معقول هذا سعر كفرات الباث [الأرشيف]

مشاهدة النسخة كاملة : معقول هذا سعر كفرات الباث

salehhd

10/06/2007, 01:03 AM

السلام عليكم

قبل يومين رحت اسأل عن قيمة الكفرات حق الباث مثل شد وكاله (برجستون ) وانصرعت لما سمعت السعر

قالي 580 الكفر الواحد
والدانلوب اعرض ب480 ريال
فهل هذي الاسعار صحيحة ولا مبالغ فيها افيدوني لاني ناوي اغير قريب
واذا بالاسعار هذي بأجلها كم شهر قدام

مساير الليل

10/06/2007, 01:31 AM

نعم يالغالي جنط الباث 17 ومن المعروف أن كفرات جنط 17 تكون غاليه

والله يعينك

alkongrs

10/06/2007, 01:37 AM

وين رحت للغرابي او الوكاله

رح لطيار يمكن تلقى اقل من القيمة

عبدالرحمن

10/06/2007, 01:50 AM

لا للباثفندر

10/06/2007, 02:23 AM

انا اخبر البرجستون ب480 عند االوكاله مع التركيب

الساهر2003

10/06/2007, 02:37 AM

السلام عليكم ورحمة الله وبركاته

صحيح كفراة الباث غاليه البرجيستون وهي افضل شى له لكنها جبلية والسبب في الغلا لان الجنط 17 والكفر مو رفيع وهو غالي لكن فيه الهانكوك ممتاز وارخص ويوجد منه نفس الارتفاع وفيه هانكوك ارفع شوي وارخص واما جنط 15 و16 من ناحية السلامة 17 افضل
والهانكو الين مطب واقل ازعاج وممشها 50الى 60 الف
والسلام

ابوقاسم

10/06/2007, 02:56 AM

ياريت تلاقي لك طقم جنوط لموديل 98 او 2000 مقاسها 16 تلاقي كفراتها واسعارها متوفرة ومناسبة
وبالتوفيق

abo lafi

10/06/2007, 03:49 AM

مالك الا هي

الله يعينك هذي اسعار 17

المميـز

10/06/2007, 04:30 AM

ميشلان بـ 500 ريال

الرهدن

10/06/2007, 05:17 AM

وعليكم السلام ورحمة الله وبركاته :

نعم ,, معقول وزود ,,
وياليتك سألت عن الجنوط !!
وهذا جزء من بركات نيسان :confused:

.

بعيد الهقاوي!

10/06/2007, 10:32 AM

السلام عليكم يا أهل باث

كفرات ماكسس تيلندي 17/65/245 السعر 370 105S

كفرات هانكوك كوري 17/65/245 السعر 360تقريبا 107T

كفرات فايرستون ياباني 17/65/245 السعر 420 107T

http://www.mekshat.com/pix/upload/sign/images/mk21700.gif

salehhd

10/06/2007, 10:59 AM

السلام عليكم

بارك الله فيكم واشكركم على التجاوب السريع

انا سائل قبل 6 شهور وكان سعر الكفر حول 450 او ازود شوي بس الحين وصل لهذا السعر المبالغ فيه

اخي الممزي متأكد ان الميشلان ب 500 ريال اذا كذا ركبتها وجودتها افضل من البرجستون والين

او اركب الفايرستون اذا نفس المقاس وانا من الشرقية وسألت في المحلات الي عند المعجل

Abo Nader

10/06/2007, 11:22 AM

أذكر أن الكفر البرجستون ب450 وقعد فتره ما تغير سعره..
أخر مره سألت عنه قبل 8شهور و لقيته ب450 و الدنلوب ب450 بعد...
أنا شاري كفر قبل شهرين دنلوب بالرياض ب 450..
و كفر الميشلان على خبري القديم ب550..

الله يعينك أخوي صالح..بس نصييييييييييييحه لا تروح للوكالة الكفر..

أعرف واحد راح لوكالة بريلي الي بطريق الظهران قالو له كفر الفورد الكراون ب450 راح للبناشر لقاه 370..

تخيل الفرق 80 ريال و كلها نفس الشي..

برق السما

10/06/2007, 11:40 AM

عجيب ولله ..

خبري بالبرجستون قبل كم شهر 450 .. معقولة في كم شهر نقزت لهالسعر !!

