قصيده لاخواني الكشاته

[ابوهديل 8]

هذه القصيده قلتها واخص بها اخواني الطيبين في منتدى مكشات واليكم القصيده




خوذو على المكشات قافن مسويه =ابو هديل لصاحبينه يدزه
فيه المعان الطيبه والمشاريه = والقافيه موزونتن مستعزه
من كان عزه يالكواشيت بانيه =بطاعة الرحمن فعله منزه
عن كل نذلن بايراتن خطاويه = شيطان نفسه للرديه يدزه
مايقرب الانذال يبعد حراويه =عن كل هافي نفسه مشمئزه
الطيب تعزه وودك تخاويه =ولا الردي ماينفعك باي حزه
من علموه اهله وطابت مرابيه=على علوم الدين ربي يعزه
يلقى بها بكره دروبن توديه =على الجنان بقدرة الله وعزه
وختامهاصلوعلى اللي مباديه=ترجح على كل الخلايق منزه



وسلامتكم

[جيتك يابعد حيي]

صح لسانك وانت أطيب
وتسلم على هالقصيده ويشرفني أكون اول من يرد عليك

[ابوهديل 8]

مشكور اخوي صفوق ويشرفني مرورك وتعليقك على القصيده والسلام عليكم

[سلطان العوني]

صح اللسانك وفالك التوفيق اخوي ابو هديل
تستاهل النوماس انت وقصيدتك

وهل من مزيد ؟
؟؟؟؟؟؟؟؟؟؟

تحياتي

[ابوهديل 8]

بيض الله وجهك اخوي سلطان العوني وفالك الطيب ياهاب الريح والله يحييك مره ثانيه وتقبل تحياتي اخوك ابو هديل

[اول الخير]

بيض الله وجهك
وصلى الله على محمد وعلى آله وصحبه 0
اللهم انا نسالك العفو والعافيه ونسالك حسن الخاتمه وان تكفينا شر انفسنا وشر الشيطان انك جوادَ كريم.

[قناص الحبارى]

صح اللسانك وفالك التوفيق اخوي ابو هديل
تستاهل النوماس انت وقصيدتك

[ابوهديل 8]

يامرحبابك اخي اول الخير ويشرفني مرورك كما يشرفني مرورك اخي قناص الحباري والله اسال عزوجل ان يجمعنا على الخير وان لا يفرقنا الابذنب ٍمغفور وعمل صالح مبرور نحن وجميع اخواننا الكشاته والسلام عليكم

[الحضري]

اللهم صلي على محمد ولاهنت يابو هديل قصيدة جزل وقافية صعبه


تحيتي وفي حفظ الله

[نيشان نجد]

الله يسلمك على القصيد وننتظر جديدك

[جرير]

صح لسانك وبدنك ولا هنت

معاني طيبه من طيب



ابو هديل القاف ابدع معانيه .... وسطر بيوتن عن المعايب تنزه

الزين دايم كلنا في حراويه ................يامرحبابك كل يوم وحزه

[الغزال الشارد]

صح لسانك والله يعطيك العافية

[ابوهديل 8]

السلام عليكم ورحمة الله وبركاته مشكورين اخواني على مروركم اللي زادني شرف وبارك الله فيكم وجمعنا واياكم على محبته ومحبة رسوله صلى الله عليه وسلم .
مشرفنا السابق الحضري مشكور على مرورك ونقدك البناء وفي حفظ الله ورعايته .
نيشان نجد الله يسلمك وابشر بالخير ياوجه السعد .
مشرفنا جريرالله يبيض وجهك على البيتين اللي كافيه ووافيه اطال الله عمرك على الخير وعلى طاعة الرحمن .
الغزال الشاردالله يعطيك العافيه على مرورك .
وفقني الله واياكم الى مافيه الخيروان يجمعنا على الخير وان لايفرقنا الابذنب ٍ مغفور وعمل متقبل ٍ مبرور ونفعني واياكم بما هو اهله سبحانه وتعالى والسلام عليكم .

[عروق الدهنا]

ابو هديل
بيض الله وجهك قصيده جزله
صح الله لسانك

تقبل مروري وتحياتي

[ابوهديل 8]

اخوي عروق الدهنا شرفني مرورك ووجهك ابيض والله يوفقنا واياك الى مافيه الخير والسلام عليكم.

اخوك ابو هدبل

[ابو صعب]

صح لسانك وبيض الله وجهك

[ابوهديل 8]

مشكور اخي ابو صعب على مرورك وبيض الله وجهك وجزيت خيراً والسلام عليكم .