بعض المشاكل في vxr لوسمحتوا الحل ؟!

[طارق الحربي]

السلام عليكم ورحمة الله وبركاته

اخواني الكرام

لدي بعض المشاكل في لاندكروزر vxr موديل 2003 قير أوتوماتيك ماشي 100 الف كيلو متر

المشكله الاولى ان التانكي الاضافي اذا وصل للربع وظهر في شاشة المعلومات ان الكيلوات الباقيه هي تقريبا 50 كيلومتر تبدأ السيارة في التقطيع وتطفي وكانه لا يوجد بنزين ...


المشكله الثانيه ان الثلاجه اصبحت ماتبرد الا اذا مشيت بالسياره مسافه تبدا تبرد تدريجيا

المشكله الثالثه ان العزم اصبح ضعيف نوعا ما رغم اني مغير البواجي ومسوي صيلنه شامله عند 70 الف كيلومتر

المشكله الرابعه ان المكيف صار مايبرد وله ريحه شينه شوي ابعرف وين مكان فلتر المكيف ؟

لو سمحتوا وش رايكم وش الحلول ؟

تحياتي لكم

[علي عبد الله]

الاخ طارق . اسعد الله صباحك بكل خير . انا عندي نفس مواصفات موترك وماش 107000الف كم ولاتوجد المشاكل المذكورة في موضوعك . ارجو عرض الموضوع على الوكاله وهم اعرف من غيرهم بسيارتهم

[رحال7]

الوكاله يا طويل العمر ولا تتردد ولا تحاول توفر كم قرش ترى نادر احد يصلحها لك برا وربما يخربونها وتدفع اكثر من الوكاله..او تصلحها برا وتعود الى الوكاله وبهذا تدفع مرتين...

بالنسبه للفتر الداخلى اعتقد والله اعلم خلف الدرج الامامى فقط اذهب الى الوكاله واطلبه وهناك سترى مكانه!!
كذلك المكيف هناك جهاز فى الامام خلف الشبك الامامى من جهة السائق يسمى ساعة او حساس المكيف اخبرنى عنه احد الشباب ربما يكون هو المشكله!!

انا عندى مشكله بالمكيف وهى صوت مزعج (غير طبيعى) عندما يشتغل اللكمبرسور وكذلك احيانا يتوقف المكبرسور اذا اخترت ادخال الهواء من الخارج ولا يعمل الا بعد ساعه اوساعتين بعد اختيار تدوير داخلى للهواء..اخذتاه للوكاله ولكن كان يعمل وقتها وتعرف يبون شىء خربان على الاخر لكى يصلحونه بتغيير كامل! كالعاده!!

الله المستعان والله اعلم

[ضيان]

مالك إلا توديه الوكاله.

ولكن مشكلة المكيف، شوف الفلاتر، فلاتر المكيف

[طارق الحربي]

شكرا لكم جميعا ويعطيكم الف عافيه على الرد

اخوي ضيان

الفلاتر ما ادري وينها


تحياتي

[al-nashmi]

[quote=طارق الحربي]السلام عليكم ورحمة الله وبركاته

اخواني الكرام



المشكله الاولى ان التانكي الاضافي اذا وصل للربع وظهر في شاشة المعلومات ان الكيلوات الباقيه هي تقريبا 50 كيلومتر تبدأ السيارة في التقطيع وتطفي وكانه لا يوجد بنزين ...

اخونا طارق هل كنت ماتعبي بنزين لين يفضي التانكي تماما اذا كان كذالك فان الطرمبه التانكي خربانه وتحتاج الى تفيير بسبب انتقال اوساخ التانكي الى الطرمبه



المشكله الثانيه ان الثلاجه اصبحت ماتبرد الا اذا مشيت بالسياره مسافه تبدا تبرد تدريجيا
الثلاجه بعدين امرها سهل!!
المشكله الثالثه ان العزم اصبح ضعيف نوعا ما رغم اني مغير البواجي ومسوي صيلنه شامله عند 70 الف كيلومتر
غير فلتر البنزين وتحصله في الكبوت في الجهه اليسراء وهو اسود كأنه فلتر زيت صغير
المشكله الرابعه ان المكيف صار مايبرد وله ريحه شينه شوي ابعرف وين مكان فلتر المكيف ؟

مشكله المكيف... ممكن من المنظم ومكانه في مقدمه الموتر تحت بين الشبك والشمعه اليسرى او عندك نقص شديد في غاز التيرد..

اول خطوه شيك على الغاز هل فيه كميه كافيه اولا

اذا ما فيه غاز شيك على التسربات وفيه ماصور خلف الكفر الايمن الامامي تروح للمكيف اللي ورى عادة تنقص من كثره البطانيج اذا انت تروح صحراء كثير ممكن تكون مكسوره


اي استفسار عن الخوي الطيب فكسار انا حاضر بما اعرف
ولك تحياتي...
النشمي
اخوك ابو زياد

[al-nashmi]

الوكاله يا طويل العمر ولا تتردد ولا تحاول توفر كم قرش ترى نادر احد يصلحها لك برا وربما يخربونها وتدفع اكثر من الوكاله..او تصلحها برا وتعود الى الوكاله وبهذا تدفع مرتين...

