استفسار عن توانك الماء

[صالح السليمان]

السلام عليكم ياشباب معليش أخذنا من وقتكم الشي الكثير

أبسأل راعين اللاندكروزر (الصالون) عن توانك الماء أيهم أحسن الألمنيوم والا الستانلس ستيل
وكم ياخذ كل واحد من لتر وأسعارها وأفضل ورشة تصلحها؟؟


مع الشكر والتقدير

[مهيلان]

حياك الله اخوي صالح
سؤالك ينقسم الى اقسام
اولا : الستانلس ستيل افضل من الالومنيوم لمتانته ورخص القيمه والتكلفه .
ثانيا : كم ياخذ من لتر هذا شيء راجع لك ونوع لتانكي وموقعه . لكن اظن ان افضل ما
رايته من توانك اللاند كروزر هو في الشنطه الخلفيه ارتفاع شبر تقريبا ومفروش على
كامل الشنطه وان كان موترك فيه مرتبه خلفيه فانها تجلس عليه تماما . قد
ياخذ 120 لتر تقريبا ..
وهناك من يركبه بدل الاستبنه السفليه وهذا جيد . وياخذ 80 لتر .

رابعا : اسعارها كما ذكرت راجعه لحجمها والنوع اللي الاول الذي ذكرت قد يكلف 1200 والنوع الثاني 850 ريال ...

خامسا : افضل من يركبها ساذكر لك ثلاث ورش مشهوره جدا بالرياض والافضليه والسعر على
حسب الترتيب ..
1ــ الزايدي . شارع المنتزه بالصناعيه القديمه .
2ــ المواهب . شارع العويضه .
3ــ المميز . شارع العويضه .
ارجو ان اكون قد افدتك
ودمت سالما

[أيمن]

أخوي صالح ..
لا تتعدى الستيل سمك 1.5، مهما بالغ في سعره .
أما الألمنيوم فهو يطعم في الموية أول الاستخدام، وإذا أبطا ما فرغ ..
ولا تفكر في الحديد أبد ..
بالنسبة لمن يتقنها راجع لمكان إقانتك، ولعل البقية يفيدونك ..
واعذرنا على القصور ..

تحيتي

[صالح السليمان]

مهيلان
مشكور والله ماقصرت والله أفدت واعذرنا اخذنا من وقتك


أيمن

برضو مشكور ما قصرت (بغيت أسألك على الخاص بس قلت يبي يجي يكفخن)
وجزاكم الله خير