رفعت السيارة وصار عندي فراغ كبير .. وش الكفر المناسب في هالحالة ؟؟

[الكاسر23]

أخواني

السلام عليكم ورحمة الله وبركاته،

في فترة سابقة قمت بتغيير مساعدات السيارة واليايات (استرالية) ، وذلك بسبب الحمولة اللي بالسيارة (تانكي ماء وعدة الرحلات)، مما أدى إلى ارتفاع جسم السيارة ووجود فراغ كبير في الرفرف بين أعلى الكفر والرفرف (7 بوصات = 17.8 سم في الخلف) و(5.5 بوصة = 14 سم في الأمام) .. وودي يقل هذا الفراغ لانه أثر في الشكل العام للسيارة إضافة إلى أن درجة الأمان أثناء المنعطفات والسرعة يقل بدرجة كبيرة.

فما هو أفضل الحلول ؟؟

هل أركب كفرات (بالون) مقاس 900 ؟ أو هناك كفرات ومقاسات أفضل أو أي حلول أخرى أفضل ، رغم أن ارتفاع السيارة مطلوب .

أو أركب لها جنوط 17

علما بأن سيارتي لاندكروز vxr موديل 94


بانتظار خبرتكم ولا نستغني عن مشورتكم الطيبة بارك الله فيكم

أخوكم المحب
أبو محمد

[بدوي جنوبي]

عليكم السلام ورحمة الله وبركاته

اخي الكريم الكاسر23

اذا ما عليك كلافة حاول ترفق صورة للسياره

وان شاء الله الاعضاء بيفيدوك

اما الارتفاع كبير جدااا ومثل ما ذكرت خطير علي السياره في السرعات العاليه والمنعطفات
انا أرى الحل الامثل تنزيل السياره قليلا



بالتوفيق

[غضنفر]

الحلول
1- جنوط عريضة وكفرات ارتفاعها قليل مثلا 265\65\16
2- ثقل الموتر تانكي الماء عبه فل وامل الموتر باغراض ثقيلة ( مع ان هذه الطريقة ليست عملية ابد)
3- تقص من اليايات 3 سنتي
4- تعود تركب يايات الوكالة

[الكاسر23]

أخوي بدوي جنوبي





أخوي غضنفر





بارك الله فيكم ، انا ما رفعت السيارة إلا للحاجة الماسة لذلك ، وهي الحمولة اللي داخل السيارة، وبالتالي من الصعب يأخوي غضنفر إني بعد كل هالتعب ارجع لياي الوكالة، علما بأن الياي اللي مركبة استرالي حمولة 400 كجم وارتفاع 7 بوصات في الخلف، وحمولة 300 كجم وارتفاع 5 بوصة في الامام.


كان في السابق مركب ياي استرالي ارتفاع عادي مثل حق الوكالة وبحمولة 200 كجم، وكأنك يأبو زيد ما غزيت ، السيارة صارت (مساحة طريق) خصوصا اذا عبيت تانكي الموية (100) لتر.


بالنسبة لصورة الموتر راح انزلها باذن الله يأخوي بدوي جنوبي في اسرع وقت ممكن.


وبالنسبة لتركيب جنوط وكفرات بارتفاع 65 وعرض 275، فاللي تجي من الوكالة أرفع وأعرض 70/ 275، لذلك فكرت في البالون اللي لـ 90 (ارتفاع)، بس ما هنا عرض ، يعني زود ارتفاع وزيادة في قلة الامان والسلامة خصوصا عند السرعة والمنعطفات.


بصراحة محتاج ارتفاع السيارة ، وربما الارتفاع زايد عن اللزوم لذلك افكر في انزال السيارة لو 3 سم من الخلف فقط، اما الامام فهو مناسب جدا. والمشكلة في الفراغ اللي بين اعلى الكفر إلى الرفرف مطلع شكل الكفرات وكأن حجمها صغير بالنسبة لحجم وارتفاع السيارة.


