ماهو الهيدرز ؟؟ اريد ان اعرف بعض العلوم عنه.

[ابوعاشق فهد]

الهدرز اسمع به ولا اعرفة لو تعلمونا وشهي فايدته
كل ما اعرفة انهم يقولون اذا جيت تشتري الجيب ومر عليه الهدرز (يعني ركب عليه ) لا تشترية ابد

افيدونا عنه وكيف اعرف السيارة هل ركب عليها هدرز ولا لأ
وماعمله؟
واذا له صورةحتى نعرفه.... وشكرا

[الفهد11]

الهدرز يابعدي هو :

تعرف القزوز حقت السياره اللي هي الشعبه اللي تكون بالمكينه هذي ياطويل العمر تشال بأكملها مع الشكمان

ويركب اوسع من حقت البلد (شعبه مع الشكمان) وذالك لتنشيط السياره

وهو ضار بلاشك اكثر من ماهو نافع

طريقة معرفته من خلال انك تويق بمسامير القزوز وتعرف يعني يبي شوي خبره معرفته

وهذي صوره له مع ثلاجه وبعض الشغلات اللي توجع الراس




http://www.bof3d.com/up/get-6-2007-bof3d_comzxmaw7cb.jpg (http://www.bof3d.com/up)

هذي معلوماتي عنه ويمكن يفيدك احد اكثر من :)

[abo lafi]

اخونا الفهد كفى وفى........

[المميـز]

((( الفهد11 )))

ماقصرت على هالشرح

لكن احب اقول ان الهدرز مهب ضار

والسبب

لان الهدرز انت قلتها تفك الاكزوز حق السياره وتركب اكزوز اوسع او اكبر بس

ولا يضر لانك انت مالعبت بالمكينه انت لعبت بقطعه خارج المكينه اما المكينه ماحركت فيها ولا مسمار

وانا أعرف ميكانيكي بالقصيم وعنده ورشه وسألته عن الهدرز وقال مايضر وهو يضمنه لك مدى الحياة

[راعي عقاب]

مشكور على المعلومه

[ابوعاشق فهد]

السلام عليكم

الله يجزاك خير اخوي الفهد ماقصرت وكفيت ووفيت

ابو لافي الله يجزاك خير على مرورك وتعليقك

المميز الله يجزاك خير على المرور ويعطيك الله العافية على المعلومة ومادام انه يغير القزوز باخرى اكبر الله العالم انه ما يضر المكينه بس الله العالم يصير لسيارة صوت عالي مرة

راعي عقاب الله يجزاك خير على المرور

[ولد وايل]

حسب تجربتي وتجربة الشبااااااااااااااااااااااب ضااااااااااااااااااااااااار للسياره ومايعطيها الا نشاط بسيط جدا
ويغير صوت السياره يعني للمهايط فقط

حسبت يقوي السياره بشكل ملحوظ وياريتني ماركبته اعدام للسياره

[شبح الصحراء]

((( الفهد11 )))

ماقصرت على هالشرح

لكن احب اقول ان الهدرز مهب ضار

والسبب

لان الهدرز انت قلتها تفك الاكزوز حق السياره وتركب اكزوز اوسع او اكبر بس

ولا يضر لانك انت مالعبت بالمكينه انت لعبت بقطعه خارج المكينه اما المكينه ماحركت فيها ولا مسمار

وانا أعرف ميكانيكي بالقصيم وعنده ورشه وسألته عن الهدرز وقال مايضر وهو يضمنه لك مدى الحياة

ربما ما تقول صحيح أن الهدرز بحد ذاته لا يضر المحرك ولكن وجود الهدرز معناه أن السيارة تعرضت لكرف شديد جداً من الشخص الذي ركب الهدرز ، فالأشخاص الذين يركبون هدرز عادتاً يقسون على سيارتهم ويحملونها فوق طاقتها في النفود والإستعراضات وهذا يسبب أضرار شديدة للمحركات والجيور والدفرنسات والدبلات ... الخ .
نصيحة أي سيارة قد ركب فيها هدرز لا تقربها .

