حقيقه الباث فايندر

[((victory 6))]

عندما اردت امتلاك سياره للبر والمطا عس اخذت اتابع اخبار سيارات الدفع الرباعي لسنه 2002 و2003في مجلا ت السيارات والمنتديات وزرت جميع ا لشركا ت واستفسرت عن سياره قويه ومتينه وتتحمل طبيعه منطقتنا من جبال والرمال ما اطول عليكم وقع اختياري علا باث فايندر 2002قير عايدي وفتحه وبعدين خذ يامطامر وتطعيس وبعد خمس شهور اسمع الاصوات الباب الخلفي مع القزاز والديكور حق الطبلون يطلع صوت الاصطب الامامي مخلوع ....حقيقه الجيوب الجيده تنك ..ولا يعتمد عليها في البر . سلملي علا الثمانينات حقيقي ينشد بها الظهر.........

[أيمن]

صدقت أخوي العزيز ..
هالحين السيارات التالية تشبهها ب ورق قص ولزق .. ما يبيله شي كل شي محتمل أنه يسقط عليك فضلا عن خروج الأصوات :) ..
وفعلا سقا الله أيام الثمانينات ..

تحيتي

[أبوسليمان]

الرسالة الأصلية كتبت بواسطة أيمن
صدقت أخوي العزيز ..
هالحين السيارات التالية تشبهها ب ورق قص ولزق .. ما يبيله شي كل شي محتمل أنه يسقط عليك فضلا عن خروج الأصوات :) ..
وفعلا سقا الله أيام الثمانينات ..

تحيتي

[الشـ9ــاعر]

تبي الصراحة ........ عليك بالفي اكس ار وما جاك عندي.......

لا تسمع صوت ابواب بعد مدة ولا اصطب امامي ينكسر ...... يعني سيارة يعتمد عليها بكل المقاييس ......

اما الباقي فحدث ولا حرج مع احترامي للسفاري ........

لكن باث فالندر وغيرة من جنبــــــــــــــــــــــــــها........

[القماري]

المشكلة أن كثير من الشباب لايفرقون بين سيارة متعددة الأستخدام وسياره رباعية دفع ( الباثفايندر - البرادو - اكستريل - تريل بليزر - أنفوي - ماونتنير ...... ومن على هذه الشاكلة ) ليست بسيارات رباعية متخصصة للمطامر والتطعيس ( نعم هي تصلح وقوية لمثل هذه الأمور ولكن ليس بهذا المقدار والكيفية ) صنعت لكي تكون متعدده الأستخدام (للسير بالطريق وبالساحل وبالرمال) يعني سيدان بالدرجة الأولى.
بعكس السيارات المتخصصة كا ( اللاند والباترول والباجيرو واليوكون ... الخ )
عموما الباثفايندر وماشابهها سيارة جيدة وقوية وتفككها ليس عيبا بها بقدر أنك طلبت منها أكثر من اللازم.

[الشيخ]

الاخ العزيز فيكتوري
بالنسبة لمشكلة الباب الخلفي هاذي واردة مع كل من يستخدم الباثفايندر في البران والمطاعس لانه قطعه وحدة ومعلقة من فوق وثقيل وابشرك ماله عيار مثل ابواب السفاري واللاند كروزر ويوم حصلت عندي المشكلة دورت برغي واحد مرتخي مالقيت طلعت المشكلة من الربلات السود الي بين الباب وجسم السيارة خفت اشتري جديد ويطلع ضعيف مثل الي قبله
ولقيت حلها عند واحد من محلات زينة السيارات قام وجاب شريط ربل اسود مثل الي ينحط بالابواب للتنسيم ودبله فوق الاصلي وراحت المشكلة نهائيا لكن اول اسبوع صار الباب ما يتسكر الا بقوة اما الحين كل شي تمام وماشي حاله
لكن ما تقدر تقارنه بالسفاري واللاندكروزر فهم الافضل اما الباث و فئته مثل البرادو والشيروكي و الباجيرو يجون بالمرتبة الثانية بعدهم

[بـــدر]

