غيرت الزجاجة الأمامية للجيب وتوهقت صرت اسمع صوت هواء الحل تكفون ...؟

[ابو روته]

السلام على كل واحد باسمه وبيض الله وجيهكم على التواصل والعمل على مافيه المصلحة العامة للمواطن والمقيم والللي ماعنده سالفة . (خطاب مجلس الأمة كوفي عنان على غفلة ) مالكم بالطويله يالربع قدر الله وشريت موتر لاندكروزر97 وكانت الزجاجة الأمامية ممخشة رايحة فيها مو واجد المهم قلت ابي أغير وحده صافية رحت للجربوع اللي بالنسيم غيرتها بوحدة ب200 ريال المشكلة صار يدخل علي ماء عند الغسيل رجعة لهم لان الشغل تحت الضمان سنة ضد الماء والهواء راحو عبو سيلكون من تحت الجِلد الخلفيه ومن امام الجلد الأماميم للزجاجة المهم توقف الماء بس لامشيت 80 اسمع صوت هواء اقلقني ورفع ظغطي وش الحل تكفون للي مرت عليه المآساه وآسف آسف للإطاله

[جي اكس أر 3]

حياك اخي العزيز ابو رو ته
انصحك تروح لسلام لزجاج ومكانهم وانت قادم من طريق الخرج تاخذ من فوق كبري غبيره يعني فوق
الجسر بتجاه الشمال واول ما تقابلك اشاره تلاحظه في الزاويه بعد الاشاره علي يدك اليمين هم اجدر
الموجودين بتركيب الزجاج انشاء الله تجد الحل عندهم،،،،
تقبل تحياتي

[روثان]

السلام عليكم ..

الله يكتب لك الخير أخوي أبو روته

ياليت حد يعلمنا عن محل بجدة

لكم التحية..

[بو بندر]

مساك الله بل خير اخوي شو اول حاجه تاكد من التيب يمكن ما شلتو من الزجاج المثبت في القماره هو 99 الصوت منه

[alkongrs]

طيب شف الربلات حقت القزاز يمكن ماضبط نركيبه

[المميـز]

انت قبل لا تغير القزازه كان يدخل هواء ؟؟
اذا كنت تقول لا !!

اجل ارجع للي ركب القزازه وخله يفكه كامله وينظف مكانه زين ويحك السيلقون اللي حط

ويرجع يحط سيلقون كثير ومرتب ويركب القزازه

اانا نفس الشي شريت موتر وكان فيه تهريب هواء ورحت لواحد عندنا بالمدينه فنان بتركيب القزاز

وراح صوت الهواء ولله الحمد

[خالي الذيب]

على قول اخوي ابو بندر انتبه للتيب اللي يثبتون فيه الزجاج لانه يكون متعرج ويصير على شكل انفاق صغيره تصدر صفيراً وهذه المشكلة حصلت معي

تحياتي للجميع

[مطر جدة]

لا عندك بيزات

رح الشركة وغيرالزجاج .. والله ترتاح ..

تركيب عـ الضمان .. ولا سيليكون ولا يحزنون .. هم عندهم مادة مثل الصمغ يتم تركيبه عـ الزجاج
وفي ساعتها يجف

[قتال]

ارجع للي ركب القزازه وخله يفكه كامله وينظف مكانه زين ويحك السيلقون اللي حط

ويرجع يحط سيلقون كثير ومرتب ويركب القزازه

السلام عليكم ورحمة الله وبركاته ،،،

كلام أخوي المميز صحيح .. إذا دخل هواء ولا ماء إلى داخل السيارة ولو كان قليل هذا معناه أن التركيب خطأ ..

وأنتبه في إحتمال ينكسر القزاز إذا ما صلحته .. بسبب مطب قوي أو ضغط قوي على القزاز أو سرعة زايدة ..

الله يحفظك ولا يريك مكروه ..

[لاباس]

السلام عليكم أناعندي نفس المشكله مين يصلح الزجاج زين بالقصيم أقيدونا بارك الله فيكم

[ابو روته]

اسف للتأخير شاكر للجميع المرور المشاركة ورفع الله قدركم عند بارئكم
(فرجت وكنت اضنها لاتفرج) رحت امس للجربوع اللي في النسيم وقلت لهم يافلوسي ياتصلحون الزجاجة المهم راحو وعبوا من الداخل بين القزازة والجلده سيلكون والحمد لله راح الصوت 100%100 شاكر لكم أحبائي

[عبدالله العمرو]

السلام على كل واحد باسمه وبيض الله وجيهكم على التواصل والعمل على مافيه المصلحة العامة للمواطن والمقيم والللي ماعنده سالفة . (خطاب مجلس الأمة كوفي عنان على غفلة ) مالكم بالطويله يالربع قدر الله وشريت موتر لاندكروزر97 وكانت الزجاجة الأمامية ممخشة رايحة فيها مو واجد المهم قلت ابي أغير وحده صافية رحت للجربوع اللي بالنسيم غيرتها بوحدة ب200 ريال المشكلة صار يدخل علي ماء عند الغسيل رجعة لهم لان الشغل تحت الضمان سنة ضد الماء والهواء راحو عبو سيلكون من تحت الجِلد الخلفيه ومن امام الجلد الأماميم للزجاجة المهم توقف الماء بس لامشيت 80 اسمع صوت هواء اقلقني ورفع ظغطي وش الحل تكفون للي مرت عليه المآساه وآسف آسف للإطاله



السلام عليكم أخوي ...

يا عزيزي ليه تسكت على حقك ؟؟؟؟

ولا تروح يمين ولا يسار ...

اللي أخذ فلوسك ملزم يصلح المشكلة لو يغير الزجاجة 10 مرات .... أنت دفعت فلوسك حسب تسعيرتهم والباقي عليهم هم ...
انت مالك إلا ولدٍ يقرا :)

إرجع لهم وغصب عنهم يصححون المشكلة ...

إلا إذا كانت السيارة قد انقلبت : خلهم يفكون الزجاجة ويحددون لك مكان تنفيس الهواء ورح للسمكري يعدل المجرى ...


تحياتي لك /