البنزين ما يمشين 320كم الفزعة يا الربع

[البديوي 2]

السلام عليكم

يا جماعة معي باترول 99م صالون

مكينته نضام الكبليتر

والمشكلة ان التانكي الكبير ما يمشين فل سوى 320كم فقط

والي أعرفه انه يمشي 450كم على الأقل

وهذا فرق كبير

وللمعلوميه انه فيه تقطيع بسيط

أرجو منكم الفزعه

وين الورشة الي تبخص ها الأمور


عاااااااجل

[أبووليد..]

وعليكم السلام ورحمه الله وبركاته ..

ممكن رجلك ثقيله على البنزين

ههههههههههههه ..

والله ياخلفهم ماعندي علم ..

[ابوحماد]

أخوي كثر التقطيع مع أكثر الناس + الصرفيه في البنزين + ضعف في عزم الموتر بعد ظهور البنزين الجديد 91

وفوق هذا موترك باترول وكربليتر

أخوي غير نوع البنزين وتأكد من البنص يمكن زايد ضغط البنص ويزيد من أستهلاك الوقود

وكتم المكينه يسبب أستهلاك الوقود مثل البواجي ووزن الديلكو

[asdkl]

التانكي الكبير ما يمشين فل سوى 320كم فقط

والي أعرفه انه يمشي 450كم

طيب كم سرعتك

[راعي كيف]

السلام عليكم
اخي العزيز شيك على :
1- البواجي
2-اسلاك البواجي
3-ضبط وزنية الكلبليتر مع الهواء مع الديلكو مهم جداً
4- فلتر الهواء
5- يمكن فية تهريب
6- راعي الموتر يمكن رجلة حارة شوي ولاهيب ثابته ومقاس الرجل 42 لليمين 43لليسار :) ههههه مزحة .
7- سمعت الشباب يقولون ان تغيير الكلبليتر الى بخاخ يكلف 1300ريال .
8- ركب فرارات وتبي تشوف الفرق
9- ركب مراوح سوبارو يخف الموتر
10- جرب ستو اللي بالمحطات بعشرة ريال يحط مع البنزين حط للك اثنين .
11- إذا كان القير تماتيك فعتقادي ان ممشاة طبيعي .
12- إذا لم تنجح تلك المحاولات او انك مالك بالغربيل او انك جربتها اجل بع الموتر وشترلك ثاني حل اخير .

اخوك المحب راعي كيف
ابو ناصر

[فهد 1426]

طيب بكم تعبيئ الفل ـ وش نوع البنزين علشان نعرف نحسب لك 0

[عبدالله العمرو]

السلام عليكم /


أخونا أبو ناصر يقول :
1) شيك على البواجي ... وأسلاك البواجي ... وانا أقول نفس الكلام .. هذا أولاً

تقول فيه تقطيع يعني فيه شرارة كهربائية مفقودة ... وسببها بوجي - سلك بوجي - غطا ديلكو ...

ودي تتأكد من شكمان السيارة : هل يظهر دخان أسود مع التقطيع ؟؟؟ تأكد وعلمني ...

تحياتي لك /

[عاشق الغضا]

اخوي الحبيب غير البواجي واسلاك البواجي وعليك بوزن الديلكو وصفاي البنزين وكلهن ما يكلفن 350 ريال وبأذن الله أن يغدي زي القشطة وبالتوفيق

[شامخ ألهيلا]

99 ماقصر غير كلبليتر جديد وراح ترتاح

[aahhhh2]

السلام عليكم ورحمة الله وبركاته
انا عندي نفس المشكله في كرسيداء كانت تمشي 420كم وبعد مادي وش سار له سارت يالله تمشي 300 كم غيرت بواجي واسلاك بواجي وشتريت كلبليتر جديد
وغيرت غطا البنزين (غطاء التانكي ) و سويتله تصفية كاملة في الوكالة وغيرت طربة البانزين
.......................................
..............................
والنتيجة كانت تمشي 420كم وبعد الخساير 300كم يعني نفس النتيجة بس تخسرت على الفاضي ونصيحة احفض قريشاتك ونا خوك
والي يخرب صلحه اما الصرف الموتر كل ما يقدم يزيد صرفة وهذا طبيعي

[البديوي 2]

أشكر جميع الإخوان الي تفاعلوا معي

واسف لعدم ردي السريع لإنشغالي

بالنسبة للسرعة 120-- 140 كم

ورجلي وسط على الموتر
والبنزيم هههههههههههههه( قديم ) 91

وديت الموير للورشة وقال البواجي ما فيها شي

وفحص الآسلاك وحصل سلك مكربن ومنشق شق بسيط وقام وقال نلف الشق بشطرطون لأنه بسيط

وما يحتاج تشري اسلاك علشان واحد

والكبليتر يقول جيد ولا ودي ألعب فيه لأنه ما يدخن ( والله سعودي نصوح )

وش رايكم

وتراي شاري الموتر عبر

لما يفرجه الله عقب ها الأسهم وها الديون

وشاكر لكم مرة اخرى

[منتعش]

أنصحك الله يحفظك
تستعمل البنزين ( 95 )
وجرب وشف .

أنا عندي مثل هالمشكلة كنت أعبي النوع الجديد ( 91 ) ولقيت بنزيني يخلص بسرعة وعند الإشارة إذا وقفت يحدث تفتفه ( نوع سيارتي لالندكروزر )
وغيرت نوع البنزين وأستعملت نوع ( 95 ) وصار مثل أول ومثل الحلاوة .

