تعالوا وأبدوا رأيكم حول " قاهر الصحراء " 2008 " لاندكروزر"

[M o b d a]

بسم الله الرحمن الرحيم ..

السلام عليكم ورحمة الله وبركاته ..


طرحت هذا الموضوع ليس للنقاش بين الباترول واللاندكروزر ..

وإنما هو نقاش للأندكروزر

أتحدث عن الشكل الجديد واللى راح ينزل بإذن الله عـام 2008

أريد أنا أرى رأي جمهور هذه السياره < أصحاب اللاندكروزر اللى يقدرونهـ ..


بالنسبه هل هو ..

يصلح للبر ؟

باين عليه رسمي !

شكله حق خطوط وديره فقط !

لا نستطيع أن نحكم ونحن نشاهد بالصور
صحيح يوجد فيه سلبيات وإيجابيات

لاكن هل الإيجابات أكثر أم السلبيات ؟

ما رأيك بإقتنائه ؟

وأتوقع سعر راح يطير وبزياده !


أخواني أصحاب الباترولات ..

تكفون تكفون إعذروني ..

وإنتم تعرفون ليه السبب بكثرة المشاكل لاكن لا مانع إنكم تشاركون بالرد وحتى لو ممنوع راح تقدر ومن فوق خشمي

والعذر والسموحه


والحمد لله على كل حال ..

سبحان الله وبحمد أشهد لا إله إلا أنت أستغفرك الله وأتوب إليك ..

أدرجت صور للي ما شافوا الموتر ..


http://www.4nw.net/get-5-2007-4nw_net_boqnnnlp.jpghttp://www.4nw.net/get-5-2007-4nw_net_ppms18hq.jpg



والسلام عليكم ورحمة الله وبركاته

أرجوا من الجميع عدم التجريح وأخذ برأي واحد

وغنما كل واحد وله رأي

[ابومليح]

اخوي بغض النظر الى الشكل هل فيه اختلاف في قوة المكينة وشكرا

[M o b d a]

بالتأكيد أخي

أكيد فيه إختلاف

والفكسار على ما أظن وصل الـ 5700

[الذيب الابيض]

السلام عليكم

اول شي عندي تعليق بسيط الصوره اللي على يمين ركز فيها زين بتلاحض ان الشبك تركيب وكذلك الصدام الامامي

المهم انا اتوقع ان الشكل الجديد راح يصير افضل وووووواخف من القديم

وشكررررررررررررررررررررررررررررررررررررررررررررررر رررررراً

[ابومليح]

معقوله تقريبا وصل الضعف اجل وش راح يصير
مشكور اخوي على الاجابة

[خالد777]

وجهيته ممتازة
خلفيته ماتنفع أبد أبد أبد

رايي،،،

[مخاوي الذيابه]

هل الفرق بينه وبين المديل القديم بالشكل بس؟؟

[ذيب زهران]

شكله حلو

لكن أتوقع أنه أروبي ولا أمريكي


تقبلوا تحياتي

[M o b d a]

أختلف الموتر جذرياً

يعني حتى المكينه

[طارق الحربي]

شكرا لك اخوي مبدع

الفكس ار الحالي بعد 5700

تحياتي

[bmw_07450]

انا اتوقع ان التجربه خير برهان

من الصعب أنك تذكر ايجابياته وسلبياته من خلال الصور

[abufahad2008]

اخوي احس انه (وذف)

[أبونواف42]

متى بينزل للأسواق؟؟؟؟ وانا سمعت انه راح ينزل بسعر غااااااااااااااالي جدآ

[روق]

انا اتوقع انه يبي يغطي على اللكزز وشكرا

[M o b d a]

ماهو بعيد عن اللكزس

[روثان]

السلام عليكم..


الخليفة متغيرة وكأنها سيارة امريكية

لكن مثل ماقالو الأخوان التجربة خير برهان


لكم التحية..

