الفزعة يأهل الford

[الامام والمؤذن]

السلام عليكم ورحمة الله




يا شباب وش الحل ؟
المشكله ان سيارتي تقطع وتطفى وبعد ربع ساعة تقريبا تشتغل ولا فيها اي شئ هل المشكله من طرمبة البنزين ؟


علما بان السياره م\92
الله لايهينكم

[القماري]

إحتمال أرتفاع درجة الحرارة وإن بها حساس مثل الكاديلاك . هذا فيما أظن

[الامام والمؤذن]

احتمال تكون طرمبة البنزين ضعيفة ومع الحرارة تتأثر

[هـ(explorer)ـمر]

هذي المشكلة منتشره في الفورد

[خوي النشاما]

غير الطرمبة وبس

[mohamad1121]

اخي العزيز الامام والمؤذن

بعد التحيه

المشكله في طرمبة البنزين فعند ارتفاع درجة حرارة الماطور ((العاديه)) تبطل الطرمبه وذلك لانتهاء صلاحيتها ،،، وهذه المشكله كانت قديما في سيارات الدوج ولذلك طاح سوقه من زمان . غير وتوكل على الله ،،


ابوكاسر

[الود طبعي]

السلام عليكم ورحمة الله وبركاته

الأخ الأمام والمؤذن

اول مره اشارك ،،، فزعه لك واعجاب بهذا المنتدى الرائع ،،،،
اخوي انا عندي نفس المشكله فورد كروان فكتوريا 95 توكيلات الجزيره
السياره محافظ عليها صيانه وكل شي ، ظهرت لي مشكله التقطيع وتطفي فجاءه
استمرت اسبوع على هذا الحال ، نفس كلام الشباب غير الطرمبه
اخوك حريص رحت للوكاله يقولون احجز موعد ، رحت لمركز متخصص في الفورد واللكزس في الصناعيه
اسمه الشعيل ، شيك عليها يقول تصفيه ، قلت تصفيه تصفيه واطقها مع قطع الغيار ومع تغيير طرمبة البنزين
مع اني حريص اعبي بنزين الا اذا طفيت السياره وهذا اللي يخلي الطرمبه ما تخرب ، ومن بكره رجعت الحاله تطفي السياره يعني الصيانه اللي عملتها ما نفعت ولا تغيير الطرمبه ولا رجعت للمركز ثانيه ،،، لاني عارف مالي قبيييل وبيضيق صدري وبتهاووش معاااهم ، واتكلم مع واحد من زملائي ووصف لي كهربائي حضرمي يعرف بالجابري بصناعية العويضه ، شيك عليها وضبطها لي على كيف كيفك 100% وصار من ظفيرة الكمبيوتر متأثره بالحراره ما تلام كررررف كل يوم 100 كيلو رايح جااي للعمل خارج الرياض طوال الاسبوع ، وحرارة الجو اللهم يا كافي ، جلست معااي سنتين وبعتها والا الان ما فيها شي ولله الحمد اللي بعتها عليه اعرفه :D

طولتها وهي قصيره بس سبحان الله اشياء بسيطه مشوااارها طويل

تحياتي

اتمنى اني ساعدتك بشي