المساعد الشخصي الرقمي

مشاهدة النسخة كاملة : كميرتي (NIKON coolpix P4)


Bader-M
07/06/2007, 12:26 PM
بسم الله الرحمن الرحيم
.........
اسعد الله صباكم بكل خير
او
اسعد الله مساكم بكل خير
(على حسب دخلتك للموضوع)

.......
قبل قرابة ثلاث شهور قررت تغير كميرتي الكوداك القديمه بكميره احدث وافضل
ولكنني كنت محتار وش اختار وخبرتي بالكميرات ( مشم ولا بد يعني )
قلت مالي غير ابو فهد (طارق)
فقمت بالاتصال به
055ــــــــــــــــــــــــ
الو طارق
هلا عبدالمحسن
لا انا بدر
عبدالمحسن ماخذ الرقم الرديف
هلا والله اخبارك يا ... وش اخبارك
انا : لا تعير تراني اعرست
طارق : والله لو تعرس على اربع ويصير عمرك خمس برى
انا : هذا انتم ما تصدقون تمسكون على احد شي ما علينا الحين يسمع يقراء احد الاعضاء ( بدون ذكر اسامي ) المعياره ومايصدق خبر ( الجحه )
على طول يعمل اخوه عاد اخوه يعمل مرته عاد السالفه وصلت الحريم عز الله ما يمديني اخلص الموضوع الى مرتي داريه
تخيل مرتك تعرف معيارتك وش راح يكون موقعك من الاعراب اكيد ممنوع من الصرف ...
طارق صح انك اكبر مني ولكن
ما بسمحلك ما بسمحلك مهما يكون البي بيرتحلك
لا تفكر تطلع بالعالي سيبك من فكر وبالي
اذا ما بتفهم على موالي اتركني احسن لي واحسنلك
<< قلب لبناني
نرجع الى الموضوع
وانت وش مسوي وش اخبار الهلال ( عشان ينبسط )
على فكره
ترى طارق هلالي لنخاع
يعني دم قلبه ازرق
ماعلينا نرجع لسلفتنا
انا : اقول ابوفهد
طارق : سم
انا : سم الله عدوك
انا مره اخرى : ودي اشتري كميرى سعرها معقول ومواصفات حلوه
طارق : يعني كم حدك ؟
انا : يعني من الف وخمس ... حولها
طارق : فيه كميرى نوع NIKON P4
طارق مره اخرى : سعرها حول 1500 ريال وتحصلها عند عماير الراجحي بالبطحاء
وانا راح ارسلك على الخاص رابط يتكلم عنها
انا : مشكور و ماقصرت يا ابوفهد وان شاء الله الهلال ياخذ بطوله السنه عشانك بس
يالله توصي شي ؟
طارق : سلامتك وسلم لي على ....
انا : انا شاء الله يبلغ
على فكره ياطارق تراني نسيت السلمك عليه العذر و السموحه

<<< بعد ما اخذ حاجته سحب علية انواع الذاله :D :cool:

..........
في الحقيقه كان اختيار موفق ولله الحمد وفضل الله وثم طارق
وصدق الشاعر حين قال
الصديق وقت الضيق ( مالها دخل بس مشوها )
حتى لا اطيل الكلام
هذه مواصفاتها
ارعص هنا

http://nikonimaging.com/global/products/digitalcamera/coolpix/p4/index.htm

........

سعرها
1400 وكسور
ومعها ذاكره 1 قيقا
وكملتها
بذاكره اخرى 2 قيقا مع بطاريه و شنطه
وطلع المجموع حول الف وسبعمية و خمسة اريل ( عياء ينزل لي الخمسه )
........
وهذا صور قمت بتصوريرها بنفسي

..............
http://badermotors.googlepages.com/nikon1.jpg


..........
http://badermotors.googlepages.com/nikon2.jpg
........
http://badermotors.googlepages.com/nikon3.jpg
.......
http://badermotors.googlepages.com/nikon4.jpg
.......

ولكم مني كل محبه وتقدير
((فانتوم))
07/06/2007, 03:13 PM
اخي الحبيب

الحقيقة الكاميرا رائعة وانا شخصيا مجربها

ولكن التي لدي هي الموديل coolpix P3

بميزة الواي فاي وهو نقل الصور للكمبيوتر والطابعه لاسلكياً

مبروك واختيار موفق والصور رائعة

فانتوم
بـران
07/06/2007, 03:20 PM
ألف ألف مبرووووووووووووووووووووووووك

و اجعلها من مواليد السعادة ؟؟؟؟؟؟؟؟؟؟؟؟؟؟؟
s3oodi
08/06/2007, 02:24 AM
السلام عليكم ورحمنه وبركاته


ألف ألف مبرووووووووووووووووووووووووك

و اجعلها من مواليد السعادة ؟؟؟؟؟؟؟؟؟؟؟؟؟؟؟
الوشاح
08/06/2007, 05:12 AM
مبرووووووووووك :)

ماقصر معك طارق عطاك الراي السنع :good:

