المساعد الشخصي الرقمي

مشاهدة النسخة كاملة : ... أبي رايكم في الباثفندر ...


راس المال
15/06/2007, 12:54 AM
السلام عليكم ورحمة الله وبركاته

في الآونة الاخيرة لاحظت استخدام سيارة الباثفندر بشكل كبير
بالذات من موديل 2003 إلى 2005

والولد الله يصلحه يبيله باثفندر موديله 2005

عندي سؤال لأهل الباثفندر واللي مستخدمينه
هل خراباته واجد بالنسبه للمكانيكا ؟

سمعت أنا عن قرقعه في الباب والاستبنه والطبلون هل هي صحيحه؟

هل هو جبر يعني يتحمل المطاب والبران والبطانيج؟

الله يحفظكم ويجزاكم خير
salehhd
15/06/2007, 02:01 AM
السلام عليكم

عندي باث موديل 2004 وكمل معي حول سنتين ونص
السيارة الحمد لله ما اشتكت من شي ابد حتى الحين من الناحية الميكانيكية
صوت القرقة في الباب ماحصلي حتى الان لاني ماطامر عليها كثير وموديل 2004 و2005 ديكوراته افضل من الموديل السابق واجود وفي اصوات تجي وتروح لاكن قليلة جداً وفي بعض الاحيان
السيارة محركها 3.5 لتر بقوة 250 حصان للعادي و240 للتماتيك
بالنسبة للبران والمطانيج ما اعتقد انه راح يطول كثير لانه مصصم للبلد اكثر
واذا تبي موتر للمطامر خذلك سفاري سلقة
والشباب يفيدونك
ولا تنسى تستخير
بالتوفيق
بنزرت
15/06/2007, 05:55 AM
في واحد من الشباب اشترى واحد موديله 2004 وما يمدحه ومقرر يبيعه
انا رايي انك تستاجر واحد لمده اسبوع وتجربه وتاخذ فكره عنه بنفسك لان اللي ما يجوز لغيرك يمكن يجوز لك والعكس صحيح ولولا اختلاف الاذواق لبــــــــــــــــــــــارت السلع
ابوطاقية
15/06/2007, 10:26 AM
انا مع كلام اخوى salehhd
اذا الولد راعي بر بستمرار ماينفع له
abo lafi
15/06/2007, 11:05 AM
السلام عليكم

توكل على الله سواء الولد يطلع واجد للبر او لا ....

الباث سياره معروفه خصوصا لاهل البر انا اقولك توكل على الله...والله يصلح الولد ويخليه لك
الجبيري0
15/06/2007, 12:55 PM
السلام عليكم
مساء الخير للجميع الاخ راس المال لي تجربة شخصية مع هذة السيارة #الباث#قبل تقريبا سنة ونص عزمة على شراء سيارة دفع رباعي ولكن احترت بين البرادو واليوكن والباجيرو والجي اكس وكان اخر الخيارات الـــــــــــــبا ث وبعد توفيق الله والاستخارة ومشورة الاهل وقعت على عطية الله ولم اكن اتوقع بان هذة السيارات بهذة القوة وفهي جبارة وعملية واقتصادية وشبابية وعائلية ولاتخلو من بعض السلبيات كما هو الحال في اغلب السيارات ومن وجهة نظري المتواضعة الباث من افضل سيارات النيسان
ولكن الصيانة الدورية مع المحا فظة على السوائل
ونصيحتي لك تتوكل على الله ولاتنسونا من دعواتكم لنا وولدي والسلام عليكم
اخوكم الجبيري ودمتــــــــــــــــــــــــــــــــــــــــــــــ ــــــــــــــم
توقيع2003
15/06/2007, 02:18 PM
لي شهر ونصف ادور بافتدر وقبل 3اسابيع شريت واحد وانصحك تروح لبريدي لفحص السيارات لانه امين
راس المال
16/06/2007, 12:46 PM
الاخ salehhd
الاخ بنزرت
الاخ ابوطاقية
الاخ abo lafi
الاخ الجبيري0
الاخ توقيع2003

الله يعطيكم العافيه
كفيتوا ووفيتوا
جزاكم الله خير