المشورة يا الربع في شاشة عرض اللي في السقف

[وضاح الرياض]

السلام عليكم
انا عندي يوكن 2002 وارغب ان اركب شاشة عرض للصغار الله يصلحهم وابي النصيحة في النوع والسعر والمكان
وكما عوتمونا دائما نصايحكم ما لنا غناة عنها
وتقبلوا تحياتي

[بنزرت]

اول شئ مبروك السياره يا وضاح الله يعطيك من خيرها ويكفيك شرها ... والله الله ... تاكد من الكفرات وترا السياره رفيعه يعني انتبه من انفجار الكفر وانت مسرع .... عموما.... امس رحت اشتريت شاشه عرض لليوكن اللي عرضته عليك ونوعها اكس برس وفي نوع مشهور اسمه اكس ام و هن نفس النوع مثل ما يقول اللي ركبه لي .... انا ركبته من عند الحوشاني اللي في الملز التقاطع العقريب من مكافحه المخدرات بقيمه 1580 وقال لي لو رحت لفرعنا اللي في الغرابي بتلقاه ارخص لان اللي في الغرابي كلها من الامارات مو مضمونه من الوكيل ( على العموم قلهم يثبتو الشاشه بقوه عشان ما تهتز عند المشي ) وسلامتك

[تكفيني الذكرى]

مبروك اخوي على الموتر والله يعطيك من خيره ويكفيك شره
والاخ بنزرت ماقصر بيض الله وجهه بالخير والطيب .
وان شاء الله يكون هناك مداخلات للاخوان ويعطونك تفاصيل ايضا
والخيره في ما اختاره الله
تقبل تقديري

[ضغط سحاب]

مبروك الموتر....وبعد اذنك


انا ودي اركب شاشة في الجيب ما ادري وين احصل الكويس والرخيص؟؟؟؟؟


وعذرا على التطفل...!!!

[هاوي البر]

كم حجم الشاشة المناسب بالبوصة

[وضاح الرياض]

هلا بك اخوي بنزرت والله يبارك فيك ويجزاك خير ووالله اني احبك في الله ومشكور على المشورة

اخوي تكفيني الذكرى الله يبارك فيك وننتظر من الاخوان المشورة

اخوي ضغط السحاب الله يبارك فيك وعادي اخوي الموضوع موضوعك وننتظر الخبراء

[جمس قطعه 10]

أخووي أنا عندي جمس مركب فيه شاشه أنصحكـ بـ اكس ام .. الصراحه حلوهـ لابعد الحدود وسعرهـ على ما أذكر بـ 1500 زي كذا لكن شاشه حلوهـ وأنا أنصحكـ لاتأخذ غيرهـ لانه الباقيات كثير خرابهن ورح للغرابي تلقاهن هناكـ

وأسف على الطواله

وشكراَ

جمس قطعه 10

[وضاح الرياض]

يعطيك العافيه اخوي جمس قطع 10 وننتظر اقتراحات الاعضاء الله لا يخلينا منهم

[ضغط سحاب]

أخووي أنا عندي جمس مركب فيه شاشه أنصحكـ بـ اكس ام .. الصراحه حلوهـ لابعد الحدود وسعرهـ على ما أذكر بـ 1500 زي كذا لكن شاشه حلوهـ وأنا أنصحكـ لاتأخذ غيرهـ لانه الباقيات كثير خرابهن ورح للغرابي تلقاهن هناكـ

وأسف على الطواله

وشكراَ

جمس قطعه 10
ياليت توضح لنا مقاسها وين مركبها؟؟؟

[عاشق السيل]

تبون نصيحة مجرب ؟!!

اللي يبي يركب ترى الشاشات اللي تجي على المرتبة الأمامية خلف الراس أفضل من اللي بالسقف ،،

لأن اللي بالسقف معرض للكسر من كثر قيام وجلوس الأطفال ،
ولأنها تغطي عليك الرؤية الخلفية ،
ولأن المفتاح اللي يمسكها على طول يخرب وبعدين تغثك بالنزول وتضطر تثبتها بقطعة ورقة ،
ولأنها كثيرة الإهتزاز حتى لو ثبتها بقوة ،

أما الشاشات اللي خلف الراس أفضل بالرؤية ،
وأقوى بالثبات ،
وماتغث السائق ،
بس إنها تكلف أكثر شوي من اللي بالسقف ،

آسف على الإطالة ، وتقبلوا مروري ...


عاشـقhttp://www.mekshat.com/pix/upload/sign/images/mk49539.gifالسيل

[ضغط سحاب]

تبون نصيحة مجرب ؟!!

اللي يبي يركب ترى الشاشات اللي تجي على المرتبة الأمامية خلف الراس أفضل من اللي بالسقف ،،

لأن اللي بالسقف معرض للكسر من كثر قيام وجلوس الأطفال ،
ولأنها تغطي عليك الرؤية الخلفية ،
ولأن المفتاح اللي يمسكها على طول يخرب وبعدين تغثك بالنزول وتضطر تثبتها بقطعة ورقة ،
ولأنها كثيرة الإهتزاز حتى لو ثبتها بقوة ،

أما الشاشات اللي خلف الراس أفضل بالرؤية ،
وأقوى بالثبات ،
وماتغث السائق ،
بس إنها تكلف أكثر شوي من اللي بالسقف ،

آسف على الإطالة ، وتقبلوا مروري ...


عاشـقhttp://www.mekshat.com/pix/upload/sign/images/mk49539.gifالسيل

منى الف شكر على النصيحة وجزاك الله خيرا

[البديوي 2]

تبون نصيحة مجرب ؟!!

