سؤال لأهل الخبره مشكله في الباترول 2006

[أ ه م 111]

عتدي باترول 2006
المكينه 4500
إذا وقفت السياره لمدة عشر دقايق والمكيف شغال
ومشيت بعدها تفتف السياره ويطلع صوت طقطقه في المكينه بسيطه

وديتها الوكاله كم مره وقالو مافيها شيء عادي وأنا خايف منها ومستمره معاي على طول الوقت

اللي عنده الخبره يفيدنا وجزاكم الله خير الجزاء

[آبو غلآ]

هلابك اخووي ،،
تبي الصرااحه ــ
انا معي سيارهـ نفس سيارتك وصارت لها مشكله غير مشكلتك في القير
وجلست فترهـ اتردد عليهم ولا ظبطوها الا بعد الشين ،،
انصحك ارجع لهم وقل ابي المدير السياره على الضماان ومالهم حق
وترى كذا معروفين يبون يصرفونكـ :)

[مناااوي]

انا انصحك اذا انك من عشاااااق السفاري بـــــــــــــــــعععععععععه وخذ 2004 تراه الزين كله
لان 2006 فيه عيوب كثيرة من المصنع
وااااااااااااااسف اخوي جدا
وانا ارى انك تشوف القزوز لا تكون منسمه او راس المكينه به شيء وسلامتك على الله
مناااااااااااااااااااااااوي العسيري

[المميـز]

من المعروف ان الباترول اذا ارتفعت حرارته فوق الربع يتفتف شوي بالقومه وتروح

[غضنفر]

خذ العلم
انت تعبي 91 صح
عب 95 باذن الله يروح الصوت

[ابوعبدالله 22]

انا عندي نفس المشكله معي جيب باترول ربع 2006 بعض الاحيان اذا كنت امشي مهدي يعني القير على الثاني وضغط المكينه على رقم 2 تطلع تفتفه بسيطه فيه احس المكينه مهيب صافيه بس اذا دعست شوي تروح على طول والمشكله الثانيه احس فيه صوات مدري وشو زي صوت قرقشة الجنزير اذا رديت عزم الموتر ودعست والموتر بنمره ضعيفه بس يطلع عندي ونا شاد عزم الموتر بعض الاحيان اتمنا من الي عنده خبره يفيدنا هل هي عاديه في الباترول والى مشكله فنيه فيه

[غضنفر]

المشكله الثانيه احس فيه صوات مدري وشو زي صوت قرقشة الجنزير اذا رديت عزم الموتر ودعست والموتر بنمره ضعيفه بس يطلع عندي ونا شاد عزم الموتر بعض الاحيان اتمنا من الي عنده خبره يفيدنا هل هي عاديه في الباترول والى مشكله فنيه فيه
مدري لكن اظنه عادي
عندي مثل موترك
والقرقشة تقل كنها في القير
لكن تطمن الوضع باذن الله عادي ولا توسوس زيادة:p

[عبدالله الضويان]

اخواني ا ه م 111 و ابو عبدالله22 وغضنفر ولا يهون باقي الاخوان
المشكله اللي عندكم من ناحية الطقطقه او القرقشه هذي كلها ما تطلع الا من الحراره اذا ارتفعت او وزن الديلكو تا كدوا من الحراره انها ماتتعدى الربع ابد ولا يقولون لكم طبيعي انها تتعدى الربع لان الجو حار غير صحيح النيسان حرارته ماتتعدى الربع ابد صيف والا شتاء والاصوات اللي تسمعونها اذا ارتفعت الحراره وصوت اللقلقه من الديلكو ماهي من مكينه ولا قير احيانا يبغى وزن واحيان من ارتفاع الحراره هذي حسب خبرتي في النيسان واتمنى اني افدتكم
لكم خالص تحياتي

[حـاتـم]

