المساعد الشخصي الرقمي

مشاهدة النسخة كاملة : عند طقه في القير تماتيك r vx2000


اابو ابراهيم
19/06/2007, 05:37 PM
السلام عليكم اخواني في مكشاتي
انا عندي طقه في القير الاتماتيك مشغلتني قالوا بعض الزملاء ترها طبيعيه في الجيب vxr لمديل 2000
لي عنده علم ولا خبر لايبخل علينا سلامي للجميع .....
لن أمل من العطاء
20/06/2007, 08:29 AM
اذا انك تقدر تروح لجده
اتصل بي على الماسنجر وان شاء الله افيدك بوضوح
alatta2006@hotmail.com
الكاسر23
20/06/2007, 09:48 AM
اخوي ابو ابراهيم

ممكن توضح لنا بالتفصيل متى تسمع الطقة اللي بالجير، هل هي عند تعشيق الدبل او عند التغيير من نمره الى اخرى ..

تحياتي لك
hamo0o0ody
20/06/2007, 06:02 PM
السلام عليكم انا عندي نفس مشكلتك تقريبا بس
انا عندي gxr تماتيك موديل 2006
وفيه طقة في القير اذا كان بالفاضي وحطيته بالدي يجي طقه وبعض الاحيان اذا غير من الاول للثاني
ورحت للوكاله قالوا لي انه عادي بس انا ما ارتحت شكله مهوب عادي
مع العلم انه دفع رباعي مستمر
اابو ابراهيم
21/06/2007, 12:03 AM
اخي الكاسر ولا يهون حمودي الطقة يخوي الكاسر بن الفاضي والدي اما الدبل مافيه خلاف مع الشكر الجزيل يالكاسر
اابو ابراهيم
21/06/2007, 12:05 AM
اشكرك بعنف ياراعي جدة
الكاسر23
23/06/2007, 09:58 AM
أخوي أبو إبراهيم

معليش اخوي لا تواخذني في كلامي .. لكن ودي اعرف المشكلة .. هل تدعس الفرامل عند تعشيق الجير .. يعني هل تدعس الفرامل دعسه كامله او نص دعسة .. وهل السيارة اذا عشقت الجير في (d) تتحرك او تتبي تتحرك او أن عضلات الموتر تشد (اليايات والمساعدات) بزود .. أكيد فهمت قصدي ...؟؟

لانه إذا ما دعست الفرامل دعسه كامله أو أن الفرامل خفيفة او يبي للفحمات تغيير (يعني إذا الفرامل ضعيفة) فهذا يقلل من القدرة على تثبيت السيارة أثناء تعشيق الجير مما يؤدي إلى تحرك السيارة وإحداث ( طقة ) في الجير، وهذا يؤدي مع الوقت إلى الضرر بتروس الجير .

بانتظارك أبو ابراهيم
ولد وايل
23/06/2007, 03:16 PM
اذا الطقه وانت تارك دعسة البنزين او في حالة انك مهدي

هذا طبيعي


انا تلوعت من توظيب القير gxr 2000
M o b d a
23/06/2007, 11:49 PM
الجميع يشتكي من هالصوت

للحين ما لقوا لها حل
m1m
24/06/2007, 12:53 AM
الناس تقول والكالة تقول هذي الطقة طبيعية

وهي فعلا موجودة في جميع اللاند كروزر ..

لكن المشكلة أن هذي الطقة تتطور .. وتقوى ..

لعدة أسباب .

إذا كنت راعي قلص .. فالطقة راح تتطور ..

إذا كنت تسحب مغرزين .. وتنتل السيارة نتل .. راح تتطور ..

والنتيجة خلال سنتين توظيب ..


حاليا هي طبيعي .. لكن أحسب حساب القلص والنتل
snnar
25/06/2007, 01:37 AM
المشكلة في انة يوجد فضاوة في راس العكس القدامي جهة الهوب مع غطاء الهوب الي يركب مكانة الفرار لسيارات الجيب الدفع الرباعي المستمر وللتاكد فك غطاء الشحم الي بداخلة تيلة تمنع العكس من الخروج من مكانة وخل احد يمسك فرامل وعشق قدام وللخلف وركز على راس الترس تلاحظ في حركة بسيطة (فضاوة )وتسمع صوت طقة بسبب فضاوة راس العكس او غطاء الهوب غيرغطاء الهوب جديد سعرة تقريبا 140 ريال شوف الصورة المرفقة او فضاوة بالكارونة الامامية او الخلفية تحتاج اعادة وزن لازالة الفضاوة.ارجو ان اكون وضحت والسلام
http://www.mekshat.com/pix/upload/images39/mk4679_20070625009.jpg
LiLiiibcJI
14/03/2012, 10:46 PM
راجع هالموضوعين وان شاء الله تفيد وتستفيد من تجربتك

http://www.toyota4arab.com/forum/t225363.html

http://www.assayyarat.com/forums/post2775357.html#post2775357
alwali
16/03/2012, 02:03 AM
راجع هذا الموضوع فيه الحل ان شاء الله

http://www.mekshat.com/vb/showthread.php?t=276100 (http://www.mekshat.com/vb/showthread.php?t=276100)
الغاط الحصين
16/03/2012, 11:31 AM
السلام عليكم اخواني في مكشاتي
انا عندي طقه في القير الاتماتيك مشغلتني قالوا بعض الزملاء ترها طبيعيه في الجيب vxr لمديل 2000
لي عنده علم ولا خبر لايبخل علينا سلامي للجميع .....

الحل عندي رح لاقرب حفره وشف العامود راح تحصل الصليبات منتهيه