لدي مشكلة بفرامل الباث

[.أبوعبدالرحمن]

السلام عليكم ورحمة الله وبركاته







اخواني عندي مشكلة في الباثفندر2003 وهي بعد ان ركبت كفرات اكبر من شد البلد اللي هي 265/65 والارتفاع زي حق الوكالة




صار عندي صوت اذا ضغطت الفرامل اذا جيت اوقف والصوت زي صوت التريلات اذا بغت توقف وليست صوت فحمات اللي عنده علم تكفى يعلمني لان الصوت هذا شااااااااااااااااااااغلني مرة






واذا وديتها للوكالة قالوا لي حق الفحص بس 450 على الفرامل يعني لزخه







وش رايكم؟؟؟؟؟؟؟؟؟؟؟؟؟؟؟؟

[غضنفر]

مدري وش اقولك
لكن هل الكفرات الجديدة تحك في الرفرف من الداخل ؟؟؟؟؟؟؟

على العموم شيك على هوا الكفرات كوده ناقص

[عبوووود]

أخوي أنا عندي نفس الموتر و الموديل

و الكفرات كفرات الوكالة و يطلع نفس الصوت اللي

عندك أتوقع أن المشكلة من الفحمات مهيب من الكفارت...

[نمر 33]

شيك على ربلات العكس الأمامي هل هي سليمة ما فيها تهريب شحم وتأكد هل هي مشحمة ولا ناشفة لاأنها تشحم مع تغير الفحمات (تشحيم الرمنات) ؟


لأن سبق وصارتلي نفس المشكلة صوت فرامل تريلة بدون ماتضغط الفرامل وكذلك تحس بشي غريب في الطاره مع الصوت ، لقيت ربلت العكس اليمنى تهرب شحم وغيرت الربلة وشحمة .


وعلى فكرة ترى شحم ربلة العكس لها شحم خاص جداً......

وسلامتكم

[ff-19]

لايكون السيارة نازلة من قدام شيك على اليايات

[ff-19]

اذا كانت نازلة تحك في الرفرف اذا ضغطت الفرمله خشم السايرة ينزل وتحك الكفرات في الرفوف طالع في الرفوف من الداخل شوف سواد الكفرات

[.أبوعبدالرحمن]

اشكركم ياشباب على اهتمامكم



لمن السيارة انا شاريها جديدة والان ما شية35 الف كم تقريبان طبعا مخزنة ويمكن يكون كلام اخوي نمر 33 صحيح اما السيارة ما شاء الله مرتفعه رفع الوكالةواليايات ان شاء الله ما فيها شيء




لكن ابغى احد قد حصلت له هالمشكلة وش سوا؟؟؟؟؟



ولا يهونون اللي مروا على موضوعي

[.أبوعبدالرحمن]

للررررررررررفع

[باثفاندر 2005]

وعليكم السلام ..

اليوم طلع عندي الصوت و لاحظت مثل ما قلت أنت أن صوتها غريب مثل بريك التريله وصوته عالي جدا لكن أكاد أجزم أنها الفحمات ..

بروح أصلحها بكره بإذن الله ما عندكم خبر عن سعرها حول كم ؟ :rolleyes: << جاء الصيف وبدأ يحسب :p

[.أبوعبدالرحمن]

وانا اخوك بالنسبة لي الفحمات جديدة


والسيارة كما ذكرت توها ماشية 35 الف تقريبا بس


والصوت لم الحظ عليه الابعد الكفرات الجديدة


واللي عنده علم لا يبخل علينا

[.أبوعبدالرحمن]

مساكم الله بالخير



للرفع

[بدوي جنوبي]

اخي ابو عبدالرحمن

مساك الله بالنور

اكاد اجزم ان المشكلة تتعلق في الفحمات والهوبات
هل تم خرط الهوبات ؟

[نمر بن حثلين]

يجي مع الصوت رجه ؟؟

انا مثلك فيه صوت بالفرامل ورجه بالدواسه بعد تغيير الفحمات والقماشات

مع العلم انه تم خرط الهوبات عدة مرات وفي اماكن مختلفه وبدون اي فائده !

والكفرات ما غيرتهن نفس حقات شد البلد

اذا لقيت حل دبرنا

[ابوحماد]

أنا نفس المشكله وشاب راسي من هذا الموضوع ومن ثلاث اشهر وانا منزل موضوع مثل كذا وبدون فائده

وسعر الفحمات في الوكاله 220 ريال وهو الافضل من حقات السوق فيها غش شهرين وثلاث اشهر ويطلع معك صوت

[.أبوعبدالرحمن]

والله يا اخواني اذا كان كذا مشكلة



اخوي بدوي جنوبي السيارة زي ما انت شايف جديدة يعني الفحمات والهوبات ما لها اي دخل ابدا والله اعلم



ياشباب المنتدى هذا بالذات يعني اصحاب الباث تقريبا 50% وينهم؟؟؟؟؟؟؟؟؟؟؟؟؟؟


تكفون تراني شايل همها

[بدوي جنوبي]

يا اخي موضوعك محير

يعني معقوله الكفرات تكون سبب في ظهور الصوت ؟

او ان الشغله صدّفت مع تركيب الكفرات

بعد رد الاخ نمر وابو حماد

المشكلة اكيد في الفرامل !

