احسن الله عزاي في كامرتي .. أبي كاميرة [الأرشيف]

مشاهدة النسخة كاملة : احسن الله عزاي في كامرتي .. أبي كاميرة

ابو شكاع

23/06/2007, 06:47 PM

سلام عليكم اخواني
كتبت قبل كم يوم عن مشكلة في كامرتي ورد البعض بارك الله فيهم
عموما انا اعطيت الكاميرة اخوي عشان يسوي لها صيانة بالرياض
قلت على بال ما يروح الرياض الاقي مركز الصيانة حقه بالفاتورة
وآخذ الفاتورة والاقي المشيري هو الوكيل ...المهم ...واتصل على الرقم اللي بالرياض واثره فاكس
وادق على الأرقام اللي بجدة وأصلا يقول الإتصال خطأ
المهم وابحث بالنت وألاقي رقم المشيري في الخبر
وأتصل عليهم قبل شوي ... قلت له السالفة كيت وكيت..
قال ياخوي سوني اشترت الشركة ولاعاد فيه صيانة
قلت يعني الرياض مافيه صيانة
قال ايه
قلت طيب وعندكم بالخبر
قال ولا بالخبر اصلا الحين مالها صيانة إلا بالخارج ..وأقرب صيانة لها في دبي
ولازم ياخذون منك مقدم 600 ريال هذا بس المعاينة حسب مافهمت منه ...همن عاد إذا فيها بلا زود ياخذون حقهم وقال لي اشتر لك جديدة أحسن لك بسعر 600
انا بهالحظة حزنت...ونزلت دمعة من عيني ..والرجال يقول الو الو << بدت المهايط
لا عادي صحيح ... شكرت الرجال وقلت ماقصرت ...لأنه الصراحة وسع صدره على واعطان المعلومة
طيب يا اخوان ... وش الكاميرة اللي فيها من مواصفات الكوكنيكا مينولتا z3 من حيث الزوم والماكرو وغيره
هل السوني h9 أفضل منها أو لا ؟
يعز علي فراق الكاميرة اللي طول عمري ما اقتنعت بها ويوم صارت تجوز لي ومير تخرب :(
فوش رايكم هالحين ياجماعة ... وينك يافرد حمزة وينك ياحد السيف ..خابرهم مثلي نفس الكاميرة :D

AL-BDER

23/06/2007, 08:43 PM

قناص الحبارى

23/06/2007, 09:12 PM

ابو شكاع

24/06/2007, 12:57 AM

ما لك إلا هذي الله يطول لي عمرك :
http://www.mekshat.com/pix/upload/images39/mk12258_canon.jpg

Canon PowerShot Pro Series S5 IS 8.0MP Digital Camera with 12x Optical Image Stabilized Zoom

و سعرها في موقع آمازون بـ 1,875 ريال سعودي "بعد سعر الصرف".
أما سعر توصيلها لك ، فـ هذا يعتمد على شركة التوزيع و التوصيل "آرامكس" و على وزن الشحنة على سبيل المثال.

Canon PowerShot Pro Series S5 IS
كاميرة اشوف انها أشهر من علم في رأسه نار ... وأخذت شهرة بالفترة القريبة واشوفهم يمدحونه كثير
أخوي .. الزوم البصري 12 ...ممتاز ... طيب ...الماكرو ؟
ووش مواصفاتها الثانية ترى اخوك مامن معرفة
شكرا لك وماقصرت

ابو شكاع

24/06/2007, 01:04 AM

أخوي الغالي / ابو شكاع

حبيت أشاركك بموضوعك وأدلي بدلوي ..

هذي كاميرتي ومواصفاتها بالكامل داخل الموقع ..

http://a.img-dpreview.com/reviews/Ni...ntview-001.jpg (http://a.img-dpreview.com/reviews/Ni...ntview-001.jpg)

http://a.img-dpreview.com/reviews/Ni.../specsview.jpg (http://a.img-dpreview.com/reviews/Ni.../specsview.jpg)

http://a.img-dpreview.com/reviews/Ni...ndview-001.jpg (http://a.img-dpreview.com/reviews/NikonCP8700/Images/allroundview-001.jpg)

وهذا هو موقع للكاميرا وفيها معلوماتها كامله ..

http://www.dpreview.com/reviews/nikoncp8700/ (http://www.dpreview.com/reviews/nikoncp8700/)