ساعود لكم قريبا بالصور ، وبانتظار افادة بقية الاخوان .


شاكر لكم مروركم وتفاعلكم مع موضوعي


اخوكم


ابو محمد

[الكاسر23]

السلام عليكم

أخوي بدوي جنوبي

هذه الصور اللي طلبت .. وعذرا على التأخير

هذه الصورة وقبل الرفع وكنت مركب عليها يايات استرالية قدرة تحمل 200 كجم ومثل ما تلاحظ ان السيارة نزلت وكانك ما ركبت شي
لاني مركب تانكي ماء سعة 100 لتر وكان مليان وعدة البر كلها بالسيارة ..


http://www.mekshat.com/pix/upload/images39/mk9192_1.jpg


وبعد ما ركبت الياي الجديد بارتفاع 7 بوصات عن الكفرات وبقدرة تحمل 400 كجم كان هذا شكل السيارة
من الأمام ما يحتاج مثل ما ابي وأكثر
لكن من وراء مرتفع شوي وبصراحة هذا الارتفاع فيه خطورة خصوصا اذا فيه منعطفات خطيرة او عند المفاجات على الطريق أو في الطعوس


http://www.mekshat.com/pix/upload/images39/mk9192_2.jpg

وهذه صورة ثانية


http://www.mekshat.com/pix/upload/images39/mk9192_3.jpg


وهذه صورة اقرب


http://www.mekshat.com/pix/upload/images39/mk9192_4.jpg


اخوي غضنفر

قصت الياي لا بد منها بصراحة واليوم باذن الله راح اقصه 3 سم وراح اجيب لكم الصورة بعد القص

تحياتي لكم جميعا

[خادم تميم]

الكاسر23 انت اخترت المقاس الغلط لا تقصد الياي خل دايم البنزين وتانكي الماء فل ويلينن مع الوقت.لكن هل الاسترالي يقص . لان عندي نفس مشكلتك بس اقل. علمنا وش صار لاهنت

[بدوي جنوبي]

http://www.mekshat.com/pix/upload/images39/mk9192_2.jpg

والله اخي الكاسر الموتر يبيله شوي تنزيل ممكن 3 سم من الامام والخلف

وانتظر ردود الاخوان اللي مجربين

بالتوفيق

[الكاسر23]

اخواني
السلام عليكم

بعد ما دورتها يمين ويسار، حسم الأمر بقص الياي الخلفي (3) سم، ورحت عبيت البنزين (فول)، وكذلك تانكي الموية (فول) وحطيت أغراض البر في الشنطة، ورحت للصناعية، ومثل ما قال الأخ بدوي جنوبي، قمت بقص الياي الخلفي (3) سم، حيث أن الفارق في الارتفاع بين الأمام والخلف هي فعلا (3) سم.
وبعد القص أصبح الارتفاع متساوي في الأمام والخلف، واصبح الشكل العام مثل ما كنت أرغب، وبارتفاع مناسب جدا.
وهذه صور الجيب بعد قص الياي الخلفي

http://www.mekshat.com/pix/upload/images40/mk9192_11.jpg (http://www.mekshat.com/pix/upload/images40/mk9192_11.jpg)

http://www.mekshat.com/pix/upload/images40/mk9192_22.jpg (http://www.mekshat.com/pix/upload/images40/mk9192_22.jpg)

http://www.mekshat.com/pix/upload/images40/mk9192_33.jpg (http://www.mekshat.com/pix/upload/images40/mk9192_33.jpg)

بصراحة ارتحت بعد ما صار ارتفاع السيارة مناسب وفي نفس الوقت مرتفع بدرجة مناسبة.

وتقبلوا تحياتي
اخوكم
ابو محمد

[صديق الكاسر23]

الحمد الله يا أبو محمد بس متى الكشتة
علشان نتأكد من هالخبرية
يسلموووووووووووووووو