صائد الفوائد

10/06/2007, 11:53 AM

أنا اشتريت طقم كفرات دانلوب قيمة الواحد 350 تقريبا قبل أربعة أشهر
جنط 16 باث مواصفات الكويت

بعيد الهقاوي!

10/06/2007, 04:13 PM

لا تنسون سعر الكفرات يزيد في الصيف وخصوصا ترانا مقبلين على إجازة الصيف :hot:

http://www.mekshat.com/pix/upload/sign/images/mk21700.gif

ابوعبدالله9999

10/06/2007, 10:29 PM

أنصحك بالهنكوك ألين من البرجستون وأرخص وعليها كتابه بيضاء تعطيها منظر أحسن من البرجستون وسعرها 390ريال.

salehhd

10/06/2007, 11:00 PM

السلام عليكم

اخي راعي وناسة الهاكوك كوري ولا
هل هو بجودة الياباني مثل البرجستون يعني ممكن يعيش معاي سنتين ونص او 3 سنوات
ياليت تفيدني

خير المزن

10/06/2007, 11:12 PM

البرجستون ماطاه قاسي مره ..................... إذا جيت أدخل النفود لازم اسدحه على 15
الدانلوب 25 كأنه 15 برجستون
الفرق ؟؟؟؟؟؟؟
البرجستون للحصا
الدانلوب للرمل
أنا شريت دانلوب وانشق علي واحد بالصمان قبل شهر مع إنه ما مشى 5000كلم
البرجستون مقطعه بفيافي و قفار الصمان لين 60000كلم بعدها تقطع
ولكم تحياتي

salehhd

11/06/2007, 01:34 PM

السلام عليكم

اليوم مريت وكاله جوديروحصلت نفس المقاس ب650 ريال الكفر:eek: ويقول الماني

ياليت الاخوان الي جربو الهانكون يفيدونا عن هداوته في الخط والراحة وانا سمعت ان الكوري يتنفخ من الجنب مع المده هل هذا صحيح

ياليت تفيدونا واسف على كثر الطلبات

بواردي الدلم

11/06/2007, 06:29 PM

هذا سعره للاسف و لكن حط في بالك انه الموصى به في الكتالوج نفس المواصفات والاسعار في جميع دول العالم نفس السعر تقريبا

فيه حل انك تغير الجنوط الى جنط 15 , وقد بحثت قبل حوالي 3 سنوات عن جنط 15 يركب على الباث وحصلته ب 950 الطقم وكان شكله انيق ولكن لما جيت اركبه بعد ما اشتريت السياره قالي باح خلص , و صراحه ما عندي استعداد ادوره مره ثانيه الين تنتهي الكفرات الحاليه على الموتر:no2:
السلام عليكم ورحمه الله وبركاته نصيحه للاخ عبدالرحمن والسائل وباقي الاعضاء
لا تتهاون في مقاس الجنط والكفر حق الوكاله ابدا عشان ماتطلع لك عذاريب بعدين ماتتوقعها
ركب نفس المقاس على نفس الجنط لو الكفر 600

احسن من انك تركب جنوط وكفرات وخربطه زايده
بعدين لاتتهور وتركب اي كفر من هالصناعات التعبانه ولا اللي علمك به جديد ونقشته جديده وخر عنه ثم لامسيته بخط ولا اسرعت عليه لينك مكمل طريقك على التنده الله لايقدر الله لايقدر

حايرالقلم

12/06/2007, 04:12 AM

ياشباب ترى فيه انواع صينيه زينه ويكن اقوى من اليباني لان الصنين بدت جودتهم فيه نوع صيني اسمه مارشل ومره ممتاز اسال عنه وشوف وماشي بالسوق

ابوعبدالله9999

12/06/2007, 06:17 AM

السلام عليكم

اخي راعي وناسة الهاكوك كوري ولا
هل هو بجودة الياباني مثل البرجستون يعني ممكن يعيش معاي سنتين ونص او 3 سنوات
ياليت تفيدني

صراحة ماطولت معي لأني بعت السيارة بعد تركيب الكفرات بحول أربع أشهر...... أرجوا ممن طولت معه إنه يفيدك ...

