الي عنده علم بحرارة الجراند شروكي

[ولد شقرا]

السلام عليكم ورحمة الله وبركاته...
مسيكم بالخير جميعا ....
المشكله عندي ياشباب اني اذا طفيت الموتر وانا قاضي مشوار بعيد اومسافة بعيد في عز الظهر وعودت اشغل الموتر بعد 5 دقايق او اقل امبير الحراره ياصل الى اعلى ال ثلاث ارباع ثم نص دقيقه وينزل للنص اودقيقه يعني بعد مااحرك الموتر تهقون وش العله مع العلم ان موتري 8 سلندر وسعودي

[ولد شقرا]

من الي عنده علم ياشباب يفيدنا الله يعطيكم العافيه

[ذيب جبلة]

لا تخاف الامر بسيط

انا معي جراند شيروكي 2007 اوفرنلاد واذا جيت من مشوار متعب يعني سفر او تطعيس او مشواري في ذي الايام مع الظهر وطفيت السيارة ورجعت اشغلها ترتفع الحرارة شي طبيعي وتشتغل المروح دقايق ويرجع الوضع طبيعي .. وهذا يصير في اغلب السيارات والسبب اولا ان الشخص المفروض اذا جا من مشوار متعب للسيارة يطفي السيارة على طول ..المفروض يوقف شوي حتى المكينه تاخذ وضعها والحرارة تنخفض شوي

لانك تعرف حرارة السيارة وهي تمشي ترتفع مرره بس الهوى الي يدخل يخفف الحرارة واذا وقفت على طول تكون المكينه محترة مرره واذا طفيتها تضل محتفظه بالحرارة حقتها ..ولو انك اذا وقفت ما تطفيها بتساعد المراوح على تخفيف الحرارة اسرع وحركة الموية داخل المكينه بعد

علشان كذا ترى الوضع طبيعي جداً ... بس الافضل اذا وقفت وانت عارف انك بتشغل السيارة بعد 5 دقايق الافضل ما تطفي السيارة وتخليها شغاله .. او اذا طفيتها لاتطفيها على طول وقف دقيقه او دقيقتين افضل لك ولموترك

اتمنى اني جاوبت على استفسارك ... وترى ردي هذا من واقع تجربة مع الجراند شيروكي والسيارات الاخرى

بالتوفيق

[sultan8861]

حتى انا هذي السالفه محيرتني وهل يمكن القضاء عليها

نبغي خبراء مكشات يعطون جواب ميكانيكي وبعدين فيه سيارات عادي لو تجي من مشوار وتطفي السياره على طول وبعدين تشغلها تلقى الحراره نفسها مثل........ الفكتوريا الددسن الخ الخ

وشكرااااااااااا

[المرابط]

السلام عليكم

ولد شقرا

كيف حالكم ودي أزوركم بشرط نتقهوى

على المسطحات الخضراء اللى عند الشلال

وبانسبه لموضوعك كلام لجمش 5 كم

كافى ووافي ولا عندى زود وكلامه 100 %

sultan8861 نفس الكلام اللى قلته لولد شقراء

.

[ولد شقرا]

يعطيكم العافيه ومشكورين وماقصرتوا