سؤال عن الجيب 83

[الفشقه]

السلام عليكم ورحمة الله

عندي سؤال يا أخوان عن الجيب التويوتا الربع موديل 83 ، كم يسوى إذا كان نظيف وزين؟ وهل تنصحون فيه للي يبي يستخدمه لكشتات خفيفه وقريبه. وعن قطع غياره وتوفرها. وإذا فيه أي عيوب. ولكم الشكر.

[أيمن]

الجيب هذا أندر من النادر ..
وإن وجدته فستجد سيارة منتهية بمعنى الكلمة لا بودي ولا مكينة ولا قير ..
وإن وجدت النظيف فتجد إن راعية متمسك به لأقصى درجة، ولو فكر يبيعه يطق (18-20) ألف ريال !!
لذا ياليتك تصرف النظر مثل ما صرف غيرك :( ..

تحيتي

[آل مهنا]

والله ياشباب الاسبوع الي فات انعرض جيب شراع موديل 82 المكينة والجريبوسك مبدلات والبودي مضروب بوهيه والشراع مبدل بفيبر وكمان عليها ونش (والله شكله كأنه مطلع امس من الوكاله) صاحب السياره امريكي.

المهم اني لما كلمته قالي صف سرى وسراك بكره اذا ما انباعت السياره ايقول كلموه 13 خلال ثلاث ساعات.....انا كل ما اتصلت عليه مشغول بالعافيه مسك الخط معي:D

كان عارضها 9000 ريال وانباعت بنفس اليوم (حسب كلامه بنفس السعر) ولا مداني اشوفها حتى.:(

الله يعطي الي شراها خيرها ويصرف عنه شرها....

مثل هالفرصه ماتتكرر ابد.... لكن مالنا فيها نصيب (الله لا يجعل رزقنا في الفايت).

[((victory 6))]

اخوي بالنسبه للجيب 83 فهوا سياره للا ستخدام الشاق واحسن موديل 84ويفضل الطاره هوا وقطع غياره متوفره حتى في البقايل فمثلا الشمعه الاماميه تشتريها من الوكاله ب 25 ريال ومنه امريكي ب15 ريال واتمنا لك التوفيق والحظ الطيب .