اخواني ا ه م 111 و ابو عبدالله22 وغضنفر ولا يهون باقي الاخوان
المشكله اللي عندكم من ناحية الطقطقه او القرقشه هذي كلها ما تطلع الا من الحراره اذا ارتفعت او وزن الديلكو تا كدوا من الحراره انها ماتتعدى الربع ابد ولا يقولون لكم طبيعي انها تتعدى الربع لان الجو حار غير صحيح النيسان حرارته ماتتعدى الربع ابد صيف والا شتاء والاصوات اللي تسمعونها اذا ارتفعت الحراره وصوت اللقلقه من الديلكو ماهي من مكينه ولا قير احيانا يبغى وزن واحيان من ارتفاع الحراره هذي حسب خبرتي في النيسان واتمنى اني افدتكم
لكم خالص تحياتي


كلام سليم أخوي ابو المها

تأكدوا من الديلكو لعله مرتخي شوي

واذا الحراره ارتفعت فوق المعتاد هذا يبيلها وكاله

النيسان الطبيعي على الخط الثاني فقط وما تتعدا الا شوي مع الجور والحر

وشكرا

أخوكم / حاتم

[غضنفر]

جزاكم الله خير يا اخوان
لكن الحرارة عندي ولله الحمد طبيعية جدا والموتر 2007 ما مشى الا 6 الالاف
والصوت اسمعه في اكثر من ربع
يعني مهب في موتري الحالي
ما اتوفع الديلكو فيه مشكلة
لكن يمكن اني ما عرفت اوصف الصوت لذلك راح بالكم لشي آخر

[عضو مكشاتي]

نصيحه: لا تستعجل في الذهاب لاصلاح المشكلة قبل الاستشارة

[حـاتـم]

يا أخوان


اللقلقه

لها دخل بالبنزين الجديد الـ91

والله اعلم

[ابوو عبدالله]

يا اخوان انا معي باترول جالي وقت اعبي 91 وتغير الموتر علي عزمه وصوته ورجعت اعبي 95

واللهم لك الحمد رجع موتري زي اول وراح التقطيع والاصوات

لذلك لا تعبون 91 بالنسبه للباترول نصيحة مجرب
ابوو عبدالله

[أ ه م 111]

أقدم لكم عذري وأتمنى القبول بسبب إنشغالي هذه الأيام


شارب فينتو
مناااوي
المميز
غضنفر
أبو عبدالله 22
أبو المها
حاتم
عضو مكشاتي
أبوو عبدالله

أشكركم جزيل الشكر على المشاركات وتقديم العون وهذي عوايدكم ولاهي غريبه عليكم أعضاء المنتدى

مدير الصيانه في الوكاله سألني أكثر من مره هل تعبي بنزين 95 وقلت له لا

يقول لأن 95 يسبب تفتفه تأكد إنك ماتعبي 95 وقلت له يا أبن الحلال أنا ما أعبي الا 91

وشيكو على الكهرباء اليوم الثاني وقال سوينا لك برمجه وإن شاء الله تمام وجربناها بعد الشغل ولا بين شيء

وشغلتها وهي واقفه والمكيف شغال حدود عشر دقائق ألا ونفس المشكله وعلمته وقال أنتهى دوامي إرجع لي بكره وأشوف

قلت طيب أبشر وشفتكم ولا شفته وكاله كلام فاضي

على فكره الحراره في الموتر فوق الخط الثاني يشوي يعني على الربع فقط

وسلامتكم

[عبدالله الضويان]

اخوي ا ه م 111
انت مشكلتك الحراره وعلى فكره حرارتك بالشكل هذا تعتبر مرتفعه ولا تعتبرالربع لازم ماتتعدى الخط الثاني تدري متى تتعدى الربع اذا كنت تجور على الموتر في رمل والدبل شغال والمكيف شغال
تاكد من الحراره اما بالنسبه للصوت الي سمعته القرقشه بعد ماوصلت الحراره فوق الربع الصوت طبيعي اي سياره ترتفع حرارتها يطلع الصوت هذا يعني مشكلتك ماهي الصوت مشكلتك الحراره. وانا كان معي ربع موديل 2001وماتتعدى الحراره الربع ابد

[bmw_07450]

