لمن لديه علم بذلك (المساعده)

[الباهي]

الاخوه الكرام
السلام عليكم ورحمه الله وبركاته
يا اخوان فيه عندي واحد من الاخوان عنده سفاري موديل 94 نظيف وزين ولا فيه احسن منه لاكنه يبي يغيره ويركب له مكينه ديزل لان البنزين نشف جيبه
........
سؤالي للاخوه الخبراء بالموضوع
هل يوجد مشكله في ذلك
هل يؤثر على السياره ويقل السرعه
يعني انه خايف يركب المكينه الديزل ومايركبونها زين او انه كل شوي يطلع له خراب
وهل من الاخوه ركب مكينه ديزل وماطلع خرابات بالسياره
وهل العمليه مؤمونه ميه بالميه والا ماتنصحون بذلك
ارجو من الاخوه اللي له تجربه انه يوضح الايجابيات والسلبيات علشان الواحد مايتوهق

وتقبلو تحياتي

[شبوب]

اخوووووو الباااااهي 0000


الايجابيات وحده فقط0000 عند المحطه بس ؟؟

السلبيات ( الله يعينى على سردها ) 0000

1- قطع الغيار0 احتكار غير طبيعي ( يكفيك سعر طرمبة الديزل الحالها)
2-العزم0 ماتشوف الا الهنود شاخطين من عندك (وانت تقول الجود من الموجود )
3-الصوت0 ماتدري الي الجنبك هو سياره ولا حراثه يعني لازم ( تلتفت تدور هالي ادوخك)
4-الدخنه0 بعد سنه ( اذا بغيت انت وعيالك تروحون لازم تلبسون كمامات)

وغيرهاااااا 00000000

قل الخويك يمسك قرده لين الله يحلها00!!

واحد من الشباب سوى نفس فكرة خويك وتحسف والله0

[الباهي]

اخوي شبوب

اول شي شكرا لمرورك واهتمامك

ثاني شي انا سمعت ان فيه ناس مركبينها والامور تمام لاكن ابي اسأل عن الخراب هل تضبط يعني اذا كانت السياره من قبل بنزين وحولتها الى ديزل مايكون خرابها واجد وتشغل الواحد ولا لا

وبالنسبه لكلامك انا معك ميه بالميه

[الباهي]

وينكم ياعل الخبره افيدونا افادكم الله وذلك للاهميه:cool:

[شبوب]

الباهي000 انا علمتك ، بس الظاهر انك تبي بالتفصيل الممل00 ابشر

هذا واحد من العيال طال عمرك0 شراء برادو اماراتي ديزل ( مستعمل )0موديله والله مدري
عنه، المهم يوم يأخذه نظيف له الحين معه تقريبا سنتين0

يوم تم الموتر سنه وهو يخبط الله يجيرك، ويروح الرجال ويوظيه 0 ايه ، ااااسف نسيت قبل التوظيب
من ورشه الى ورشه وكلن يجيب من راسه صوت ، اَخر شيٍ قالوله عندك ( التيربو )0 تراء هو
يقوله ، والا انا مدري وشو التيربو ويكلفه حول 1000 ريال0
صار مهب منه ، اثر الموتر جايه حراره ومعدمة الرأس عليه ، راح ابن الحلاح يوظب توظيب كامل
من جديد ، الحين له سنه تقريبا بيعد التوظيب ، مادريت الا هو يكلمن ويقول ( الرجال يطلبك الحل ):p

[شبوب]

الباهي ااسف اخوي 00 ترا المشاركه دخلت غصب علي ولا هي توها:D العييل الله يصلحهم0



المهم000 لا طول عليك ارجال الحين ابيقلبه موتر صحيصح يعني ( بنزين );)

يعني خويك كم ابيوفر من الديزل بالسنه نقول 2000 اريال ، وش تسوى العواكيس
ولا انه يجلس بدون سياره ولا الروحات كل شوي لصناعيه ولا وشو بس 00!!



انا قايل لك امسك قردك الى ان الله يحلها00!!:mad: :mad:

[Bader-M]

اولا
صدقني ما فيه زي شد البلد
ثانيا
ترى مكاين الديزل الي يركبونها
مالها قطع غيار في السوق ( كما قيل لي )

تقبل تحياتي