[صصعفق]

انا اتوقع الي في الصوره الهدد
لعدم وجود اي ملامح للزوائد
زي الازياق
الجناح

[المميـز]

خلو عبداللطيف جميـــــل ينزله

وبعدين يصير خير

يمكن يصير عنده خطوط جانبيه ماخلصت يبي يلصقها على موديل 2008

وينزل الشكل هذا 2009

نصبر ونشوف

[بنزرت]

الكروزر من موديل 98 وهو نفس الشكل وما هو حق بر ... طريق وديره بس والتغييرات يا بخط يابلمبه يا بفيبر ويلعبون علينا وحنا نركض وراهم.... وانا اخر سياره اشتريتها كانت 97 جي مستعمل

الارمادا امريكي وهذا اكيد بيكون امريكي ....عموما انا عن نفسي مستحيل اشتريه باقيام كبيره انا قاطعت اشتري الكروزر من يوم صار اسعاره خياليه

للمعلوميه

سعر الكروزر عام 85 جي اكس من الوكاله كان 40 الف

سعر الجمس عام 85 سوبر بان من الوكاله كان 70 الف

الحين الكروزر صار 160 والجمس 110 رغم ان الين من بعد عام 85 ارتفع بوقع 100% لكن السياره ارتفعت 400%

كلها حقات طريق وديره بس الفرق بالسعر ومستوى الفخامه والراحه ... اما ان كنت تبغي بر وسياره جديده فاشتري باترول سياره كلها دفرنسات ومرتفعه وقليل فيها الصاجات والفيبر..... وخلك ثقيل لاتشجع ماركات. شجع مخباتك ترا اصرف لك وانفع لك. وترا والله يا شركات التايوت والنيسان(عبده الاصنام) والجمس (عبده المسيح)مادروعنا ومايهمهم الا قريشاتنا

بالنسبه للي يهمه سعر اعاده البيع اقول له ياذكي خل الفرق بمخباتك قبل ماتشتري جديد

[مداوي]

وهل فيه شك في قوة اللاند كروزر
ماأعتقد ذلك

[رحال7]

كلما تقدم الوقت زاد الاعتماد على الكمبيوتر واصبحت السيارت اكثر حساسيه وللاستخدام فى البر بشكل خاص...
قبل 98 كانت اللاند اكثر متانه وتماسك واقل خراب واقل تعقيد ولكنه ضيق وهذه اكثر سلبياته!
98 الى 2007 اكبر حجما وسعه انعم من سابقيه حيث اصبح التعليق الامامى حر (فريولات) ولكنه اثقل واكثر حساسيه..اما الجوده والمتانه والقوه فلا زالت ميزه ويجب ان نعلم جيدا ان هذه السياره ليست رياضيه وليست للسرعه ولكنه حقيقه تخدمك فى كل الاحوال..بالنسبه للبر نكرر انها فعلا اثقل وتحتاج الى مداراه اكثر!

بالنسبه للجديد القادم 2008 فقد شاهدت فلم فيديو عندما عرض اعتقد بامريكا..وحسب فهمى المتواضع ومن المعلومات التى قرأتها هنا وهناك..اعتقد انه سيكون اكثر حساسيه وسيستخدم الكمبيوتر بشكل اكبر وسيكون اقوى لا شك فالمكينه اعتقد 5700..هذه المكينه تستخدم فى امريكا على سيارة تويوتا منذ فتره ولا اخفيكم ان لدى احساس كبير ان هذا الموديل سيكون به لمسات امريكيه! اما بالنسبه للتعليق حسب الفيديو فلم يتغير مثله مثل 98 اى تعليق امامى حر!؟

السؤال اين ستذهب مكينة 6 سلندر المجوده على ال فئة الجى وهى مكينه لا شك عمليه جدا؟
واين ستذهب مكينة 8 سلندر الحاليه والموجوده على الكزس وعلى فئة فى اكس ار؟

اعتقد ان مكينة 5700 سوف تأتى فقط مع قير اتوماتك 6 سرعات وهذا مميز بحد ذاته ولكن سيكون مع مقابل وهو السعر ومحدودية الاستخدام?

بالنسبه لاهل البر والكشتات فالله اعلم ان الموديل الحالى سيكون له كلمه حيث سيكون بين الماضى البسيط والمستقبل المعقد!

والله اعلم والتجربه خير برهان