ما أفضل الطرق لحماية .... الكفرات والجنوط من السرقة

[المسافر]

اخواني الكرام
السلام عليكم ورحمة الله وبركاته
تعلمون ان سرقة السيارات انتشرت هذه الايام
والواحد لازم يعمل احتياطه ويفعل السبب
فما أفضل الطرق لحماية الكفرات والجنوط من السرقة.
شاكرا لكم

[أيمن]

الله يكفينا الشر ..
وصلت السرقة للكفرات بعد !!

مالك إلا تدخلها في بيتكم، والله الحافظ ..

تحيتي

[laith]

اخي المسافر ........ يامرحب

توجد في محلات الزينه صواميل بقفل مثل التي تركب على استبنة الجيب .. ركب بكل كفر صاموله ..

انا ارى انها غير عملية لان لكل صاموله مفتاح .. وان لاسمح الله اردت تغيير بنشر والمفتاح غير موجود ..الله يعينك وقتها..

ليث

[ق ح ص 411]

اخوي الغالي المسافر

مالك الا تجيب كلب بوليسي والا انك تحط اسلاك كهرباء على السياره
لأن الزمان هذا الواحد يخاف على نفسه يسرق
والله يستر ويعينك ......

[المسافر]

اشكركم جميعا
والله الواحد ما يدري وش يسوي
تصدق واحد من الشباب حاولوا يسرقون العزبة وفك صواميلها
لانه ما لحم العزبة بلحام ( لانه يبغى العزبة متحركة ربطها بصواميل )

اخوي laith
ما توجد صواميل بمفتاح واحد وشكرا

[بـــدر]

السالفه يا االربع هذه جاري مركب قدام بيته( كراج) يعني جايب حديد شيكو ومزينه في البرحه الي قدام بيته تقريبا وموقف الفي اكس ار فيها ويعني كل سبوعين يطلعه ويتمشى وهو والمعزبه لان معه سياره تخدمه مشاوير الدوام.
المهم ذاك اليوم يوم دريت الا الرجال واقف عند الكراج والفي اكس ار بدون كفرات وجنوط يعني جاي حرامي وفاك الجنوط الاربعه بكفراتهم ومعلق الموتر على كسر بلك.


توقعوا كلم كلفت صاحبنا اربع جنوط اصليه مع كفراتهم شد البلد:what: :what: :what:
الجنط سعره اصلي 2600ريال X اربعه وكفر انتم تخبرون سعره يعني راتب ثلاثه شهور
حسبي الله ونعم الوكيل
عشان كذا مالك الا تدخل الموتر في بيتكم وتقفل عليه وان حصل تبات يجنبه وتحرسه.

[قتال]

السلام عليكم ورحمة الله وبركاته ،،،

أخوي المسافر .. ولا يهونون الربع ..

كلام أخي ليث صحيح .. يوجد قفل على شكل برغي لجيب التويوتا وخاص للوكالة والتجاري ماعندي فكرة عنه .. والمفتاح للجنوط الأربعة غير الاستبنة ( السبير ) اللي يفتح بمفتاح التشغيل .. وضني بأن الوكيل يوفر نفس المجموعة بمفتاح واحد .. والله يعينك على الأسعار ..

أما الأمريكي فاسألني عنه .. يوجد عند أصحاب الزينة براغي ( صواميل ) مع مفاتيحها وأشكال وألوان .. والوكالة فيها المطلوب أيضاً لكن غالي ..

وللفائدة ..

أذكر من زمان .. أني شفت فلم عن طرق سرق السيارات الرياضية في أوروبا .. تصور بأنهم قاموا بتشليح سيارة بورش كريرا خلال خمس دقائق فقط .. وقفت شاحنة مقفلة قدام البورش .. وأول ما مابدوا بالكفرات والجنوط .. :D :D

فالحل السليم .. أنك تعرف أين المكان المناسب لوقوف سيارتك .. حتى لا تسرق سواء الكفرات والجنوط أو غيرها .. وكذلك يوجد أنواع كثيرة من أجراس الأنذار .. شي مع إهتزاز السيارة وشي إذا قرب من السيارة أحد وشي إذا أحد حاول يفتح الباب .. وأنت ماشي .. ومضاف لها كثير من الخدمات كالريموت كنترول أو تشغيل السيارة من بعد وإطفاءها ..

الله يوفقك ويكفيك شر إعيال الحرام ..

[المسافر]

شاكر لكم ايه الاخوان جميعا
اخوي قتال
شكرا على الاضافة الجميلة
والله خير حافظا لنا جميعا

[ابو الريم]

تأتي لسيارات فورد قفل للجنوط ..... وكل سيارة تختلف عن الاخرى يعني اللنكون مختلف عن الفكتوريا وهكذا ..... فاقترح عليك تركب حق اي سيارة وخاصة اذا كانت غير معروفه موديل قديم ... ويصير لها مفتاح خاص تعلقه مع الليور ...... هذي الحركة كان يسويها قريب لي جايب جنوط طلبيه لسيارة التيما من سنين ...... واخبر انه شرا القفول الاربعه مع مفتاحه بحدود ال 100 ريال ....


تحياتي ابو الريم ,,,,,

[محبوب الجميع]

اخي المسافر
توجد في محلات الزينه صواميل بقفل واحد لاربع كفرات بيحث تكون الصواميل ملساء ولايستطيع احد ان يخرجها وهذه صورتها موجوده في اعلى هذا الموقع ويمكنك ان تشتري حبتين حتى يكون معك مفتاحان
http://acuradriver.safeshopper.com/20/116.htm?408

[المسافر]

اخوي محبوب الجميع

شاكر لك ومقدر ولكن هل هي فعالة وقوية وهل توجد منها في الغرابي .

اخوي ابو الريم شكرا على النصيحة

[محبوب الجميع]

انا مشتريها من الغرابي بس هل الكلام قديم شوي اما عن قوتها فانا لم استخد مها لاني بعت السياره ولم استفد من الصواميل