بالنسبه للفتر الداخلى اعتقد والله اعلم خلف الدرج الامامى فقط اذهب الى الوكاله واطلبه وهناك سترى مكانه!!
كذلك المكيف هناك جهاز فى الامام خلف الشبك الامامى من جهة السائق يسمى ساعة او حساس المكيف اخبرنى عنه احد الشباب ربما يكون هو المشكله!!

انا عندى مشكله بالمكيف وهى صوت مزعج (غير طبيعى) عندما يشتغل اللكمبرسور وكذلك احيانا يتوقف المكبرسور اذا اخترت ادخال الهواء من الخارج ولا يعمل الا بعد ساعه اوساعتين بعد اختيار تدوير داخلى للهواء..اخذتاه للوكاله ولكن كان يعمل وقتها وتعرف يبون شىء خربان على الاخر لكى يصلحونه بتغيير كامل! كالعاده!!

الله المستعان والله اعلم


اخونا رحال7

شيك على المنظم وهو موجود في مقدمه السيارة تحت بين الشبك وبين الشمعه اليسراء


تحياتي لك...

اخوك النشمي

[aziz2727]

يا جماعة الخير
بخصوص عزم السيارة ان مع لاندكروزر 2004 gx-r كنت اعبي البنزين من نوع 91 حقيقه الموت طاح عزمه ولهب رفيقي صرت اعبي بنزين 95 والحمد لله اختلف المورت وصار عزمه افضل من اول
اعتقد ان 95 افضل من 91 والله اعلم

[لبرتي]

السلام عليكم

بخصوص المكيف
تاكد من نوعية الغاز الموجود فيه لانه يوجد عمال ما يخافون الله يعبون لك غاز مضروووب

أنصحك بصيانة البازعي أفضل لك ولو أنهم يزيدون عليك شوي لكن أهم شي عندك الموتر

وأبعد عن عبداللطيف جميل لأنه صار لي موقف معهم
عندنا كامري 2006 كانت موديها صيانة الـ10الاف

المهم من كثر ما اسمع عنهم قلت خلني اجرب وأختبرهم

جبت شطرطون دراهم ولزقته على الكبوت والشبك بدون ما أحد يشوفه

المهم خليت الموتر يومين وأتصلوا علي رحت لهم وحصلت كل شي زي ما كان

كلمت المصري وعلمته السالفه وتعرفون عاد المصري يطلع لك ألف عذر وأنها وأنها وانهااااا أوجع رأسي

المهم قلت له أبي تعويض ولا بشتكيكم

وصلح كل شي لي بدون مقابل


أخوكم أبو راكان

[طارق الحربي]

شكرا على مروركم جميعا والله يعطيكم الف عافيه

اخي ابو زياد

صحيح انا كنت اخلي البنزين تقريبا الين ينزل تحت الربع واعبي

ابشوف طرمبه البنزين مثل ماقلت

الفريون ابشيك عليه وبعدها ابشوف المنظم ان شاء الله

اما فلتر البنزين ان شاء الله اغيره

شكرا لك على حل المشاكل

[عرهب]

مشكلة التانكي الثاني صارت لي مثل ما صار معك موتري في إكس آر 2005 وديته للوكالة لقو المشكلة من العوامة حقت التانكي غيروها وصارت تمام إسأل مجرب ولا تسأل طبيب والله ييسر أمرك وأمر الجميع ///////

[رحال7]

اخونا رحال7

شيك على المنظم وهو موجود في مقدمه السيارة تحت بين الشبك وبين الشمعه اليسراء


تحياتي لك...

اخوك النشمي

ما قصرتم يالنشمى وودى اعرف كيف اشيك على المنظم..؟

[al-nashmi]

ما قصرتم يالنشمى وودى اعرف كيف اشيك على المنظم..؟


اخوي رحال..

شيك على المنظم عند متخصص في التكييف السيارات

وانا كانت المشكله عندي تقريبا نفس مشكلتك بس زود عليها انه اذا برد المكيف تبرد جهه السواق والفتحات اللي جهه الراكب يخرج منها هواء عادي
وغيرت المنظم وظبط المكيف والحمد لله


تحياتي...

[طارق الحربي]

شكرا لك اخوي عرهب

وشكرا لك اخوي النشمي

تحياتي

[ابن غالب]

السلام عليكم ورحمة الله تعالى وبركاته

اخوي طارق الحربي

بالنسبه للمكيف الحروره اكيد انها من الغاز

وفلتر المكيف ما ادري عنه انا عندي Gxr وما فيه فلتر مكيف

ومثل ما ذكر اخونا النشمي فلتر البنزين وشيك على آيل القير وفلتره

وبخصوص البنزين ، هذي صارت.. تحس ان الموتر يصرف اكثر اسأل الله لا هانك عن آيل ينظف الانجكتر تصبه مع البنزين لما تعبي ما اعرف اسمه

والسموحه

[طارق الحربي]

شكرا لك اخوي ابن غالب

تحياتي لكم

وان شاء الله اعلمكم وش صار علي