طيب انا بقولك شغله بسيطه والله يعينك سويها ومنت خسران شي اذا تبي الحل ان شاء الله يضبط معك

اشتر 10 او 15 ورقه صنفره خاص بالحديد لانها انواع شي للخشب وشي للجدران وسعر الورقه ريال

فك الكفرات وصنفر الهوبات كلها ولا تحن علي الحديد طبعا الصنفره باليد (حك الحديد)

وجرب السيارة وشوف ان شاء الله يروح الصوت

ملاحظه : الصنفره تكون وسط مو خشنه مره لانها درجات والله ناسي رقم الوسط

[.أبوعبدالرحمن]

جزاك الله خير اخوي بدوي جنوبي

وان شاء الله اسويها


لكن ما تعرف ورشه من الورش المضبوطة بالرياض تخصص فرامل

[باثفاندر 2005]

أبو عبدالرحمن الصوت متى يطلع بالضبط ؟

اذا ضغطت البريك شوي شوي والا بقوه والا دائما ؟

[.أبوعبدالرحمن]

اخوي الغالي

اذا ضغطت البريك دائما يطلع الصوت بس اذا جيت طبعا ابغى اوقف


والصوت يطلع من ورا



ياشباب اللي يخبر لي ورشة خبيرة بالفرامل


اخي بدوي جنوبي الله يوفقك الصوت اكتشفت انه يطلع من الكفرين اللي ورا

[.أبوعبدالرحمن]

للرفع........................



اللي يعرف ورشة مضبوطة في الفرامل بالرياض

[ابوحماد]

عليك بميزان المجد

الصناعية القديمه شارع بلقيس

4486635
4481682

[الساهر2003]

السلام عليكم ورحمة الله وبركاته

ياشباب انا عندي باث 2005 ويطلع الصوت بعض الاحيان وكل ماله يزيد مع الوقت والسياره جديده على الضمان والصوت يطلع من القماشات والرجه من الفحمات الامامية وانا عندي صوت من القماشات اذا دعست بريك بشويش والرجه اذا اسرعت ودعست بريك بقوه واحتر الهوب طلع رجه بسيطه من الفحمات
والحل المؤقت هو تنظيف الهوب والكليبر والقماشات او الفحمات ويجب تخشين الهوبات والفحمات والقماشات باصنفره والتنظيف
عندي المشكله تكثر اذا رجعت من البر او الطعوس والحل سهل جدا ولا يلعبون عليكم الورش ترا المشكله تصير بكل السيارات وصارت معي في الهوندا اكورد 2003 /2004 واللاند 97 /2001 ومكسيما وللمعلومية الفحمات الي في الوكاله تختلف عن فحمات شد البلدفي التيوتا بالذات وبقية السيارت
واسف على الايطالة
والسلام

[فهد325]

السلا م عليكم ورحمة الله وبركاته
أخي العزيز أبو عبدالرحمن
لست خبير ولا معي باث بس سو الي بقولك وبتدعيلي
اذا كان موترك من ورى قماشات وليست فحمات والصوت على ما تقول من ورى
انا اجزم ومتأكد 100% أنها من القماشات اللي ورى
والمشكلة يا طويل العمر أن القماشات مسكرة عكس الفحمات تكون مفتوحه يعني الهوب متهوي بمعنى أخر (ان برادة الفحمه تروح برى لان الهوب مفتوح اما بالنسبة للقماشات يوكن نظام الهوب حقها مسكر بذلك يجمع برادة القماشات)
الحل هو
ان تروح لورشة وتخليهم يفكون الكفرات اللي ورى وتخليه يفك الصحن حق الهوبات وينفخ بالهوى ويصنفر الهوب والفحمه على خفيف تنظيف يعني اذا لزم الأمر بالعربي يعني يوخر البرادة والوسخ والتراب (اكرمكم الله) اللي متعلق ويطلع صوت واتوقع أن فيه صوت بدون ما تمسك فرامل اذا دحدرت السيارة بشويش
وان شاء الله تكون زي ماقلتلك ولا تخسر عليها تغير وتجيب وتودي ولا وتخسر واخر شي ما يروح الصوت (جرب قبل ما تسوي أي شي)
وسامحونا على الاطاله

[برنو بيشة]

يا أبو الشباب الكفر العريض يحك في الياي عند دعس الفرامل وهو سبب مشكلتك
فأنصحك طشه لأن أخوك سار فيه نفس المشكله مع الباث حقي وغرمني كثير والعديد من الإصلاحات .

[فهد325]

السلام عليكم ورحمة الله وبركاته

ياشباب انا عندي باث 2005 ويطلع الصوت بعض الاحيان وكل ماله يزيد مع الوقت والسياره جديده على الضمان والصوت يطلع من القماشات والرجه من الفحمات الامامية وانا عندي صوت من القماشات اذا دعست بريك بشويش والرجه اذا اسرعت ودعست بريك بقوه واحتر الهوب طلع رجه بسيطه من الفحمات
والحل المؤقت هو تنظيف الهوب والكليبر والقماشات او الفحمات ويجب تخشين الهوبات والفحمات والقماشات باصنفره والتنظيف
عندي المشكله تكثر اذا رجعت من البر او الطعوس والحل سهل جدا ولا يلعبون عليكم الورش ترا المشكله تصير بكل السيارات وصارت معي في الهوندا اكورد 2003 /2004 واللاند 97 /2001 ومكسيما وللمعلومية الفحمات الي في الوكاله تختلف عن فحمات شد البلدفي التيوتا بالذات وبقية السيارت
واسف على الايطالة
والسلام



:good: :good: :good: :good: :good: :good:

[.أبوعبدالرحمن]

الله يعطيكم العافية


ولا يحرمكم الاجر