ابي اغير المكينه من 4500 الى فتك 4800.

[الوافي99]

السلام عليكم

اخواني انا ابي اعرف هل تغيير ماكينة الباترول الـ4500 من موديل 98 الى 2001 الى ماكينة فتك 4800 مكلفه ام لا.


والموضوع هو فقط لمعرفة التكلفه التقريبيه طبعا مع رجيع الماكينه القديمه وهي بحاله جيده جدا.

ادرى يبي يجيني طراقات بس اهم شي تجاوبون من واقع خبره.

[ARB]

مكينه 4800 سعرها من 15000 الى 20000 مع الظفيرة و الكمبيوتر

يعني حط في بالك بتوصل لـ 30000 حتى يضبط الموتر معك

[الوافي99]

هذا ما توقعته لاكن اعتقد السعر بدون رجيع

[Bader-M]

افضل حل لك و اقصر طريق


وبدون فلسفه


مالك غير تبيع الموتر وتشتري غيره تكون مكينته شد بلد

تحياتي اليك

[الوافي99]

بس بكم تلقى 2003 نضيف ياطاير بالعجه:rolleyes:

وبعدين لاتضرب:p ترى بس ابي اعرف هل هي مكلفه او لا:)

[.أبوعبدالرحمن]

اخي الكريم مستحيل ان تكون تركيب مكينة مثل مكينة شد بلد




بع السيارة واشتر لك باترول من 2002 الى اخر موديل وفك نفسك وحتى اذا دفعت فلوس واجد



بس اهم شيء ان المكينة شد بلد


وريح دماااااااااغك

[ع.ف.الدرويش]

افضل حل لك و اقصر طريق


وبدون فلسفه


مالك غير تبيع الموتر وتشتري غيره تكون مكينته شد بلد

تحياتي اليك

لا بالله .. دامك مغيرها مغيرها فـ أفضل حل لك هو مكينة الـLS1 لأن تكلفتها قليلة مقارنة بالفتك وشغلها مباشرة يضبط وتقريباً 330 حصان لك.. وبالقصيم تكلف أقل من الـ20 ألف بكل شغلها..
أما بالنسبة لسعر مكينة الفتك فيختلف لكن السعر مع الظفيرة و الكمبيوتر بيكون غالي فوي الـ15ألف وكل هذا بدون شغل.. مع إني سمعت إنها ممكن تكون أرخص.. لكن وانا اخوك الـLS1 أضمن وأفضل..

أخوك.. أبو فهد..:cool:

[باترول للأبد]

مكينة الفتك تركب بالراحة على النيسان وصدقني لوتركبها بيصير موترك حصان على أنة الحين بمكينة 4500 حصان بس صغير


وأسعارها متفاوتة من 15 الف الى 28 على حسب الممشى والموديل

[الفهد11]

والله يابعد قلبي يالوافي
مانصحك ابد ابد

خلنا نقول انه راح تكلف اقل القليل 25 الف ريال
بع موترك اذا كان 99 يجيبله تقريبا ً 42 الف الى 44 الف وزده حق المكينه يطلع 69 الف
تطلق بقيمته احلى باترول 2002 او 2003

ولو رهمت بعد مهب ضابطه صح وتبي تشغلك بالخرابات وود وجب وحط وشل و و و و

يعني بالعربي مالك بالطلايب سو اللي قلتلك

هذا شوري ورايي ولعله يكون مفيد .

والله يرزقه هالوجه يارب .

[جني قطر]

يا خوي اذا تبي اتركب مكينت فتك انا انصحك روح الامارات بتعينها ارخص من عندكم في السعوديه
وبتكلفك مع التركيب في الامارات عرشرين الف او واحد وعشرين واذا انت ناوي اتركب صدق وخذ شوري رح الامارات وركب لك مكينت كروزر سته سلندر ولا ثمانيه وبتشوف المشي وعزم قوي والخرابات انشاها في كراج بن دلموج في ابو ظبي وسلامتك

[المميـز]

انا مرايي تروح للامارت وترهم الموتر

واذا انت ماتحب ترهيم وخرابيط

مثل ماقالوا الاخواني بع الموتر واللي تبي تحطه بتغيير المكينه حطه على سعر القديم وطق 2002 4800

[escape_man]

انا سائل عن مكينة الفتك عند الصمعاني بـ 17 الف ريال

لكن باشور عليك شور وخلك من مكينة الفتك

ركب ياطويل العمر هدرز ودبة رياضية وكلبريتر رياضي امريكي مع تحويلته الاسترالية وارفعه شوي وركب مراوح كهرب

يعني نقول قطع الغيار

هدرز 700 ريال الدبة صاروخ اصلية 200 والكلبريتر 1800 والمراوح 500 ريال

تقريبا مع شغل اليد ,,,, خلنا نقول 3500 وبختلف معك الموتر بشكل نهائي.

اذا تبي تفاصيل وارسلك لواحد راسلني على الخاص. وخلك من الترهيم الي يمرض

[الوافي99]

شكرا لمروركم ومشاركتكم يا اخواني

انا موصي رجال شرواكم يبي يروح للأمارات بيشوف لي الموتر الـ 2002و2003 كم يسون هناك والمكينه ايضا بعد اسبوعين ان شاء الله .

واللي عنده ارقام معارض هناك يسجله هنا الله لا يهينه وشكرا.