الباثفايندر مشكلته بكفراته تجي نوع برجتسون سيئه جدا جدا جدا، :mad: يعني لو بس تاطا عيون القطط تحسه بعضامك عموما الحل بسييييط جدا
فقط غير الكفرات الى يوكوهاما او تويو:good: ونزل بظغط الهواء قليل يعني psi 28 وتشوف الفرق وخذها من راعي تجربها:D
بالنسبه للفكس ار نفس المشكله جربته قبل سنتين اذ ضربت البطناج والهواء ماهو مخفض راح يتفكك
المشكله تكمن في النوع الكفر ومقادر الضغط.

[Y&Y_4X4]

مايترفقون على السيارات وبعضهم والله مايصبر عليه شي ابد !

تقول الموتر ماقعد خمسة اشهر اعرف ناس راعين بر ومطاعيس لهم اكثر من سنتين ولا بعد وصلوا للمرحلة الي انت وصفت أضنك يأخي تجور على الموتر لاكن انا مع الاخوان مافية موتر يصبر غير اللاند كروزر ؟

ملاحظة : اكتشفت ان اغلب الاصوات مع الرجة تجي من الحاجات المختلفة الي حنا نحط في مخابي البيبان والدروج وغيره.

[((victory 6))]

مشكورين يااخوان على تجاوبكم مع الموضوع والله لا يحرمني منكم ....الاخ راعي العليامشكور علىالحلول التي اوردتها لكن هل هي لاصق يركب على الربل الخارجي ...............الاخ بدر:فعلا كفرات البريجستون قاسيه وهي السبب الاول في المشكله وابي اعرف رايك انت والاخوان في التويو هل هوجيد في الطرق الترابيه لاني جربت اليوكوهاما فوجدته لايتحمل الحصى ويضرب ...............واكررشكري للجميع.

[الشيخ]

الله يحيك يا فيكتوري

الربل الي ذكرته لك في ردي السابق يجي لونه اسود ويشبه الي نستخدمه لابواب البيوت لمنع دخول الغبار غير ان المستخدم في البيوت مصنوع من اسفنج وهذا ربل مطاط اسود ويجي وجه فيه صمغ والوجه الثاني الربل نفسه
ولزقه فوق الربل الاصلي وصار الباب ممتاز وابد ماعاد يطلع اصواته الموسيقية القديمة
لكن لا تنسى اذا استعملت هالطريقة يجيك اول اسبوع الباب ما يسكر الا بقوة بس انتبه لا تصفقه بقوة وتكسر القزاز اصفقه بقوة لكن بحنان وعطف :D :D
اتعب على الحنان تراه اهم شي

[((victory 6))]

والله انك شيخ علا اسمك.....

[نجمة سهيل]

في الحقيقه يااخوان . كان مع اخوي قبل مايشتري الباثفايندر شروكي . وباعه.

و شرى باثفايندر قبل 4شهور تقريبا او اكثر. موديل 2003 . فل .(( فتحه+تخشيب+سيدي))

وماشاءالله اقولها عن حق وليس لاننا نمتلك الجيب. كنت اظن من اول انه مايصلح وقبل مايشتري اخوي كنت انا متررد فيه . بس ماشاءالله عليه.

ان قلت شكل فمنظره ماشاءالله عليه حلو .

وان قلت القوه قوي وخفيف وقوته مناسبه لحجمه .

وان قلت للخرابات ابد والله ماخرب معنا من شريناه ماغير دخلناه 4 مرات للتشييك فقط.

وياما وياما رحنا به للبران . اول بر طبه الجيب الصمان . وقت الضبان .

والى الحين ماشي الجيبب تقريبا 13الف . مالاحظنا عليه شي .

ولا لاحظنا عليه الي تقول قرقعه في البيبان . لكن الي لاحظته عليه انه والله مثل ماشرينا ماتغير فيه شي ((ماشاءالله عليه )) . بس مشكلتع مثل ماقالوا الاخوان الكفرات . !!


وش تنصحون ياشباب نركب له كفرات !!!

[akhan]

الله يعطيك العافيه