سؤال واستفسار ضروري من اهل الطيور(نبغيى توجيهكم)للرفع

[Unregistered]

السلام عليكم ورحمة الله وبركاته وبعد:
الله يمسيكم بالخير جميع...
ودي تفودني الله يعطيكم العافيه في طيراً عندي فيه سده ضاربه له حوالي 7شهور أستخدمت الأدويه التاليه في معالجته مثل المراهم الطبيه ...الحنا والملح...الشبه والحبه السوداء ... واستمريت عليها فتره كان فيه تحسن ملحوض بعد ماحطيت خلطه من الملح والحنا والشبه والحبه السوداء والمره مع العلم ان استخدامي للملح يكون معه شىء بسيط من الزيت وهما ليسا مع الخليط المسبوق نكره الشاهد ان السده كانت متقوره والرجل منتفخه ثم اخذت حوالي 15 ثم تقشرت وطاحت وفشت رجلين الطير وظهر مكان الجرح بعد ماكان به مثل الحفره البسيطه انسجه خفيفه وثمً عودت نفس الوضع من اول تقريباً .... وفيه اللي نصحني بأني اخليه على الرمله أي على التربه ولا احط لاحنا ولاغيره...
(ملاحضه استخدمت حبوب مضاد حيوي على ماضن,وفتمينات)

نبغا منكم الراي السديد والشور من واقع تجربه ولاتهونون لأني تعبت مع ذا الطير ولاهو بسيط....

على هذا الأميل مع الشكر المسبقgashaam911@hotmail.com

تقبلو تحيات اخوكم ابوفيصل...

[سعودي]

الاخ العزيز ابو فيصل

السلام عليكم ورحمة الله وبركاته

عندي بعض الاسئله ارجو الاجابه عليه اولا ثم انشاء الله نجد الحل

هل اجريت لها جراحه؟
هل هي سده ام سومار؟
بعدما طاحت نزف الطير ام لا؟
وكيف شكلها ذلحين بالتحديد؟
هل يوجد بها التهاب؟

تحياتي

[المري]

وين رحت يابو فيصل؟؟

اخي سعودي يمكن لو تراسله على بريده الاكتروني يكون احسن...



اما بالنسبه للي قالك: بأني اخليه على الرمله أي على التربه ولا احط لاحنا ولاغيره...


هذا الكلام الصحيح.

[النـادر]

الله العالم انها سومار مدامها عقبت حفره يوم طاحت والحفره مفتوحه
والمشكله في السومار التهاب العظام نفسها والي يترك صديد في عظم اسفل الساق
هذا النوع من الامراض يحتاج عنايه خاصه ونظافه ومعرفة نوع البكتريا المسببه للالتهاب
والحاله ماهي مستعصيه

للاستفسار يمكنك المراسله على بريدي الخاص

تحياتي،،،،،،النـــادر

[ابوفيصل]

الله يمسيكم بالخير جميع:
أولاً الله يعطيكم العافيه وبالنسبه لك يأخ سعودي الطير ماسويت له جراحه وحذروني ناس منها ولاهي في الراس مقبوله لأنها تعيب رجل الطير.
ثانياً هل هي سده اوسومار مشت عليه جميع الحالات والله العالم من البدايه حفاه ,سده , سومار تأصلت فيه.
ومن ناحية أنه نزفت دم رجيل الطير نزفت وحده منها أوالثنتين على ماضن قبل لاتقشر جروحه.
ومن ناحية شكل رجيله في الوقت الحالي هي متقوره وحده منها عقب حفره في رجل الطير حفره بسيطه بعد ماضهر عليها أي بدا الجرح على نفس المكان أشوفه محل الحفره مغطيها ماعدا شئ بسيط(والرجل هذي كأنها فاشه) والثانيه كأن الجرح مغطي الحفره (الحفره شئ بسيط) وكأن الجرح ظاهر له راس صغير (الرجل هذي منتفخه ولا من حطيت الخلطه اللي ذكرت سابقاً تفش شئ بسيط وهي اللي الخوف منها ويمكن انها ملتهبه.
شاكرين لك ياسعودي.

أخوي النادر الله يعطيك العافيه:
رحت بالطير لعيادة الدكتور فارس لاكن بدون جدوى.
وأنكان لك شور ْشرعلينا وأفدنا.
شاكرين لك يالنادر.

أخوي المري الله يعطيك العافيه:
مشاكل كلمة السر أشغلتنا.

وباالنسبه لسالفة الرمله هي أنشاءالله فيه خير بعد الله سبحانه.
لأنه ذكره لي واحداً اعرفه وقد اصيبت بعض طيوره بنفس المرض وتشافت الحمدالله لاكن الظاهر منها انها تاخذ وقت .
قبل يومين على ماضن مريت على اهل طيور وفيهم ناس اعرفهم وقد ذكرت الطير وعلته عليهم قبل ونشدني واحد منهم عن هذا الطير وعلمته وقال لي فيه خلطه سْويت توها جديده والله العلم ومدحها لي وقال انها تاخذ أنشاء الله 3 أو4أو5 أيام ويبرى أنشاء الله .
وأنا بشوف أن شاءالله يكون فيها خير ونعطيكم خبر أنشاء الله.

شاكرين لك يالمري.

تقبلواتحيات اخوكم ابوفيصل...