خبراء الباترول ابي فزعتكم في هذي المشكلة .......

[ابواسامه 2007]

ياخوان عندي مشكلة في التانكي الفرعي حق البانزين امس ولعت في الطبلون عبارة مكتوب عليها
( SUB TANK ) وكان التانكي الصغير فاضي وعبيت التانكي فل ونفس الشيء العباره لازالت موجوده مع العلم ان الموتر ما فيه شيء وضعه طبيعي اللهم هذي اللمبه اللي ولعت ابي الحل وشلون تطفى وهل لها اضرار مستقبلاً .

[اول]

افصل البطاريه ثم اشبكها

[راعي كيف]

السلام عليكم
حصل معي نفس المشكله فصلت البطارية وشبكت وراحت العبارة ورجعت مرة ثانية مدري ليه فصلت البطارية مرة ثانية وللحين ماقالت شيئ.
الرجاء ممن لدية خلفية يفيدنا مأجور .


المتوهق راعي كيف
ابو ناصر

[مقلب]

انا حصلت معي زمان وخليتها حتى ان التانكي الصغير ماتحول

ويوم من الايام صدفه ضبطة من نفسه ,,,

تحياتي

[ابونايف الروقي]

انتبه لا تروح الوكاله احذرك وانت حر خوييي راح للوكاله حقت نيسان معه باترول سوبر سفاري 2005 وقال لهم المشكله عشان لمبة التانكي الاضافي معلقه معه ما تطفي غيرو له طرمبة بنزين وفلتر بنزين وعوامة تانكي اشياء من ضمن الي غيروه عدادات الطبلون كامله مع عداد المسافات وكلف موتره حوالي 4600 مع كل شي ورجع العداد اصفار ويوم طلع موتره من عندهم لقى المرايه اليمين ما تشتغل والاسطب الايسر الامامي ما يشتغل و درجة الحراره الي فوق المرايه الداخليه ثبتت فوق 45 درجه حتى في الليل يعني ما ادري وش لخبطو له عموما ياجماعة الخير لا احد يروح الوكاله ...

[عاشق السيل]

أنت مشكلتك عادية جدا ( مجرد لمبة )

أما أنا مشكلتي مع الزر نفسه لازم أفصل البطارية وأشبكها ثانية علشان يشتغل زر التانكي !!

رغم إني غيرت الزر من الوكالة بعد انتظار شهر علشان يجي طلبية من جدة ( حسبي الله عليهم ) ومع ذلك استمر معي 5 شهور تقريبا زي الحلاوة والحين لازم أفصل البطارية وأعيدها علشان يشتغل هو ووجهه ..



عاشـقhttp://www.mekshat.com/pix/upload/sign/images/mk49539.gifالسيل

[متحدي النفود]

السلام عليكم اخوووي انا معي باترول وحصلت لي نفس المشكلة

وفصلت اصبع البطاريه وراحت والحمد لله ما رجعت ثانيه والحين من افضل ما يكووون


تقبل مرووري واتمنى اني افتدك

[مجتهد***]

السفاري
مشاكل
في
مشاكل

[الظافر]

اخي العزيز
السلام عليكم ورحمة الله وبركات
تأكد من الفيوز تبع الخزان الاحتياطي يمكن يكون لاذع . لان هذا المشكلة صارت معي لقيت الفيوز متعطل

[ابواسامه 2007]

الف شكر لكم جميعا ًبلا استثناء وخاصة من شاركني والحقيقة راح اجرب افصل البطارية وان شاء الله تفلح الطريقة
مره اخرى اقدم لكم جزيل الشكر
فعلاً انكم سند في هذا المنتدى .

[T U R K I 0 9 0]

السلام عليكم ورحمة الله وبركاته

طبيعي جدا خويي عنده 2007 وطلعت عنده وسوى لها برمجه في الوكاله وراحت طيب بس هل تستخدم الشاحن دايم
واذا بتشك شيك على السوتش اللي يحول من تانكي الى تانكي اللي في الطبلون واكيد بيقولون خربان وبيطلبونه لك صارت معي في
2003
بس سوى برمجه اذا راحت زين على زين اذا مارحت لا تعبث فيه انتبه خاصتن الورش وتراها ماتضر

[ابواسامه 2007]

بصراحة اشكر جميع من شاركني الموضوع وخاصة اللي شار علي بفصل البطارية ....
فصلت البطارية لمدة دقيقتين تقريباً وشبكتها مره ثانية وعلى طول تبرمج الوضع لطبيعته وطفت اللمبه وعاد كل شيء لحاله .

فعلاً اشأل مجرب ولا تسأل طبيب
شكراً لكم والله لا يحرمنا منكم

[aziz2727]

الله يبشرك بالخير
والحمد لله على انتهاء المشكله بأقل تكاليف
تخبر الوكاله يمكن يجونك ناس تفتي وهي ما عندها علم

[مرثع]

تعليق بسيط فصل البطارية هو الحل واذا تبي ماترجع لك المشكله مره ثانية لاتطفي السيارة ظاغط الزر لانه وهو اللي يسبب التعليق

[التعـ King ـديل]

صحيح الموضوع قديم ولكن هذا الرد للفائده

صارت معي على موتري 2005 وكانت تولع وكنت افصل البطاريه خمس دقايق ثم ارجع اشبكها ويومين وترجع وانا مافيه الا فصل بهالبطاريه لين ضبط معي والحمدلله له حول السنه ماشاء الله تبارك الله

ماتولع والتانكي يحول طبيعي .. انتم كل اللي عليكم تفصلون وتشبكون بالبطاريه لين يضبط وانتبهو تروحون ورشه يلعبون عليكم بالكمبيوتر ولا الوكاله يتفلسفون عليكم ويخسرونكم دراهم والحل عطيته لكم بهالرد

بس اهم شي حاولو تخلوم التانكي فاضي لين تضبط ..

[hail_ksa]

حل المشكله أبسط مما تتوقعون

مشكلة الأخ يعبي بنزين والموتر شغال

ولتجنب المشكلة يجب إيقاف تشغيل السيارة أثناء التعبئة

أما الأخ فتكررت لديه المشكله حتى بعد فصل البطاريه وهذا شي طبيعي لأنه يعبئ بنزين والموتر شغال لذا المشكلة تتكرر

[تميم2222]

افصل اصبع البطاريه ورجعه يمكن برمجه