[برنس777]

أخوي بو عاشق فهد مشكور على السؤال :
ولكن يا شباب لي نضر في موضوع الهدرز أنه مايضر بالبلعكس ينفعها ولو تناظر نفسك وأنت تنفخ في شفاط عصير ضيق تلاقيك تفحم زياده ولما توسع الشفاط على أخره تلاقي نفس مرتاح في النفخ أكيد يبي تقول يامن تقول أنه يضر أن الهدرز موزون على قوة المكينه وهذا غير صحيح لو أنه موزون على قوة المكينه كان ما تقوت السياره بعد الهدرز والفلتر
وأيضا أي أستعمال سيئ لسياره من تطعيس وتقسيم ( تفتفه ) يضرها
وللمعلوميه الونيت الجديد يجي شد بلد هدرز من أول الشعب حتى أخر الكنداسه وأنا معي ونيت في نفس الكلام الي فلت

[GMC79]

وش الونيت اللي معك يالبرنس شاص والا هايلوكس

[اسهيل]

انا اعتقد ان الهدرز مشكلته تكمل في انه يصنع من مادة غير المادة التي يصنع منها القزوز وذالك يواثرعلى السيارة وعلى اجزائها
حيث ينبعث حراره من الهدرز حيث ان القزوز مصنوع من مادة الحديد المخلوط بتراب التي تسمى الزهر والتي تكون درجة حرارتها اقل من الهدرز المصنوع من الحديد الخالص فتجد ان السيارة التي تستخدم الهدرز تكون فيها حرارة الاجزاءعالية وخاص عند اقدام اراكب وتجد الاجزاء المصنوعه من الاستيك عرضه لتلف جراء الحراره المنبعثه من الهدرز

[المميـز]

ربما ما تقول صحيح أن الهدرز بحد ذاته لا يضر المحرك ولكن وجود الهدرز معناه أن السيارة تعرضت لكرف شديد جداً من الشخص الذي ركب الهدرز ، فالأشخاص الذين يركبون هدرز عادتاً يقسون على سيارتهم ويحملونها فوق طاقتها في النفود والإستعراضات وهذا يسبب أضرار شديدة للمحركات والجيور والدفرنسات والدبلات ... الخ .
نصيحة أي سيارة قد ركب فيها هدرز لا تقربها .

اللي براسه تطعيس وفجر للسياره ما يهمه فيه فلتر والا مافيه :D واحفظ لوحة سيارته على شان لا تقربها :)

وبالنسبه لكلام اخوي

((( برنس777 )))

صح الفكره اللي قلتها انك تنفخ بشفاط صغير راح تاخذ جهد اكبر لكن اذا صار الشفاط كبير ما راح تتعب

مثل السياره اذا تبيها تمشي معك والاكزوز صغير راح تطر الى انك تدعس دعسة البنزين نصها او اكثر من النص على شان تتجاوب معك

لكن لو ان الاكزوز كبير وواسع ماراح تحتاج انك تدوس مثل الدعسه بالاكزوز الصغير

وانا مره قابلت راعي باترول 97 رجال ابو عيال وكان واقف عند الكهربائي يغير سيور ولقيته مركب فلتر ومراوح كهرب وهدرز :D وسألته ليش كل هذا :confused: وقال انشط واخف للصرفيه ولا فيه صوت من الهدرز والفلتر صوته يطلع بعد ما يتعدى الضغط 3

اسف على الاطاله

[Abu.Saif]

السلام عليكم

عندي وجهة نظر يا اخوان ولو ما كنت صاحب خبره في الترهيم والهدرز

بعض الاخوان ضرب مثال عن الهدرز ونفخ الهواء او المصاص وكلامهم صحيح لكن

تخيل لو جبت لك بالون وقلت انفخه وعطيتك مبسم ضيق جدا بالتأكيد ما راح تنفخه الا وعروقك طلعت

طيب لو جبت لك مبسم اكبر من حجم البالون بتطلع روحك وانت ما نفخت والدليل دايم اللي ينفخ البالون او التفافيخ تلقاه يضيق الراس بيده عشان يعطي مقاومه

وهذا اللي ابي اوصله المقاومه مطلوبه دائما ليش لأنها محسوبه مع كمية الهواء الداخله من الفلتر وهذا ينطبق على كل الاجهزه اللي فيها دخول وخروج للهواء المكيف مثلا لو كبرت مخرج الهواء يصير ضعيف كمبريسر الكفرات لو تركب له لي (هوز) اكبر من اللي عليه ما معطيك اداء افضل الا يسخن الماطور وهو ما نفخ

وهذا كله ينطبق على الهدرز في المواقع الامريكيه والاستراليه لما يركبون هدرز عندهم يرجعون للمعلومات الموجوده عن المكينه من المصنع عشان يشوف كم اقصى حد لخروج الهواء واذا لازم يركب هدرز اكبر معناه بيغير الفلتر ويكبر مداخل الهواء وبعضهم تشوف عنده فلاتر 4 مطلعها برى السياره فوق الكبوت

وجهة نظر فقط واتمنى من الاخوان التعليق بما يتوافق مع خبراتهم