المساعد الشخصي الرقمي

مشاهدة النسخة كاملة : وش رأيكم


صالح الربيعان "برق السناف"
11/06/2007, 07:54 PM
إخواني أعضاء خيمة المعالم الجغرافية والآثار : السلام عليكم ورحمة الله وبركاته 00 ماعليش يا إخوان أنا الظاهر إني دخلت غلط عندكم كنت أبي خيمة الجوية بس الظاهر تشابهت علي الخيام لكن المعذرة منكم عموما انا والله مستحي أطلع منكم بدون أي مشاركة وأنا عندي رأي بسيط والأمر لكم فأنتم راعين المحل وش رأيكم كل واحد ينتمي لخيمة المعالم الجغرافية يكتب موضوع عن ديرته أو عن أي ديرة يختاره ويكون التقرير مصور بقدر الإمكان وإذا حصل يلتقي ببعض كبار السن الموجودين بالديرة للإستفادة منهم ويكون الموضوع عبارة عن تاريخ البلدة وموقعها وطبيعة أرضها وآثارها إن وجدت وأهم الأماكن الطبيعية التي تتميز بها إلخ00 وأعتقد أن الموضوع سوف يكون شيق جدا خصوصا أنه يحاكي واقع ملموس وأيضا هذه المواضيع تحث الأعضاء الكرام على البحث والتدوين ويصبح في نهاية الأمر عندنا مواضيع شيقة وجميلة عن ديارنا والذي يأتي بأحسن تقرير ترى عندي له مفطح نعيمي بشرط يكون على شعيب يمشي وفي الختام سامحون على اللقافة وإن شاء الله آخر مرة ولا أتعود له
خليف العيد
11/06/2007, 08:26 PM
اخوي الغالي برق السناف

فكرة ممتازه ولكن لماذا لاتكون انت من يبدأ فيها
اما أنا اوعدك في موضوع خاص ومكتمل عن معشوقتي
وتراثها وأثارها غداً أو بعد غد إن شاء الله
الف تحية لك
ابوسامي
فتى المحمل
11/06/2007, 09:46 PM
اخوي الغالي برق السناف


فكرة ممتازه ولكن لماذا لاتكون انت من يبدأ فيها
اما أنا اوعدك في موضوع خاص ومكتمل عن معشوقتي
وتراثها وأثارها غداً أو بعد غد إن شاء الله
الف تحية لك
ابوسامي



كلام اخوي ابو سامي عين الصواب , ابد ..
جمران
11/06/2007, 10:00 PM
الحين تفرغت لنا يبو عبدالله قضت السيول وهالمطامر بهالروسي وتوك تشوف خيمة المعالم :mad:
عموما جدا رائع ويكون اكثر روعة إذا بدينا ببلاد شيح ستان ;) ,,,,,,توكل على الله وعطنا الي عندك
ومادام الدعوى مفاطيح وشعبان الشعيب جاهز بس الله يجيب السيل تفضل
بس اياني واياك دقق بالضلع إلي وراه :no2:
http://www.mekshat.com/pix/upload/images12/mk498_1dwasr1.jpg
تحيتي لك يبو عبدالله على هالاقتراح وليت الاخوة يتفاعلون ويعطونا نبذ عن ديارهم واماكن سكناهم ,,,,
صالح الربيعان "برق السناف"
11/06/2007, 11:57 PM
http://www.mekshat.com/pix/upload/images12/mk498_1dwasr1.jpg

وش ذا يابو عبدالرحمن شعيب يمشي آ آ ه معقول والدوسري من وراه 00 والله إنك جددت الجرووووح 00 لكنك رديت الروووووح 00 متى يابو عبدالرحمن لتلك الديار نرووووح 00 عموما أنا أتشرف إني أخدم هالخيمة باللي أستطيع بس المشكلة إن أي تقرير لابد من صور وأنا مازلت عليمي ابكرتوني من حيث معرفة الإنترنت يعني إلى الآن ما أعرف إلا اقرأ وأكتب بس 00 والباقي يخلف الله لكن أوعدكم إني أباخذ دورة بها الصيف وغدين أفهم شئ