انا عندي نفس المشكله معي جيب باترول ربع 2006 بعض الاحيان اذا كنت امشي مهدي يعني القير على الثاني وضغط المكينه على رقم 2 تطلع تفتفه بسيطه فيه احس المكينه مهيب صافيه بس اذا دعست شوي تروح على طول والمشكله الثانيه احس فيه صوات مدري وشو زي صوت قرقشة الجنزير اذا رديت عزم الموتر ودعست والموتر بنمره ضعيفه بس يطلع عندي ونا شاد عزم الموتر بعض الاحيان اتمنا من الي عنده خبره يفيدنا هل هي عاديه في الباترول والى مشكله فنيه فيه







ابو عبدالله مساك الله بالخير
مشكلتك الأولى أكيد مشكلة كهرباء شيك على اسلاك البواجي لاتكون مجروحه او الكويل اذا كان موترك كاربوريتر
او البواجي واحتمال اخير وزن الديلكو بس الأكيد البواجي لأن موترك جديد

بالنسبه لمشكلتك الثانيه تراها طبيعيه ولافيه اي مشكله
معروف الباترول القير العادي اذا مشيته بنمره ضعيفه يطلع
فيه صوت والصوت هذا يطلع من فرارات صحن القير يعني لاتخاف
تحياتي

[مسايف الطعس]

انا عندي نفس المشكله معي جيب باترول ربع 2006 بعض الاحيان اذا كنت امشي مهدي يعني القير على الثاني وضغط المكينه على رقم 2 تطلع تفتفه بسيطه فيه احس المكينه مهيب صافيه بس اذا دعست شوي تروح على طول والمشكله الثانيه احس فيه صوات مدري وشو زي صوت قرقشة الجنزير اذا رديت عزم الموتر ودعست والموتر بنمره ضعيفه بس يطلع عندي ونا شاد عزم الموتر بعض الاحيان اتمنا من الي عنده خبره يفيدنا هل هي عاديه في الباترول والى مشكله فنيه فيه






السلام عيكم

كل هذي لاتعتبر مشاكل وأنا معي باترول ربع 2006 سلقه

المشكلة الاولى

عندك يا أبوعبدالله 22 أذا صار القير باثاني أكيد بيتفتف أو ينتع بشكل بسيط لأن معك جيب قيره

قوي وانت مادعستله بنزين فلازم ينتع وهذي في أغلب الجيوب الي قيرها عادي



والمشكلة الثانيه

أكيد بيطلع قرقشة لأنك حاط نمره ضعيفه وانت مهدي فهذي في كل الجيوب قيرعادي

وتقول يطلع الصوت اذا دعستله أكيد أذا كان عداد الضغط على 5



وترى الحرارة العادية مع الوقوف وتشغيل المكيف تكون فوق الخط الثاني بشوي


فنتبهوا يا أخوان لاتسيطر عليكم الوساوس


تحياتي

مسايف الطعس

[ابوعبدالله 22]

مشكورين ياشباب

[ابوعبدالله 22]

مشكورين ياشباب وجزاكم الله خير

[أ ه م 111]

والله ما أدري محتااااااااااااااااااااااااااااااااااااااااااااااا ااااااااااااااااااار

أنا متأكد أن الصوت غير طبيعي

وسلامتكم

[أ ه م 111]

على فكره كيف حالكم

[غضنفر]

طيب يا اخوي
جرب تخلي التانكي يفضى مره
ثمن احقنه بـــ 95
جرب وش انت خسران
قد ينفع

[م.أبوإبراهيم]

أنا عندي باترول 2005 ماشي 13000 بس غزمه ضغيف وفيه لقلقه بالمكينة إذا احتمى ووديناه للوكالة وتمشكلنا معهم يبون يصلحونه بفلوس لكنه على الضمان المهم كشفوا عليه غيرو الديلكو ووزنوا البلوف وغيروا طرمبة البنزين وجلس عندهم 12 يوم وهم يحاولون فيه وآخر شيء طلع من عندهم وعجزوا عنه ولا راحت المشكلة لا كن يا شباب شاورت الورش الي لعبتهم الباترول قالوا يمكن نقص بنزين على المكينة وفيه ناس يقولون أن طرمبة البنزين البلد ضعيفة لاكن حنا نبي نرهم له طرمبة ثانية كبيرة ونجرب وراح نعطيكم النتايج بالموقع إن شاء الله والبنزين الاخضر والاحمر ما له دخل لأنه وكالة أخضر وجربنا بالأحمر ما راحت المشكلة حتى الوكالة جربوا ما نفع معهم

