المساعد الشخصي الرقمي

مشاهدة النسخة كاملة : استفسار عن الباثفايندر2007


أبو محمد2010
16/06/2007, 04:40 AM
السلام عليكم ورحمة الله وبركاتة


حياكم الله وهلا وغلا بكم جميعاً

هذا واحد من الشباب ناوي يشتري باثفايندر 2007 وحاب يشوف ما هي المزايا والعيوب و لديه بعض الأسئلة؟

س1- كيف مركبة بشكل عام وهل هو مريح؟

س2- كيف صوت المكينة بالسرعات العالية والهواء أيضاً؟

س3- كيف صرفية الوقود وكم يمشي تقريباً؟

س4- هل عزمة قوي ولا عادي؟

س5- ما هي عيوبة؟

نتمنى أن الإجابة تكون من واقع تجربة وشكراً لكم جميعاً...
ابوطاقية
16/06/2007, 10:23 AM
واحد من الشباب معه باث 2005 قام وسوا اختبار قياده على موديل 2007 وطلع بالاتي
2007 اثقل بالقياده من 2005
2007 يستهلك وقود اكثر من 2005
2007 بالقياده اريح واوسع من 2005
بالقومه 2005 اسرع من 2007
أبو محمد2010
16/06/2007, 11:26 AM
شكراً لك يا ابو طاقية
أبو محمد2010
17/06/2007, 03:26 AM
وين أهل الخبرة والي جربوا....


لا تتأخرون علينا...:j
M o b d a
17/06/2007, 11:04 AM
أخوي

بقولك أنا

واللى عندي سياحي ..
كاسيت تماتيك
مشالله تبارك الله دعسته ممتازه

أقسم بالله تمشى 200 ما تحس فيه

إنك تنهبل

مواصفاته أنصحه لايأخذ إلا فل كامل

ولا صرفيه ولا شيء

ولو أنا منه ما شريت باث لاكني اللى عندنا حق الحكومه الله يعزها 2007
أبو محمد2010
17/06/2007, 07:39 PM
الأخ مبدع شكراً لك وما قصرت...
khalid 6
18/06/2007, 12:21 AM
السلام عليكم
انا كان عندي باثفندر 2006 طبعا مافي فرق بين 2006 و2007
فعلا اثقل بشوي عن القديم لأنه صار عائلي وحجمه اكبر بس قوته 4000 والقديم 3500 بس فعلا موتر في البر قوي وصعب يغرز رغم اني مانقص هواء الاطارات وعزمه قوي مقارنة بالسيارات اللي من نفس الفئه ومريح كذلك ومافيه ضجيج على السرعات العالية وثابت والمكينه صوتها عادي جدا وخاصه انه 5 غيار في الجير يعني يريح شوي .. وانا رحت فيه لأبها ومكه والمدينة ورجعت دبي..
بس عيبه الوحيد من وجهة نظري ان تانكي البترول صغير نوعا ما .. في المدينة يولع ليت التنبيه للبترول تقريبا على 300 كيلو ويعطيك الى 350... اما على الخطوط الخارجيه من 400الى 450كيلو تقريبا بس بسرعة مابين 120 الى130 كيلو تقريبا هذا كأقل تقدير..
وعيبه كذلك في الكرسي الخلفي المكان ضيق شوي بس

بس عموما سيارة ممتازة وماعليها كلام وماراح تندم اذا خذتها وانا افضل رقم 2 حيث انه مايفرق عن رقم 1 الا الجلد وكرسي السائق كهربائي وفي تحكم بالتسجيل في السكان (الدركسون)هههه
وانا صراحه بعته وخذت تاهو شفروليه الجديد من اسبوع تقريبا
وتحياتي لك والسموووووووووووووووووووووووووووووووووووووووحه على الاطالة
بدوي جنوبي
18/06/2007, 12:28 AM
عليكم السلام ورحمة الله وبركاته

اخي الكريم ابو محمد 2010

طبعا بأتكلم عن السياره في البر (بطناج) والله تقول راكب سياره قديمة البيبان والشطنة ترج رج عجيب

والكفرات مليانه هوا ... اما من ناحية الخط ما عليه كلام مريح وسريع

الاخ ابو طاقية انت متاكد ان 2005 اقوي من 2007 في القومة ما اعتقد

بالتوفيق
أبو محمد2010
18/06/2007, 01:51 AM
خالد وبدوي جنوبي

شكراً لكم