مصقعه بالضبان آخر زمان

[ابو عمر اللاحم]

خمسة نفر من الضبان متوسطة الحجم أو أكثر نقوم بسلخ الضبان ونرمي الجلد نقطع الضبان ونأخذ اليدين والرجلين والعكرة ونرمي الباقي نقوم بغسل اللحم بالماء والليمون و الملح غسيل جيدا بعد ذلك نقطع ثلاثة فصوص بصل متوسطة الحجم مع قليل من الهيل والكمون نضعها في قدر مع اللحم على النار ونتركها تطبخ لمدة ساعة أو اقل أو أكثر المهم ينضج اللحم نحضر كمية كافية من الباذنجان والبطاطس ونقطعها حلقات ثم نقوم بقليها بالزيت حتى تستوي إذا استوى اللحم والباذنجان والبطاطس نقوم بترتيبه مع بعض في صينيه نكون قد عملنا تكشينة الصلصة وهي عبارة عن بصل وبهارات وصلصله مع قليل من الماء بحيث يكون بين الثقيل والخفيف نقوم بصب هذه التكشينه على اللحم والبطاطس والباذنجان بشكل متساوي نقفل الصينية بقصدير ونتركه على نار هادئة لمدة ربع ساعة .
وبالهناء والعافية
:eek: :eek: :eek: :eek: :eek:

[فتى النظيم]

تصدق يانهار إني لم آكل لحم ضب أبداً هل تنصحني بأكله ؟:D :D :D :D

[أيمن]

تسلم والله يا ابو عمر ..
مع إن الضببة من تالي تمشي قدامك ما تقدر تسوي لهن شي، لكن الله يخلي الغر والشكامين :D ..
أخوي فتى النظيم: كانك معزم حاول تاكله بعدما يجهز، ويكون اللي مصلحه له خبرة به وبتقطيع زفرته، ولحمه ما فيه ألذ منه ..
لكن مادامك مبتدأ لا تحاول تقعد عند اللي يذبح ويطبخ :)

تحيتي

[تالي الاولين*]

.



مصقعة هذي اخر صيحة في عالم الضبان:D :D

بس والله شكلها على كيفك :good:


تصدق عاد يانهار وانا اخوك

جتني فكره محاشي ضبان وش رايك تزبط او لا

مع اني اتوقع ان طعم الخضار بيغطي على طعم الضبان

انت وش رايك


ويعطيك العافية ياخلفهم


.

[ابو عمر اللاحم]

اخي الكريم (( فتى النظيم))

حياك الله شكله اعجبك هالفكرة اقول وش اللي يمنع انك اتجرب ؟؟

تحياتي ،،،

اخي الكريم (( ابو حمد))

مشكور على التعليق .. ما مثل ام خمس مع الراس .

تحياتي ،،،

اخي الكريم (( تالي الاولين))

تقول : (( مع اني اتوقع ان طعم الخضار بيغطي على الضبان انت وش رايك ))

لعل هذا اللي جعلني افكر في الطبخه

تحياتي ،،

[...الطوقي...]

هذا والله اللي ماطار طيره:D :D

كل شي حاطين الضبان فيه ما صارت:p ...

كبسه ضبان ..مرقة ضبان..مرقوق ضبان:D ..ااااخر صيحه مصقع ضبان:p ...باقي عصير ضبان:D ...

بس حلوه ياتالي الاولين* المحاشي :D ....

مشكور يالغالي ونبي نجرب مصقع ضبان:D ...













تحياتي لك
...الطوقي...

[ابو عمر اللاحم]

اجل : ما طار طيره :D :D :D

تحياتي ،،،

[فتى النظيم]

أقول الله يعين أبي أجرب في أقرب فرصه وإذا صار لي شيء إنت المسئول يانهار والسبب الوصف الجميل اللي كاتبه عن الضبان والمصقع ؟:looney: :looney: :looney:

[ابو عمر اللاحم]

لا انتبه اذا جربته تبي تصير في مشكله ما تقدرتتخلص منها :

انزل اعلمك

























اقول تبي تدمن على اكل الضبان انتبه:D

:D :D :D

[فتى النظيم]

يقولون ما ياكلون الضبان إلا المتقاعدين الذين وصلوا لدرجة مايعلمها إلا الله من الطفش والجلسه في البيت وكذل يقولون له فوائد خاصة (:what: ) مدري هل هذا الكلام صحيح ؟ واتوقع أن الناس يأكلونه للفائدة وليس للطعم والله أعلم ;)

[ابو عمر اللاحم]

اخوي فتى التظيم اقول : مادري انت ادرى ::D