الى من لديه خبره في الكاميرات الديجتال..الحقونا بخدمه لاهنتم..

[أبا مجاهد]

بسم الله الرحمن الرحيم..


وبعد..اخواني الاعزاء..شريت لي كيمره كانونA630 مع الذاكره واحد قيقا بـ 1050ريال..

لكن القهر:( ان فيها تشويش..ليه ؟؟مادري..والصور ماهي بصافيه مره..ليه؟مادري.. مع العلم انها 8 ميقا بكسل..

سؤالي اعزائي ..ماهي الاعدادات المناسبهمن ناحية الغالق وخلافه للتصوير؟(سواء صباحا او عصرا او مساءا)..

مع العلم ان بها التحكم اليدويM..

وعندي رحله لمنطقة العقيق في الباحه ان شاءالله يوم الجمعه..وش تنصحوني عند التصوير؟ وفي اي وقت؟

بوركتم جميعا وجزا الله من رد كل خير اخواني الاعزاء:) ..

[أبا مجاهد]

17 واحد قرا الموضوع ولا تكيرم علينا احد بالرد..

يمكن سؤالي صعب زي أسئلة الوزاره :)

[فتى الدهناء]

أخي الغالي .. أيشر الأعضاء مايقصرون ان شاء الله ..

طيب مبدئيّا صوّر على وضع ( الأوتو ) وشف نتائج الصور ..

ثانيا .. أخاف الكمرة .. فيها خيرات تجعلها تصوّر بــ 5 ميغا بيكسل .. و 3 ميغا بيكسل .. فأنت لابد أن تعيد ضبطها على 8 ميغا بيكسل ..

أما خيارات التصوير .. أن في التصوير السياحي .. والتوثيقي .. أستخدم الأوتو .. غالبا
وفي المساء استخدم التصوير الليلي .. وبعض الأحيان تحكم يدوي ..

أيضا لابد أن تراعي التصوير تحت الغيوم أو تحت الشمس فهناك خيارات كثيرة بالكمرة ..

وفقك الله ..

[أبا مجاهد]

اخوي فتى الدهناء جزاك الله كل خير ماقصرت حبيبي..

لكن اخوي ماعندك خلفيه عن ضبط البعدسه وسرعة الاغلاق كم اخليهم مثلا..

و المشكله وضع الاوتو مشوش مدري وش بلاه..يعني جواليn73 اصفى منه!..

بخصوص التحويل من 8 الى 3 او 5 ميقا بكسل!! وشلون يخوي مافهمت عليك..وفي الاعدادات مافي شي من هالكلام..

بوركت اخي الغالي فتى الدهناء ..في الانتظار..

[فتى الدهناء]

هلابك أخوي الغالي ..

اصبر وانا اخوك .. على فتحة العدسة وسرعة الغالق .. الحين .. اضبط الكمرة على الأوتو واضبطها صحّ .. واذا طلعت بصور ترضيك .. ونتائج حلوه .. بعدها حبرث بالوضع اليدوي .. لأنك الى الآن .. ماستخدمت الكمرة بوضعها الأوتو ..صح .. فوشلون تبي تنقز على ( فتحة العدسة وسرعة الغالق ) ..

أنت ماسمعت المثل اللي يقول ( ياكلك حبّه حبّه ) :)

اللي أقصده .. بأن التصوير ربما يكون على 3 ميغا بيكسل أو 5 ...

هو أنّ في أغلب هذه الكمرات .. خيار .. يتيح لك أن تصوّر صورة صغيرة .. 3 ميغا بيكسل .. مثل كمرة الجوّال .. والعلّة ..لتلتقط صور كثيرة جدا .. بالذاكرة .. ولا أنصح باستخدامها .. لذلك أريدك أن تستخدم الحجم الأقصى للصورة .. 10 ميغا بيكسل .. وهذي تلقاها بالمنيو menu حبرش وتبي تلقاها .. وارجع لكتيّب الكمرة اذا كان عربي .. تراه يفيدك جدا ..

واي استفسار .. حاضرين ..

وفقك الله

[أبا مجاهد]

أخي فتى الدهناء..مادري كيف اشكرك يالغالي..

جزاك الله كل خير حبيبي..وبأحاول احبرش في الاعدادات مع ان الكتلوج انقلش:)

وفقك الله لما يحب ويرضا..