محتري السيل

12/06/2007, 10:51 AM

خذ لك ميشلان أبرك لك

كفرات تخدمك خمس سنوات وأكثر ما تفرق عن الجديدة

وحتى لو تسحتت لا تخاف تقول بينصلخ

ضمان من الوكيل بعد الله عز وجل

الدهام

12/06/2007, 01:18 PM

كفرات ميشلان جربتها ممتازه جدأ وأفضل البريجستون لان تمسح بسرعه

وللجميع تحياتي

salehhd

12/06/2007, 01:34 PM

السلام عليكم

بارك الله فيكم وراح اسأل عن الميشلان خاصة ان عندي زميل شغال عند الجفالي ولهم سعر خاص

الدفرنس

12/06/2007, 04:14 PM

الهانكوك كوري ولين وممتاز انا مركبه 400 ريال أما المده لاتسألني لان مالها شهرين مركبها

منتعش

12/06/2007, 04:34 PM

لا تعدى الهنكوك
كوري كوري

ما هو مثل ( البرجستون وغيره تلقى مقلد صناعة صينية وإندونيسية وإماراتية )
واللعب فيه على ودانه

بواردي الدلم

13/06/2007, 12:50 AM

GOODYEAR
اخس كفرات على الاطلاق بعدين انا اخبرها امريكيه ماهيب المانيه
بس اللي محيرني انها تركب على الطائرات البوينج
مع ذالك مرتين وانا اشوفه ينفجر بلحاله والطائره واقفه

salehhd

13/06/2007, 01:02 PM

السلام عليكم

الله يبارك فيكم واشكرم على نصايحكم
والله ييسر الامور

برزان

13/06/2007, 01:08 PM

انا مركب ميشلان من قرابت سنة وثمانية اشهر وجداً ممتاز

بواردي الدلم

13/06/2007, 04:26 PM

يابرزان افندم
السلام عليكم ورحمه الله وبركاته
هل لاحظت تغير في المطب بين ال ميشلان والبريدج ستون
ايهما افضل بالنسبه للتحمل والسحكيه
وشتنصحني به وانا رجال من البيت للدوام وإن حصل طلعه بر اقرب بر اطلعله مانيب راعي حصى وتكسير وجروف

.أبوعبدالرحمن

13/06/2007, 07:36 PM

السلام عليكم ورحمة الله وبركاته

انا توني مركب يو كو ها ما 400 ريال للواحد وهو تقريبا من افضل الكفرات سعرا ومن الكفرات العملية ان شاء الله

صقر الدهناء

13/06/2007, 07:51 PM

الله يعينك
من المعروف انا جنط17 كفرات غالية

اما جنط 16 فايرستون ياباني 350 مع التركيب في الغربي

الكايف2

13/06/2007, 08:22 PM

اخوي صلاح فيه نفس الجنوط في الغرابي 16الطقم 1200صيني غيراريح لك تقبل تحياتي

أبرق دمعة

13/06/2007, 10:51 PM

سلام عليكم ،،
أنا أكتب لك هذا الرد وأنا ( توي جاي مغير الكفرات )!! !! :D :D(باركو ليييييي):D :D
أخوي : البرجستون فعلاً غاليه يقول راعي المحل أنها بـ 580 ريال .. (( الله لا يخسرنا )):eek: :eek:
طبعاً انا ركبت دنلوب مقاس 265 (( حقات البرادو)) .. .. وجربتها مع الشباب قبل ما عنك أحسن منها .. ..
ركبها لي 1800 ريال .. .. يعني الكفر 450 ريال .. ..
طبعاً البرجسون ماشيه معي 65000 كلم .. ..
وشكراً للجميع ،،،

http://www.mekshat.com/pix/upload/sign/images/mk39342.gif

salehhd

14/06/2007, 02:08 AM

السلام عليكم

اليوم مريت كم محل وحصلت سعر البرجستون اخر شي 555 ريال
الميشلان قالي 545 ريال
فايرستون 430 ريال
هانكوك 410 ريال

بالنسبة لتغيير الكفرات حلاة الموتر شد وكاله والجنوط اصليه ماودي افرط فيها

paris_najd22

15/06/2007, 06:01 PM

الحين والله الواحد إحتار مايدري وش ياخذ من الكفرات

نبي شي مريح بالخط والبر ومجرب تكفون بسررررررعه ودي أغير كفراتي ههههههههههههه بس حلوة بسرعه

مايخالف بس أموووون على إخواني

برزان

15/06/2007, 06:21 PM

اخوي بواردي الدلم هناك فرق في المطب الميشلان مريح وانصحك فيه

paris_najd22

15/06/2007, 07:02 PM

أخوي برزان عطنا المقاس تكفى

خلفهم

16/06/2007, 12:04 AM

أنا كانت السياره عليها جنط 17 وغيرته إلى 16 ..