كمره ممتازه مع حجم مغري
الباحث_الصغير
08/06/2007, 09:32 AM
ونعم الرأي طارق



والف مبروك عليك المبروكة



يالله شد حيلك بالصور الطيبه



:::::::::



كل الصورة اللي نزلت روعه وتدل على حس فني رفيع تجاه التصوير



والصورة ماشاء الله صافية ونقية تدل أيضاً على روعة هذه الكاميرا



أجل سحبت عليهم بعد انقضاء حاجتك



:D



((ولا وصلت السلام))



خخخخخخخخخخخخخخخخ



لا تنسى ترى تبليغ السلام أمانه في عنقك



اتصل عليه تلفون الحين وبلغه



أجل الدعوى فوضى



:D



تحياتي
رحال
08/06/2007, 10:13 AM
اخي العزيز طاير بالعجه الله يصبحك بالخير والسعاده ..
الله يبارك لك فيها واختيار إن شاء الله موفق ومن ناحية الصور ماعليها كلام جميله جداً .

نريد المزيد من الروائع ( وانت لها ) :)
بوخليفه
الـدلـبحي
08/06/2007, 01:25 PM
الله يعطيك خيرها ويكفيك شرها(سياره ذي ماهب كاميرا) :D

صور رائعة يعطيك العافية ومشكور

ويالله شد حيلك نبي كل يوم صورة ;)


اخوك الدلبحي
Bader-M
08/06/2007, 02:20 PM
((فانتوم))



الحقيقة الكاميرا رائعة وانا شخصيا مجربها

ولكن التي لدي هي الموديل coolpix P3


اجل انا وانت من اليوم اصدقاء :D

بنسبه للفارق بين الكميرتين
ليس بذالك الاهميه بنسبه لي

تحياتي اليك



...........
بـران


و اجعلها من مواليد السعادة ؟؟؟؟؟؟؟؟؟؟؟؟؟؟؟

يبلغ ان شاء الله ؟؟؟؟

.........
s3oodi

جزالك الله خير


...........
الوشاح


ماقصر معك طارق عطاك الراي السنع

كل شخص ومجاله
وطارق و زيزوم و واعضاء خيمة التصوير
ما يقصورن وما يبخلون في اي معلومه تفيدك في مجال التصوير و الكميرات
فجزاهم الله خيرا

اسعدني مرورك


..........

الباحث_الصغير


اولا
شكرك على اطراك الذي لا استحقة وتشجيك لي

ثانيا


أجل سحبت عليهم بعد انقضاء حاجتك
:D
((ولا وصلت السلام))
خخخخخخخخخخخخخخخخ
لا تنسى ترى تبليغ السلام أمانه في عنقك
اتصل عليه تلفون الحين وبلغه
أجل الدعوى فوضى

هذا فاتت علي
جزاك الله خير

تحياتي اليك

.........
رحال

اشكر على كلماتك المشجعه وان شاء الله اكون عند حسن ظن الجميع

تحياتي اليك



..........

الـدلـبحي


الله يعطيك خيرها ويكفيك شرها(سياره ذي ماهب كاميرا)

ههههههههههههههه
على سياره او كميرى او حتى جوال و ميكرويف :D

كلها تستحق هذه الكلمات

واشكرك على مرورك الكريم

تحياتي للجميع
فتى الدهناء
08/06/2007, 08:42 PM
مبارك الكمرة أخي الغالي ..
أبوناصر
08/06/2007, 10:08 PM
مبروك الكمرة


وراي إن النيكون لا يعلى عليها
جنتلـ
09/06/2007, 01:01 PM
مشاء الله


مبروك عليك

اختيار موفق

ومابعد كلام وتوصية طارق شي


وان شاء الله تعجبك النتائج


بنتظارك ..
Bader-M
10/06/2007, 07:36 PM
فتى الدهناء

الله يبارك فيك



...........

أبوناصر


وراي إن النيكون لا يعلى عليها

مثل التوتوتا في السيارات
:D ;)

تحياتي اليك

........
جنتلـ

الله يجزاك خير
وشكرا للمرورك الكريم
lylt15
10/06/2007, 10:57 PM
مبروك على الكامره
h5 وش رايكم بالسوني
شفتها ودخلت مزاجي
يا ليتكم تعطوني خبر
ولكم الشكر
ودمتم سالمين
lylt15
11/06/2007, 08:36 AM
مبروك على الكامره
وش رايكم بالسوني (h7)
شفتها ودخلت مزاجي
يا ليتكم تعطوني خبر
ولكم الشكر
ودمتم سالمين
Bader-M
12/06/2007, 05:36 PM
lylt15



وش رايكم بالسوني (h7)
شفتها ودخلت مزاجي
يا ليتكم تعطوني خبر
ولكم الشكر
ودمتم سالمين


اخوك اعليمي بالكميرات
ولكن عندك شباب في هذا الخيمة راح يفيدونك اكثر مني

وشكرا لمرورك الكريم
تحياتي اليك