ولأن المفتاح اللي يمسكها على طول يخرب وبعدين تغثك بالنزول وتضطر تثبتها بقطعة ورقة ،
ولأنها كثيرة الإهتزاز حتى لو ثبتها بقوة ،



عاشـقhttp://www.mekshat.com/pix/upload/sign/images/mk49539.gifالسيل




والله يا عاشق السيل سني اشوفك راكب معي بالباترول حقي السابق

وانت بلش بالورقة علشان تكبس الشاشة بمكانه

هههههههههههههههههههههههههههههههههههههههههه




.

[جمس قطعه 10]

والله يـ أخووووي .. أني ناسي من ويين لكن من محلات الغرابي ... والحجم على ما أعتقد .. 8,5 .. 9,5 زي كذا

وأناا ماجاني اي شئ من عذاريب عاشق سيل ولله الحمد ... كل شئ تمام

وأسف على الطواله

جمس قطعه 10

[ابوطاقية]

افضل مقاس شاشه 15 انش مثل حقت اللاب توب

[وضاح الرياض]

يا شباب ركبت امس الشاشة وهي mxمن عند ورشة احد ومقاسها 8 بوصة اول شي قلت صغيرة بس بعد ما ركبها وشغلها طلعت مضضضضضضضضضضضضضضضضضضضضضضضضضبوطة على اليوكن تحياتي للجميع

[ضغط سحاب]

يا شباب ركبت امس الشاشة وهي mxمن عند ورشة احد ومقاسها 8 بوصة اول شي قلت صغيرة بس بعد ما ركبها وشغلها طلعت مضضضضضضضضضضضضضضضضضضضضضضضضضبوطة على اليوكن تحياتي للجميع

مبروووووووووووووووووووووووووك

[جمس قطعه 10]

مبروكـ وعز الاختيااااااار

والله يعطيك خيره ويكفيك شرهـ


جمس قطعه 10

[السنع كله]

انا مجرب اللي في السقف الصراحه كل يوم وراس واحد من الاولاد ناطحها وصوتها حول اذني لانه من خلفها ومزعج وفي النهاية انكسرت والاحسن اللي في المراتب اقوى وابعد عن الحركه والصوت

[مقام البدر]

السلام عليكم

شكراً لصاحب الموضوع ولجميع من طرح رأيه وتجربته بخصوص الشاشات لأني ابركب لي وحده هاليومين ومحتار وش افضل نوع ، ومن خلال بحثي بالنت قرأت رأي لأحد الأخوان بخصوص شاشة السياره : ان افضل ماركه مجربة ولها اربع سنوات عندي هي ( نيفوكس )

فا وش رايكم ؟ هل احد جربها او يعرف عنها شي .

اقتباس من كلام الأخ جمس قطعه 10
(والله يـ أخووووي .. أني ناسي من ويين لكن من محلات الغرابي ... والحجم على ما أعتقد .. 8,5 .. 9,5 زي كذا
وأنا ماجاني اي شئ من عذاريب عاشق سيل ولله الحمد ... كل شئ تمام )
سؤال : كم لك مركب الشاشه ؟
ومشاك بالسياره وشلون ؟ وهل سبق انك مشيت بالسياره على مطانيج وطعوس ؟
اعتقد هالشي يقرق ياشباب بالنسبه لثبات الشاشه وتخلخل مساميرها . ولا لا

[binmegrin]

مساء الخير للجميع
شكرا يا أخي وظاح الرياض والشكر موصول للاخوان المشاريكين في الفزعه

لكن ودي انبهكم على حاجه مهمه جدا جدا وفي نفس الوقت خطيره يمكن لا سمح الله تؤدي الى احتراق السياره وخاصه ان 90% من الاخوان . طبعا انا اولكم سيارته تقصيد أو انها جت بشق الانفس
عل اي حال الحاجه المهمه هي شتبك الاسلاك
يجب الانتباه لها جيدا مهب تحط موترك عند الخبير الكهربائي وتروح أو تقعد تسولف بالجوال .. دخل عيونك بوسط الاسلاك وتاكد تاكد ان نوع الشطرطون اصلي !!! واذا تقدر تشرط عليا يوصل الاسلاك بالبلاستك على شكل كاس صغير الحجم يدخل السلكين مع بعض
والله ياناس 95% من احتراق السيارات سببه التوصيل الخطاء للاسلاك واتحدى واحد احترق موتره ما كان مار على الخبراء اللي في الغرابي
اسأل الله لي ولكم والتوفيق

[ضغط سحاب]

مساء الخير للجميع
شكرا يا أخي وظاح الرياض والشكر موصول للاخوان المشاريكين في الفزعه

لكن ودي انبهكم على حاجه مهمه جدا جدا وفي نفس الوقت خطيره يمكن لا سمح الله تؤدي الى احتراق السياره وخاصه ان 90% من الاخوان . طبعا انا اولكم سيارته تقصيد أو انها جت بشق الانفس
عل اي حال الحاجه المهمه هي شتبك الاسلاك
يجب الانتباه لها جيدا مهب تحط موترك عند الخبير الكهربائي وتروح أو تقعد تسولف بالجوال .. دخل عيونك بوسط الاسلاك وتاكد تاكد ان نوع الشطرطون اصلي !!! واذا تقدر تشرط عليا يوصل الاسلاك بالبلاستك على شكل كاس صغير الحجم يدخل السلكين مع بعض
والله ياناس 95% من احتراق السيارات سببه التوصيل الخطاء للاسلاك واتحدى واحد احترق موتره ما كان مار على الخبراء اللي في الغرابي
اسأل الله لي ولكم والتوفيق

قوية... هل انت متأكد لا تخوفنا اقول؟؟؟؟؟؟؟!!!!!!!!!!!!!!!!!!

[الدحبول]

حتى انا سمعت ان في الامارات احترق باترول بعد تحقيقات السبب هو الدي في دي