أبي رأي أهل الخبرة ومستخدمي السيارات

[سراب اللال]

السلام عليكم ورحمة الله

ياهل الخبره ومستخدمي سيارات اللاند كروزر بنوعيه العايدي والأتوماتيك
أيما افضل ؟ طبعاً لكل الأحوال داخل المدن والرحلات البرية.
انتظر ردودكم شاكرين ومقدرين لكم سلفاً.

[M o b d a]

تبي نصيحتي

كلها تطفش

لاكن أنا أميل للعادي أكثر ..

صحيح إنك إخترت سياره في محلها اللندكروزر

لاكن إذا إنت راعي ديره فقط خذ تماتيك


بر وديره عادي

[ابوعبدالهادي]

تماتيك وارتاح

[عاشق سفر]

والله العظيم ان الموضوع توافيق يعني ممكن تاخذ لك عايدي وترتاح وممكن تاخذ تماتيك وترتاح...

وممكن التوماتيك يناسبك ومايناسب غيرك وممكن يناسب غيرك ولا يناسبك الا العادي....

واكبر دليل على هالشيء انك راح تشوف الردور مختلفة وكلن له مزاج....

بس بحسب خبرتي وتجربتي بالسيارات خذ مني هالنصيحة ولا تندم وهي طال عمرك ان التواتيك على السيارات الياباني مو زين ولا هو مثل التوماتيك اللي بالامريكية...

سبحان الله تحس ان الياباني مايركب عليه الا القير العايدي وان اللي ياخذ توماتيك له طروفه الخاصه مو اي واحد ياخذه لانه والله حسب خبرتي وتجربتي اني ندمت يوم اخذته توماتيك ولو يرجع الوقت لاخذ عايدي وانا متطمن....

وجهة نظر وانت لك حرية الاختيار

[سراب اللال]

تبي نصيحتي

كلها تطفش

لاكن أنا أميل للعادي أكثر ..

صحيح إنك إخترت سياره في محلها اللندكروزر

لاكن إذا إنت راعي ديره فقط خذ تماتيك


بر وديره عادي
الأخ مبدأ حسب قرايتي للاسم شكراً لنصيحتك ومرورك

[ضغط سحاب]

من ناحيتي اقول:

اذا الموتر جديد خذ اوتوماتك
اما مستعمل فخذ عايدي
واذا كنت راعي بر فنصيحة خذ العادي .. والله اعلم

[سراب اللال]

الأخ ابوعبدالهادي
الأخ تركي بن عازب
الأخ ضغط سحاب
شكراً لردودكم والله يجزاكم خيروننتظر تصويت أكثر

[الكاسر23]

اخوي سراب

الاوتوماتيك مريح للغاية خصوصا انك راح تستخدمة في الديرة ، اما في البر فالقوة في العايدي ، رغم ان الاوتوماتيك يريحك حتى في البر لكن اذا واجهت تغريز فما ينفعك الا العايدي.. وعلى فكرة الاوتوماتيك صار افضل من السابق واقوى لكن لا يرتقي الى درجة القوة في العايدي ، ولكن الامر في الاخير يعود لك .. ما درجة استخدامك له في البر ، اذا كانت السيارة للديرة بشكل اساسي وختات البر قليلة فنصيحتي لك خذ تماتيك .. خصوصا مع زحمة السيارات راح تكره عمرك .. لكن اذا كانت السيارة للبر بشكل اساسي (خصوصا اذا كانت المنطقة اللي تروح لها في البر صعبة) واحيانا للديرة فخذ عايدي.

والله ييسر امرك
اخوك
ابو محمد

[shaheenshah]

رأي شخصي:

ما فيه شي مدن ورحلات بريه ( يا مدن يا رحلات بريه) اختر وحده
اذا بتاخذ اوتوماتيك لا تخسر قريشاتك وتحطها في لاند شف لك اي سياره ثانيه اصرف
أما العادي فعز الله انه يبرد كبدك في البر ويوجع رجلك في الديره

[مقلب]

القير العادي افضل بكثير من التماتيك

من جميع النواحي حتى قيمة العادي في المعارض اعلى وارغب

من التماتيك ,,,,,, وانا معي جكسار قير عادي امسك الخط واطلع البر وماشي

في الديره ولله الحمد ماشفت خلاف ,,,

تحياتي

[aziz2727]

انا مع الاخوان الي قالو وش حاجتك للسيارة
اذا بر دايم الله الله بالعايدي او اذا بر بعض الاوقات ولاكن الشغل في المدينة مالك الى التماتيك
بس اذا قصدك من طرح السئوال انك بتشتري سيارة ان عنديلك شور
لا تاخذ الاستبنه تحت يسمونك شنطة لكزس لانه متعبه خذلك الاستبنه على الباب اجمل وما تعلق في التطعيس ويمكن انك تستفيد من مكان الاستبنه تحت تحطلك تانكي مويه
والله يدبرنا وياك على الخير

[ضغط سحاب]

القير العادي افضل بكثير من التماتيك

من جميع النواحي حتى قيمة العادي في المعارض اعلى وارغب

من التماتيك ,,,,,, وانا معي جكسار قير عادي امسك الخط واطلع البر وماشي

في الديره ولله الحمد ماشفت خلاف ,,,

تحياتي

اخي لو تعكس الي تحته خط كان تمام....