زيت الدفرنس في الباث فندر خاصة والجيوب عامة

[المنبسط]

السلام عليكم :
يكثر التساؤل عن زيت الدفرنس وهل يلزم أنك تغيره أو لا؟
أحد الأخوان سأل الوكالة وقالوا له أنك تغيره كل سبعين الف
فهل هذا الكلام صحيح؟
وإذا كان الكلام صحيح فما هو الزيت المناسب ؟
وكم تكلفته تقريباً خارج الوكالة؟
ولكم فائق الود
المنبسط :)

[باثفندر]

http://www.mekshat.com/pix/upload/sign/images/mk41765.gif




مرحبا اخوي المنبسط جعلك دايم مبسوط

بالنسبة لزيت الدفرنس والقير ما يضرك لو ما غيرتهم اهم شي على حسب استخدامك

بالنسبة لي شيكت الدفرنس الخلفي لقيته ناقص شوي قلت اغيره مره وحدة وغيرت معه القير الصراحة ما ادري بس العامل يقول خفيف

يعني استهلك .

على العموم غيرت الزيوت كلها عن الشكه ولا عليك من الوكاله

بالنسبة لزيت القير العادي عيار 90 حوالي جالون 35 ريال

بالنسبة لزيت الدفرنس الامامي والخلفي زيت عيار 140 ويشيل كثر القير

بالنسبة لزيت قير الدبل غير قير السيارة عيار 140 وياخذ اقل من جالون .

المجموع يطلع حوالي 135ريال او حولها بس شفلك واحد فاهم واقعد على راسه وخله يعبي فل

نسيت اقول موتري باث موديل 2004 قير عادي - بالنسبة للي سياراتهم تماتيك لا يغير زيت الا

عند فاهم ارجو اني افدتك والشباب يفيدونك انشاء الله .


-----------------------------------

[مخاوي الأحزان]

اخوي المنسبط شكرا ً لك على الطرح
وانا فعلا ً أضم صوتي إلى صوتك وأسأل أهل الخبره بالنسبه لزيوت الدفرنشات متى يتم تغييرها ؟؟ هل لها كيلوات معينه !!
وقد نصحني ميكانيكي بتغيير زيوت الدفرنشات وإضافة الزيت العيار الثقيل 140 للدفرنشات
بحجة أنه يقول أنها لاتتواكل التروس وتحفظ التروس والدفرنشات خصوصا ً بوقت الصيف تكون درجة الحرارة عاليه ويتبخر الزيت الخفيف عيار 90 بعكس الزيت الثقيل عيار 140 فماذا رأيكم هل كلامه صحيح ؟؟؟
ارجو الإفادة والنصح من أهل الخبره والمعرفه

بإنتظار الجواب والإفادة ؟

[حمد808]

انا كان عندي يوكن مديل 97صار تهريب في صوفة الدفرنس غيرة الصوفة عند الورشة وبعدة رحت للمشحمة قلتلة عبي زيت قالي فيه زيت 90لسيارات الصغيرة وزيت140لدفرنسات التريلات والمعدات الثقيلة قلة عبي 140 مسوي ذهين
وبعدشهر طلعت ونه بالدفرنس وديتة للورشة وقالي المكنيكي ان السبب الزيت ثقيل مرة على التروس وخسرت مبلغ وقدرة بسبب مخالفت تعليمات الكتيب حق الوكالة مكتوب زيت الدفرنس زيت 90

[المنبسط]

السلام عليكم
مرحبا أخوي باثفندر وشكراً لك على معلوماتك وعلى طرح تجربتك
اخوي مخاوي الأحزان يارب تكون دايم مخاوي الأفراح والشباب في المنتدى مايجي منهم الا الزين والمفيد دايماً
والشكر موصول لأخوي حمد 707 على ذكر تجربته وعدم الوقوع بنفس الخطأ
المنبسط

[روافد]

مرحبا
ياجماعة كثير من الناس تقول لاتغير زيت الدفرنسات ولا زيت القير العادي ولكن اذا نقص زدة
وش الراي
تحياتي

[غضنفر]

بحسب سؤالي لاهل التخصص بالنسبة للقير العادي
زيت القير والدفرنس الافضل انك ما تغيره
حتى لو فيه شوية تراب ازين للقير و الدفرنس
فقط شيك عليها كل 6 اشهر اذا كانت ناقصة زدها لكن لا عمرك تغير الزيت كامل

[zzz714]

إنتبه تغير زيت الدفرنسات لأنه يضر الدفرنس لأنك ويكل بساطة بتفك الصره ينزل الزيت ولكن يبقى (الرايش ) بين التروس في الكارونه والبنيون ، وبعد فترةيطلع الدفرنس اصوات
احسن حل إنك تشيك عليه وتزيده في حال النقص

[المنبسط]

الشكر للأخوة / ورافد والأخ غضنفر والأخ zzz714على مشاركتهم وما زال الموضوع يحتاج للنقاش والدردشة
المنبسط

[بواردي الدلم]

والله انا رحت اغير زيت الباث توني شاريه قبل شهرين طبعا زيت قير ومكينه قلت بالله شيك على زيوته كلها لقى زيت قير الدبل ناقص شوي ثم وراني رايش في اصبعه وقال وشرايك اغير الزيت قلت وشرايك قال لازم تغيره صار زي المويه المس واحكم بنفسك وصادق ابو يمن صار كنه ماء الا شوي
ثم شيك على الدفرنس وخش في عيني وقال محروق شف بنفسك وفعلا الزيت رايح فيها وملمسه ماش قليل اللزوجه وفيه رايش متجمع حول الصره
الزبده ياخوان انه غير زيت الدفرنس 140 وقال هذا افضل شي الباقي ينحرق بسرعه ويعدم التروس مع الزمن
البنشري ابخص ولاهوب كلهم

[باثفاندر 2005]

طيب يا جماعه من وين أقدر أعاير الزيوت ( الدفرنس و الدبل ) ؟؟

السياره : باث تماتيك

[nono77]

قبل فترة مريت محطه بترومين غير زيت الدفرنس الخلفي وزود الامام بالنسبة للعيار اخي الكريم يفتح السدة عن الجنب بعلبه الدفرنس

[00صقر00]

انا شريت سياره مازدا بيتي فيفتي دبل غمارتين وبعد مامشيت عليها مسافه اربعين الف كيلو قمت اشيك على القير ولقيته تمام والدبل تمام والدفرنس الامامي تمام والدفرنس الخلفي حصلت مافيه ولا نقطة زيت وقالي البنشري من الوكاله ماحطو فيه زيت نهائي وحط لي زيت . هل يتأثرالدفرنس الخلفي من الزيت الجديد؟