[غضنفر]

أنا عندي باترول 2005 ماشي 13000 بس عزمه ضغيف

وش مكينة موترك 4500 أو 4800

[سلمان 111]

أنا متأكد أن الصوت غير طبيعي

[أ ه م 111]

بيض الله وجيهكم

[ابوعبدالله 22]

جزاكم الله خير ولاتنسى ابو براهيم اذا رهمت طرمبه علمنا وش يصير معك لان المشكله رفعت ضغطي سراحه :mad:
بعدين لاحضت انا ان الصوت والتفتفه ماتطلع الى اذا احتما الموتر يعني اذا صارت حرارته فوق الخط الثاني بشوي

[ابوعبدالله 22]

تتوقعون لو اركب مراوح كهرب ماتنزل الحراره شوي

[زانت علومك]

يااخوان انا اعتقد انها مشكلة عامة في الباترول 4500 حيث عندي المشكلة كماوصف بعض الاخوة لدي في الباترول موديل 2006 من طلعته جديد واسمع صوت لقلقة البلوف خاصة عندما تشد على بعض النمر يوجد لقلقة خصة في الصيف مع المكيف رغم ان الحرارةطبيعيه وكذلك يوجد وزة في القير عند التغير مع شد النمرة خاصة من الثالث للرابع وذهبت به للوكالة كم مرة وشرحت المشلكلة للفني الورشة سمع اللقلقة وماجاب خبر صوت الوزة في القير وطلب ادخل السيارة للورشة وطلعتها في اليوم الثاني وكان اللقلقة خفيف في البداية لكن رجعت كماهي بعد يومين .

[ابوعبدالله 22]

اخوي زانت علومك ولا يهونون الاخوان
انا الاحض ان صوت القلقه مايطلع عندي الى اذا صارت الحراره فوق الخط الثاني يعني اذا ماشغلت المكيف ومشيت قبل ماتوصل الحراره الخط الثاني مايطلع الصوت عندي يعني المشكله من الحراره اتوقع

[marjoj]

اقولك نصيحتي
اذا انك رجال فاضي رح والزق عند مدير الصيانة لين يصلحونها تراهم يصرفون زي باقي الوكالات .................
لين تطفش وما عاد تجيهم .....
لاكن طفشهم انت (تغدابهم قبل يتعشونك )
والله يعينك ...................................

[زانت علومك]

اخوي زانت علومك ولا يهونون الاخوان



انا الاحض ان صوت القلقه مايطلع عندي الى اذا صارت الحراره فوق الخط الثاني يعني اذا ماشغلت المكيف ومشيت قبل ماتوصل الحراره الخط الثاني مايطلع الصوت عندي يعني المشكله من الحراره اتوقع







فرق ارتفاع الحرارة بسيط وكلامك صحيح اذا في الصيف يزيد الصوت اكثر لكن السؤال هل هناك خطورة على السيارة وهل يؤثر على عزم السيارة سؤال للخبراء على شان نستغل فترة الضمان .

[1988]

بسم الله الرحمن الرحيم السلام عليكم اخواني اصحاب الباترول حبيت اقول انه ذكر لي ذاك اليوم واحد من الشباب واحدبالصناعيه القديمه واحدمن الشباب السعوديين ماشاء الله عليه بالباترول المهم كانت عندي مشكله حفظت الصناعيه بسبته رحت للرجال وعرضت عليه المشكله قال بالطريقه هذي (ايه بسيطه)وانا محتمي ودي ادري وشي هالبسيطه راح لقطع الغيار وجاب فلتر هوا وركبه ورجع الموتر اللي انا خابر وازين عقب خسارة الف وشوي اخر شي يطلع فلتر هوا بمية ريال المهم اني استاذنت من الرجال قلت له ابحط رقم جوالك بالموقع قال حنا بالخدمه
(0504118191 ابوصالح)