ابو رواف
19/06/2007, 01:56 AM
السلام عليكم ورحمة الله وبركاته
الحمد لله وحده والصلاة والسلام على من لانبي بعده
اخواني اعضاء وزوار مكشات
هذي قصيدة رائعة للشاعر عبدالخالق البعيجان (ابن شارخ) عضو مكشاتي سابقا
وقد كتبها هنا في مكشات قبل ما يقارب الأربع سنوات يقول فيها
ياماحــــلا المسرى مع شقّة النور
-------------- من قبل خيط الشمس يبدي شعاعه
مع رفقـــــةٍ مافيهم اللي به قصور
-------------- ربـــــــــعٍ تربوا عالكرم والشجاعه
كل واحـــــــدٍ فيهم مجرّب ومخبور
-------------- ماشــــــــــاور الحرمه بخوة رباعه
لا جا لزومٍ مايصفــــــــــون بالدّور
-------------- كـــــــــــل بذل مجهود قدر استطاعه
أميــــــــــرهم يهتم بالرّاي والشور
-------------- دايــــــــــم يدوّر وين راي الجماعه
لا صــــرت عنده كنك بعش عصفور
-------------- مابــــــــــــاقي الا يوكّلك في ذراعه
شيل الشوازن والفشق معهم صقور
--------------- وحمام لا صــــاروا طيورك جواعه
موترك جيــــبٍ خلفه العفش مجرور
-------------- يســـــــــــوقه اللي خاف ربه وطاعه
وجمـــسٍ محمّل ماركب فيع مطيور
------------- هـــــو منـــــوة اللي مات قلبه وباعه
عفشك مكمّــــــــل فيه زلٍ وماطور
-------------- وبيــتٍ من (القاضي) جديــــدٍ شراعه
وعـــــــــــدة المطبخ بين قزٍ وتنّور
-------------- وحوايــــــج واغــــــراض فيها نفاعه
ورز(المهيدب) مع سكاكين وقدور
-------------- واحــــرص عـــلى الطبّاخ كمّل متاعه
ونجـــــــــرٍ ومحماسٍ ودلّه ودافور
-------------- وبنٍ وتمــــرٍ يغـــــــــــري اللي شباعه
تنزل بـــــــروضٍ توّه اليوم ممطور
----------------- والغيم عقب الشمس تــــم انقشاعه
البـــــــــر حولك كله ورود وزهور
---------------- وقت الربيــــــع العشب زاد ارتفاعه
حتى الرمــل تشتم له ريحة عطور
----------------- والقـــاع خضـــــرا كن فيها زراعه
معك خروفٍ مايبي ضرب صاطور
------------------ اذا ذبــحته علّقــــــه مـــــن كراعه
احمس بصيله والمعاليق عالفور
------------------ من طعمه الجوعــان ياكل صباعه
من عقـــب هذا ما تبي طب دكتور
------------------ كانك مريضٍ صــــار عندك مناعه
حنّا بنعـــمه بس تبي حمد وشكور
------------------ وحفـظ الصلاة الخمس ويّا الجماعه
ما تغتني لو تملك المــــال وقصور
------------------ لا صـــــــرت ما تملك كنوز القناعه
وقد ألقاها المنشد المبدع عبدالله المهيدب (ابو عبدالمحسن) عضو مكشاتي سابقا قبل ما يقارب السنتين
وهي للمعلومية لم تنزل في اي شريط وبالتالي فهي حصريه لمكشات:good:
اتمنى ان تنال على إعجابكم وإليكم رابط التحميل
http://www.uparab.com/files/cHzsxxkDUkfOz6xD.rm (http://www.uparab.com/files/cHzsxxkDUkfOz6xD.rm)
الحمد لله وحده والصلاة والسلام على من لانبي بعده
اخواني اعضاء وزوار مكشات
هذي قصيدة رائعة للشاعر عبدالخالق البعيجان (ابن شارخ) عضو مكشاتي سابقا
وقد كتبها هنا في مكشات قبل ما يقارب الأربع سنوات يقول فيها
ياماحــــلا المسرى مع شقّة النور
-------------- من قبل خيط الشمس يبدي شعاعه
مع رفقـــــةٍ مافيهم اللي به قصور
-------------- ربـــــــــعٍ تربوا عالكرم والشجاعه
كل واحـــــــدٍ فيهم مجرّب ومخبور
-------------- ماشــــــــــاور الحرمه بخوة رباعه
لا جا لزومٍ مايصفــــــــــون بالدّور
-------------- كـــــــــــل بذل مجهود قدر استطاعه
أميــــــــــرهم يهتم بالرّاي والشور
-------------- دايــــــــــم يدوّر وين راي الجماعه
لا صــــرت عنده كنك بعش عصفور
-------------- مابــــــــــــاقي الا يوكّلك في ذراعه
شيل الشوازن والفشق معهم صقور
--------------- وحمام لا صــــاروا طيورك جواعه
موترك جيــــبٍ خلفه العفش مجرور
-------------- يســـــــــــوقه اللي خاف ربه وطاعه
وجمـــسٍ محمّل ماركب فيع مطيور
------------- هـــــو منـــــوة اللي مات قلبه وباعه
عفشك مكمّــــــــل فيه زلٍ وماطور
-------------- وبيــتٍ من (القاضي) جديــــدٍ شراعه
وعـــــــــــدة المطبخ بين قزٍ وتنّور
-------------- وحوايــــــج واغــــــراض فيها نفاعه
ورز(المهيدب) مع سكاكين وقدور
-------------- واحــــرص عـــلى الطبّاخ كمّل متاعه
ونجـــــــــرٍ ومحماسٍ ودلّه ودافور
-------------- وبنٍ وتمــــرٍ يغـــــــــــري اللي شباعه
تنزل بـــــــروضٍ توّه اليوم ممطور
----------------- والغيم عقب الشمس تــــم انقشاعه
البـــــــــر حولك كله ورود وزهور
---------------- وقت الربيــــــع العشب زاد ارتفاعه
حتى الرمــل تشتم له ريحة عطور
----------------- والقـــاع خضـــــرا كن فيها زراعه
معك خروفٍ مايبي ضرب صاطور
------------------ اذا ذبــحته علّقــــــه مـــــن كراعه
احمس بصيله والمعاليق عالفور
------------------ من طعمه الجوعــان ياكل صباعه
من عقـــب هذا ما تبي طب دكتور
------------------ كانك مريضٍ صــــار عندك مناعه
حنّا بنعـــمه بس تبي حمد وشكور
------------------ وحفـظ الصلاة الخمس ويّا الجماعه
ما تغتني لو تملك المــــال وقصور
------------------ لا صـــــــرت ما تملك كنوز القناعه
وقد ألقاها المنشد المبدع عبدالله المهيدب (ابو عبدالمحسن) عضو مكشاتي سابقا قبل ما يقارب السنتين
وهي للمعلومية لم تنزل في اي شريط وبالتالي فهي حصريه لمكشات:good:
اتمنى ان تنال على إعجابكم وإليكم رابط التحميل
http://www.uparab.com/files/cHzsxxkDUkfOz6xD.rm (http://www.uparab.com/files/cHzsxxkDUkfOz6xD.rm)