقالي واحد شفه علي الا ثله معلق ويوم رحت لاقيت ذيك القربه معلقه وبجنبه طاست عدن واصب ذاك الماء البارد اللي احس اني ماذقت حلاوه وبرد مثله المهم يوم رجعت للديره عزمت اني اشري مثل هالقربه ورحت للسوق واختلي وحده يمدحه راعي المحل ( جلد عنز) ولاكن منهاك اليوم وانا اغسل وافضي ابي اللون يروح عجزت غسلة تريلووون مره والله اني متحسفبه لان ماه بااارد ابي الفزعه وكما تعوت منكم اللي يعرفلي طريقه اتخلص من اللون والطعم يرشدني لمه وله مني خالص الشكر .......... اسف علي الاطاله

[سمنان]

مساك الله بالخير اخوي عروق الدهناء ...

اعتقد والله اعلم ان افضل طريقة للتخلص من طعم ولون القرب الجلد الجدد .. طريقة الاولين .. وهي تنقيع ورق شجر الارطى بالماء .. وبعدين تخمر القربة فيها وتعبى منها .. وتسوى اكثر من مره ولكم يوم ..
وانا تراي ما سبق وجربتها .. لكن اعرف من جربها وكانت النتائج ممتازة وانا شاهد عليها .. والله يوفقك

[أيمن]

على فكرة .. شجر الأرطى من أفضل الأدوات المستخدمة لدبغ الجلود ..

تحيتي

[عروق الدهناء]

اخوي سمنان شاكر تجاوبك وهالحين ابروح للعطارين واجيب ارطي وانشا الله اذوقك من ماه
مشرفنا العزيز ايمن اشكر علي المعلومه الجيده ولكم مني كل تحيه وتقدير واحترام

[عاشق الفـــــــيّ]

ياخوان الي اعرفه انا ان الدباغ القربه اوالصميل ( السعن) يندبغ في قشر رمان او ارطه

وانا شربت من صميل مدبوغ بقشرالرمان طعمه حلو وذقة مع البن طعم الرمان وجربت الصميل

مدبوغ بالارطه شربته مافيه شي ماكنه مدبوغ بشيء يعني طعم البن الي نعرفه

بس الرمان يكون طعمه اقوى مع قربة الماء عكس الارطه

وانا ايد كلام اخو سمنان
اخوك/ نيشــــااان

عاشــق الفـــــــــــــــــــــيّ

[عاشق الفـــــــيّ]

اخوي عروق الدهناء فيه قربه تصنع في الكويت

مثل قربة السنيدي او الي يسونها من الطربال التنزاني

بس افضل منها بواجد اسمها الهدلك على اسم المصنع

بلا رمان بلا ارطه :D

[عروق الدهناء]

اخوي نيشاااااان مشكور علي التواصل الجميل ومشكور علي اضافه الرمان عنوع من انواع دباغة الجلود . وبالنسبه . للقربة المصنوعه من الشراع زينه بس ماتعطيك البروده مثل القربه وانت ابخص ولك مني كل احترام

[...الطوقي...]

مشكورين اخواني على التوضيح..

بجرب الارطى للقربه بوخر لونها:D ..


















تحياتي لكم
...الطوقي...

[shaheenshah]

اخوي الطوقي انت عليك من الطعم ما عليك من اللون
اهم شي طعم الماء في القربة اما اللون ما اعتقد انه راح يتغير