طبعاً ... لا حد يقولي مهبول .. بالعكس حسيت الفرق لا ممشى ولا راحه ..

وركبت عليها هانكوك ما فيه أحسن منه ..

خلفهم

16/06/2007, 12:05 AM

نسيت ترى فيه الباث يجي وكاله منه 16 أعرفف كم واحد جنطه 16

salehhd

25/06/2007, 04:04 PM

السلام عليكم
الباث من موديل 2002 وتجت يجي 16 ومن 2003 وفوق يجي 17

زميلي قالي سعر الميشلان راح يكون بعد خصم الموظفين 480 ريال لاكن قالي صناعة صينيه:confused:

الساهر2003

10/07/2007, 10:35 PM

السلام عليكم ورحمة الله وبركاته

ياشباب امس مريت الغرابي وسالت راعي محل كفرات دايم اغير عنده كفرات سيارات البيت وسالته عن كفرات الباث اعطاني انواع كثيره منها ان سعر البرجستون شد البلد وصل 540 ريال ترافيه ذهب هههههه والميشلان 530 ريال تقريبا والهانكوك بـ 340 تقريبا لكن الهانكوك اقلها صبر وجوده والمشلان جيد والبرجستون قاسي بزياده واليوكوهاما قاسي جدا والتويو اقل صبر من البرجيستون ولكن راعي المحل قال فيه كفر قريب نازل ولكن متوسط السعر وممتاز اغلب المواصفات والميزات جمعها وهو الفايروستون نفس مقاس الشد بلد لكن اعرض بشوي والين ويتحمل الحرارة والصخور والرمل وهادي وراسي والشكل حلو موب شين اقرب كفر له الهانكوك في الشكل وسعره 440 ريال والتاريخ جديد والسرعة 210 والحرار ممتاز وهذا كلام صاحب المحل وانا شفت الكفر وللمعلومية كنت اركب عنده نفس الكفر فايروستون مقاس 16 على اللاند وهو الي شار على بعد ماكنت اركب شاهين والفايروستون الخاص باللاند اقل جوده من الفاي روستون الخاص بالباث وانا مجرب الفايروستون الخاص باللاند وهو ممتاز جدا وممشيني حول الثمانين الف كيلو ما بين الصمان والدهنا والرياض وحولها وطويق لا تنساه

واسف على الاطاله لكن معلومه لا اريد اخفيها عن اخواني في الله
ولكم جزيل الشكر
والسلام

salehhd

11/07/2007, 12:37 AM

paris_najd22

11/07/2007, 01:34 AM

السلام عليكم

جزاك الله خير اخي الساهر على المعلومات القيمة وبالفعل حصلت الفايرستون لاكن خفت وكلن نصحني بالمشيلان

وابشرك ركبت الميشلان قبل اسبوع ب540 ريال للكفر وحستيتها الين من البرجستون لاكن راعي المحل قالي خل الضغط على 35 مع ان الوكاله تقول 30 فشرايكم ارجعها 30 ولا اخليها 35

وعليكم السلام اخوي صالح نصيحتي لك خله 25 بوسط الديرة وإذا بغيت تمسك خط خله 30 وإذا بغيت تحمل خله 35 هذا العلم اللي عندي والله أعلم

الساهر2003

11/07/2007, 09:01 PM

السلام عليكم ورحمة الله وبركاته

اخوي باريس نجد هذه الطريقه تقلل من عمر الكفر والافظل 30 دايم واذا بتسافر وتحمل 35 للكفرات الخلفية والامامية 30

والسلام

paris_najd22

12/07/2007, 02:13 AM

مشكووووور أخوي الساهر على تعديل المعلومة

salehhd

12/07/2007, 03:33 AM

مشكورين يا شباب وشكلي راح ارجعة على 30 ويعطيكم العافية