المساعد الشخصي الرقمي

مشاهدة النسخة كاملة : استفسار لأهل الدفرنسين


الصل الأسود
20/06/2007, 01:09 AM
السلام عليكم ورحمة الله وبركاته

أنا عندي هايلوكس 2003 دفرنسين

لدي مشكلة في الدبل الخفيف بعد الغراز العادي أو الخفيف

والمشكلة أن السيارة تطفى ولا تمشي حتى اني أضع النمرة على 1 وأدعس كل الدعسة ولا تدور الكفرات ، بعكس الدبل الثقيل فهو ماشي معي

أيها الإخوة ، هل هذه المشكلة في سيارات الدفع الرباعي للقير العادي ، لأن كل استخداماتي السابقة للقير الأوتومات ، أم أن المشكلة عندي


أتمنى أن تفيدوني

ولكم جزيل الشكر
شبح الصحراء
20/06/2007, 03:27 AM
عادي لا تخاف انا معاي هايلوكس دفرنسين ونفس الشي اللي يصير معاك يصير معاي وموجود كذلك في الددسن الدبل والسبب ان المكينة اربعة سيلندر يعني المحرك ضعيف ولا يقارن بالجيوب ستة سيلندر .

والحل عند تغريز الموتر عشق الثقيل وأول ما يطلع الموتر من الغراز وقف وعشق الدبل على الخفيف . ولا تحاول اخراج السيارة من الغراز بإستخدام الدبل الخفيف لأن تكرار ذلك سوف يؤدي لإحتراق صحن الكلتش! .

وحاول انك تتأقلم مع عزم الموتر ولا تشد على الموتر مرة ولكن اكتسب مهارات في القيادة بالرمل بحيث تتجنب التغريز من الأساس .

وبعدين اذا بغيت توقف الموتر وقف الموتر في مكان نازل علشان يطلع بسرعة وما تحتاج تعشق الدبل الثقيل .

ولا تدخل النفود إلا وانت منسم الكفرات 15 أو 10 أو اقل من ذلك ، وحاول تجنب الأشجار والمخلفات كي لا تثقب الإطار .
الصل الأسود
20/06/2007, 03:43 AM
أخي شبح الصحراء

أشكرك بعنف على ردك السريع :D

معلوماتك متكاملة ومفيدة

و اللي جعلني أستغرب هو أن الثقيل يمشي بسهولة بعكس الخفيف فهو ما يمشي أبد عند الغراز

أكرر شكري لك أخي شبح الصحراء على النصيحة

ومنكم نستفيد


محبك

الصل الأسود
شبح الصحراء
20/06/2007, 04:12 AM
لا شكر على واجب ، بس حلوة عبارة " محبك الصل الأسود" !!!!! الصراحة أنواع الرعب ههههههههه :p .
وعلى فكرة حاول تجنب استخدام الثقيل إلا في الحالات الطارئة عند التغريز فقط .
escape_man
20/06/2007, 09:17 AM
اول ماقريت سطرين من كلامك عرفت انك رجال ماتحب التنسيم

نسم 15 او 10 وباذن الله امورك عدله وتجنب الكفرات الثقيلة

والي ماتفرش بعد التنسيم
الصل الأسود
20/06/2007, 10:17 AM
لا شكر على واجب ، بس حلوة عبارة " محبك الصل الأسود" !!!!! الصراحة أنواع الرعب ههههههههه :p .
وعلى فكرة حاول تجنب استخدام الثقيل إلا في الحالات الطارئة عند التغريز فقط .



أهلا بالغالي مرة أخرى

يابن الحلال تراني أليف لا تخاف :D

وأشكرك على نصائحك لأني جديد على استخدام الهايلكسات الدفرنسين

مرحباً بك مرة أخرى


اول ماقريت سطرين من كلامك عرفت انك رجال ماتحب التنسيم

نسم 15 او 10 وباذن الله امورك عدله وتجنب الكفرات الثقيلة

والي ماتفرش بعد التنسيم


والله كأنك تشوفني ما أحرص على التنسيم أبد

وبعدين نصف ربعي منسمين ، وتبيني أنسم بعد :D

شاكر ومقدر مرورك أخي escape_man





محبكم

الصل الأسود
^^^
مصغرها علشان ما ترتاع يا بعدهم :D
عاشق السيل
20/06/2007, 10:28 AM
أخوي الغالي الصل الأبيض : التنسيم أهم شي بالطعوس حتى لوكان معك أطلق جيب ،،
والفوائد : تريح مكينة الموتر ، تخفف من ارتفاع الحرارة ، تخفف من استهلاك البنزين ، تلاشي التغريز بأي مكان لأن بعض التغريز يوهقك إذا مانسمت وبعدين ماينفعك التنسيم ، تتمشى فوق النفود وأنت مرتاح نفسياً ،،
هذي اللي أعرفه والشباب اللي قبلي ماقصروا ،، تقبل مروري ...


عاشـقhttp://www.mekshat.com/pix/upload/sign/images/mk49539.gifالسيل
ابو ناصر2020
20/06/2007, 02:53 PM
واذا غرزت ومالك خلق تنسم مالك الأ الثقيل وكسر بدركسوت يمين ويسار ويبداء يمشي الموتر < مجرب

وترا التنسيم زين للموتر < علم نفسك هههههههه
الصل الأسود
20/06/2007, 11:30 PM
أخوي الغالي الصل الأبيض : التنسيم أهم شي بالطعوس حتى لوكان معك أطلق جيب ،،
والفوائد : تريح مكينة الموتر ، تخفف من ارتفاع الحرارة ، تخفف من استهلاك البنزين ، تلاشي التغريز بأي مكان لأن بعض التغريز يوهقك إذا مانسمت وبعدين ماينفعك التنسيم ، تتمشى فوق النفود وأنت مرتاح نفسياً ،،
هذي اللي أعرفه والشباب اللي قبلي ماقصروا ،، تقبل مروري ...


عاشـقhttp://www.mekshat.com/pix/upload/sign/images/mk49539.gifالسيل

أهلاً وسهلا بأخي المتألق عاشق السيل

أشكرك على مرورك الكريم

وسآخذ نصيحتك بعين الاعتبار <<< مشكلتي أقتنع بسرعة :D



ــــــــــــــــــــــــــــــــــــــــــــــــ





أخي أبا ناصر


أشكرك على معلوماتك القيمة

لك مني أطيب تحية

جزيت الجنة

ولا تنس تنسم :no2: :D