تقبل مني أجمل تحيه

أخوكم/ قناص الحبارى

__________________

قناص الحباري ... جيت على الجرح .... nikon
عندي منها موديل قديم nikon coolpix3500
لكن عزالله انها كاميرة رغم قدمها وانا مشتريها مستعملة على فكرة ب 600 ريال من مشرفنا أيمن هنا في مكشات .. أيمن وين سلك الشاحن تراه للحين ما وصل :D
فعلا كاميرة يارجل نقاوة ولا أروع والصورة اللي في توقيعي من تصويرها
ياليت مواصفاتها الله يسلمك
الماكرو والزوم وغيره
والأهم السعر بعد كم ؟
ومشكور وماقصرت ولاهنت

فتى الدهناء

24/06/2007, 02:02 AM

أخوي .. الزوم البصري 12 ...ممتاز ... طيب ...الماكرو ؟

الماكرو .. موجود .. وفيها بعد ( سوبر ماكرو ) يضبط الفوكس على ( 0 سم ) يعني تجيب رموش النملة ;)

أعزم عليها .. كمرة رائعة وتستاهل قيمتها ..

وفقك الله

أيمن

24/06/2007, 02:08 AM

أحسن الله عزاءك، وأبدلك الله خيرًا منها يابوشتساع ..
وs5 ما عليها كلام

تحيتي

الفتى المجازف

24/06/2007, 02:40 AM

ابو شكاع
انا من الناس القليلين الذين يتابعون ماتكتب
تدري ليش عشان اسألك عن اليوكن 2007 انت شريته
والا على القديم الى الحين لأني خابرك تصبر المعزبه على القديم.
بالنسبة للكامير فيه يماني في البطحاء اسمه سليمان تراه جيد
ويمدحونه يقولون انه نصوح انا اختبرته مرتين ابا اشوف مويته
للاسف نجح في الاختبارين بامتياز تدري عاد ليش اقول
لقيته نصوح وخدوم
وراعي تفصيل في الكلام خصوصا اذا صار المجال في الكاميرات
انصحك تمر عليه وتشوف على ارض الواقع ماتريد من الكاميرا ايا
كان نوعها لأنه متخصص استيراد كميرات ويفهم فيها على مالاحظت.
الاخوة اشارو عليك هنا بالكامير s5 انا اقول شفها وشاور عليها يمكن تغير رايك
ويمكن الـ G7 تدخل مزاجك.
ممكن سؤال مباشر
في اي منتدى انت مسنتر طبعا غير مكشات وانا استأذنت منك بسؤالي مباشرة.
تحياتي ابو شكاع

ابو شكاع

24/06/2007, 03:50 AM

الماكرو .. موجود .. وفيها بعد ( سوبر ماكرو ) يضبط الفوكس على ( 0 سم ) يعني تجيب رموش النملة ;)

أعزم عليها .. كمرة رائعة وتستاهل قيمتها ..

وفقك الله

الله يسلمك مشرفنا ...ماقصرت ... الف شكر ... اجل انا طالع ان شاء لله دبي بعد فترة ... ابشوف اذا هي موجودة هناك أو لا ....وأبشاور روحي ... وان طفرت قبل اشريه إلى المارية الغويفات :D
الله يستر عليك ويوفقك

ابو شكاع

24/06/2007, 03:53 AM

أحسن الله عزاءك، وأبدلك الله خيرًا منها يابوشتساع ..
وs5 ما عليها كلام

تحيتي

الله يجزاك خير يا أيمن وماقصرت
وعلى فكرة ... ترى شاحن الكولبيكس 3500 ضاع
يعني خربت الزد 3
وضاع شاحن ال 3500
حوسة الأمور ...مابقى الا السامسونج هالحين هي تشتغل زين ..
ايمن مشكور

ابو شكاع

24/06/2007, 04:00 AM

ابو شكاع
انا من الناس القليلين الذين يتابعون ماتكتب
تدري ليش عشان اسألك عن اليوكن 2007 انت شريته
والا على القديم الى الحين لأني خابرك تصبر المعزبه على القديم.