[البديوي 2]

اخوي منتعش

نصيحة طيبة

بس بنزين 91 هو الأنسب لموتري

على حسب موقع الحمراني يقول الباترول من 1996 _ 2006 بنزين 91

[ابوحماد]

أخوي أنا من أول مشاركه أقولك غير نوع البنزين

خل التانكي فاضي وصب النوع القديم وراح تشوف الفرق

البنزين الجديد 91 فاشل

والمشاكل في التفتفه كثرة

ولا عجب من سعره الرخيص رخيص

[البديوي 2]

أخوي أنا من أول مشاركه أقولك غير نوع البنزين

خل التانكي فاضي وصب النوع القديم وراح تشوف الفرق

البنزين الجديد 91 فاشل

والمشاكل في التفتفه كثرة

ولا عجب من سعره الرخيص رخيص



مشكور اخوي ابو حماد

[bmw_07450]

عندنا جيب مثل مشكلتك يشرب بنزين شرب عجييب يموت في حاجه اسمها بنزين مايشبع لا والمشكله بخاخ
غيرنا البواجي واسلاك البواجي والطرمبه والصفايه ووزنا الديلكو طبعا كلها مره وحده
والنتيجه لاشي الموتر سفاري 4500
ياليت نلاقي حل

[No.1]

يا جماعة الخير
موتري يوكون 2007 ، والبنزين الموصى فيه 91

الصراحة اشوفه يستهلك بنزين ، واحس بتفتفه بسيطه جدا عند تشغيله الصباح

متردد في تغيير البنزين ، مع ان قلبي يقول 95 افضل

لو حبيت اغير الى 95
وش الخطوات الصحيحة اللي ما تضر السيارة
وكيف اضمن عدم وجود اي اثر للبنزين القديم ؟

[ابوحماد]

أخواني الذي موتره مخصص للبنزين 91 ماعنده مشكلة في النوع الثاني 95

وأبو نوع 95 يسبب له مشكله اذا استهلاك 91

ونصيحه أخو أنحش من 91

[الحلفي]

الشباب ماقصرو عطوك الي عندهم اما بخصوص التقطيع فيه احدالزملاء معه نيسان باترول فيه تقطيع ماترك ورشه ماراح لها كلن يعطيه حل وغير البواجي وغير الطرمبه واسلاك البواجي لكن بعد التغيير والخساير لم يستفيد نفس المشكله ويقول اذا مش الموتر ثمانين او لفيت يسار يقطع لكن كلفه حوالي الف وخمسائة ريال من قطع غيار وتركيب المهم يقول طايت نفسي من الموتر تصدقون ياخوان طلع العطل لايكلفه سوي خمسه ريال العطل سلك تحت الديلكو محروق من الحراره وتوصيله للكهرباء ضعيف

[البديوي 2]

طيب اخوي الحلفي

مشكور وما قصرت

بس السلك الي تحت الديلكو محروق من الحراره وتوصيله للكهرباء ضعيف

ممكن توصف أكثر وان حصل مع الصور كان أحسن

واكون لك شاكر وممنون

[الحلفي]

اخوي البديوي من عيوني رايح اسل لك عن اسم الورشه والمهندس

[برق بن رعد]

اخوي البديوي من عيوني رايح اسل لك عن اسم الورشه والمهندس

ننتظر ردك من العام وينك يالحلفي

[almlgof]

ننتظر لله يعطيك العافيه

[ابو...فهد]

ننتظر لله يعطيك العافيه
ههههههههههه

وش تنتظر الله يعطيك الصحة والعافية كل هالمدة تنتظر خخخخخخخخ ياوسع صدرك ماشاء الله عليك

اكتب لك موضوع جديد اذا كنت تستفسر عن حاجة والاخوان ماراح يقصرون معك باذن الله

تحياتي لك

[نجدالنجود]

غير طرنبة البنزين الى طرمبة gx2000

[abrahim]

ونا عندي نفس المشكله افدتوني جزاكم الله خير

[سحاب شقراء]

اخفض الضغط وتشوف الفرق

المشكلة في النيسان القديم منتشرة

[النايف999]

جربت الباترول اول مانزل 99 وهبل بي وغيرته بــ2000 ونفس المشكله

وكرهت النيسان كله .. كربون اسود وتقطيع والتانكي مايمشي 350كيلو

ماخليت شي ماسويته

انت سو تصفية مكينه بواجي وبوبينه وبلاتين وغير كربليتر

[مكشإإت]

عيب الباترل صرف البانزين

[التعـ King ـديل]

عزيزي انا كان عندي باترول 97 وكانت مشكلته الصرفيه وكان ثقيل ويالله يوصل 150

سويت له تصفيه مكينه وغيرت كل شي وكاله وركبت له ديلكو الكتروني مع كويل الكتروتي وفرارات

وصبيت به بنزين 95 وماقعد معي ثلاث ايام الا وهو تمام لاتقطيع ولا صرفيه وجربته بخط مشيت عليه

حوالي 480 كيلو على تانكي واحد

[أبوجهاد التبوكي]

الله يعين كلنا في الهوا سوا..

[دروب الذكريات]

أتكلم عن تجربتي مع سفاري 2005 سوبر سفاري

نصف التانكي الكبير حسبته وحصلته يمشيني 275 كم يعني أقل من 20 ريال

والسرعة ما بين 120 و140 ونصف المشوار مشغل المكيف طبعنا بنزين 91

ونا أعتبرها صرفية جداً رائعة يعني ما يطلع واحد ويقول صرفية كبيرة كيف ما أدري
لا تقارن سيارة مرتفعة وجنط 17 الكفر كبير حجم الموتر كبير مكينة ما شاء الله كبيرة تبغى الصرفية صرفية كرولا ما فية مقارنة بسيارات كبيرة الحجم والمكينها بسيارات صغيرة الحجم والمكينة