لاوالله ياخوك للحين على القديم ابو 2002 .. لكننا ان شاء الله ناوين نهاية هالأسبوع ناصل جدة عشان ولد أخوي يبي يشري 2007 ...إذا شراه ابعطيك العلم ان شاء الله ...
بس خل عنك انهن مواتر ماشاء الله
عاد المعزبة خيرته بين امرين .. موتر أو ارض .. اختارت الأرض :D
<< العالم تبي تشد لبيوت جديدة وهذا للحين ما عمر عمارة :rolleyes:
بالنسبة للكامير فيه يماني في البطحاء اسمه سليمان تراه جيد
ويمدحونه يقولون انه نصوح انا اختبرته مرتين ابا اشوف مويته
للاسف نجح في الاختبارين بامتياز تدري عاد ليش اقول
لقيته نصوح وخدوم
وراعي تفصيل في الكلام خصوصا اذا صار المجال في الكاميرات
انصحك تمر عليه وتشوف على ارض الواقع ماتريد من الكاميرا ايا
كان نوعها لأنه متخصص استيراد كميرات ويفهم فيها على مالاحظت.
الاخوة اشارو عليك هنا بالكامير s5 انا اقول شفها وشاور عليها يمكن تغير رايك
ويمكن الـ G7 تدخل مزاجك.
الـ g7 شفته في جيان ... الصراحة حلوة.. بس ما أدري .. هو أنت مجربه أو لا وكم الزوم والماكرو ووش وماصفاته إذا لك علم
ممكن سؤال مباشر
في اي منتدى انت مسنتر طبعا غير مكشات وانا استأذنت منك بسؤالي مباشرة.
تحياتي ابو شكاع
.
.
.
سؤالك الأخير يبي يجيك بخصوصه رسالة أخاف الربع يقولون تسوي دعاية أو شي همن يبدون يمدحون لي كاميرات كرييتف :D
الله يسلمك ماقصرت وبارك الله فيك يالغالي واشكر لك حسن ظنك في اخيك

الوشاح

24/06/2007, 05:51 AM

ابوشكاع من وين طلعت :)

اشوف المنتدا مغبر :D

لاوالله إلا منور بوجوودك يابوصالح

الف مبروك خربت المنيولتا ;)

ادري انك مبسوط خخخخخخ

شف يالغالي مانصحك بالسوني لأني قبل كم يوم جربته بالوكاله

تصويره جيد لاكن قبضة الكمره سيئه جدا

ماتحس انك ماسك كمره ابدا

غير كذا البدي بلاستك كأنه لعبه

الـ s5 مثل ماذكرو الشباب اعتقد هي الانسب

بعدين تراك اشغلت ايمن عند السلك ياخي ماصار بيع ههههه

تلقاه يقول ماعاد ابيع على الرساويه خخخخ

عموما حدد الميزانيه يابوصالح وازهل الكمره

تحيه نديه

ابو شكاع

24/06/2007, 02:51 PM

الوشاح
هلا والله وغلا ....هلا بالغالي
ياخوي تراه من ابسط حقوقي انشد عن السلك :D
بالنسبة للقروش تقدر تقول من الـ 2000 وحوله ...
مشكور جدا

قرناس نجد

24/06/2007, 05:09 PM

اخوي طيب شف نيكون ب 5000 شكلها فوق الخيال

ابو شكاع

25/06/2007, 12:41 AM

اخوي طيب شف نيكون ب 5000 شكلها فوق الخيال

5000 ريال واجد علي ...
بيني وبينك ...اتوقع الاقي النيكون دي 70 في دبي بحدود 2700 ريال
توقع فقط
وإلا وش رايك ؟
مشكور وماقصرت قرناس نجد

الوشاح

25/06/2007, 09:52 AM

5000 ريال واجد علي ...
بيني وبينك ...اتوقع الاقي النيكون دي 70 في دبي بحدود 2700 ريال
توقع فقط
وإلا وش رايك ؟
مشكور وماقصرت قرناس نجد

ماعتقد تحصل الـ Nikon D70 (http://www.dpreview.com/reviews/specs/Nikon/nikon_d70.asp) بأقل من 3300 ريال

انصحك بـ Nikon D40 (http://www.dpreview.com/reviews/specs/Nikon/nikon_d40.asp) ممتازه وسعر معقول

( اضغط على اسم الكمره علشان تشوف المواصفات )

مقارنه بين الكمرتين هنـــــــــــــــــا (http://http://www.dpreview.com/reviews/compare_post.asp?method=sidebyside&cameras=nikon_d40%2Cnikon_d70s&show=all)

الدي 40 عند الوكيل بـ 2700 ريال

وبموقع امزون بـ 525 دولار يعني تقريبا 2000 ريال >> يبلاش

وش رايك بالعرض مغري صح :D

هذا عرض خاص بمشرفين الرس اكس بي;)

الوشاح

25/06/2007, 10:21 AM

رابط المقارنه الي فوق مايشتغل .. الرابط مره ثانيه

http://www.dpreview.com/reviews/compare_post.asp?method=sidebyside&cameras=nikon_d40%2Cnikon_d70s&show=all (http://www.dpreview.com/reviews/compare_post.asp?method=sidebyside&cameras=nikon_d40%2Cnikon_d70s&show=all)

وهذا رابط موقع امزون

http://www.dpreview.com/reviews/compare_post.asp?method=sidebyside&cameras=nikon_d40%2Cnikon_d70s&show=all (http://www.dpreview.com/reviews/compare_post.asp?method=sidebyside&cameras=nikon_d40%2Cnikon_d70s&show=all)