القهوة

[سبيع الغلباء]

اطلق الشاعر المعروف فرج الخربوش اسم مؤنسه على القهوة العربية وذلك كون الرجال
يتونسون بتناولها وفي احد الأيام احتاج الشاعر الى شراء كميه ولكن لم يكن موجود قيمتها

لديه نقدا فذهب الى التجار بالمنطقه ولكنهم رفضو وطلبوا النقود حالا فقال هذه القصيده


تشكلت نجد على كل صنديد ## واول علفها كل عفن ذهينا

غدى بنوماسه جميع الأجاويد ## مقاصم العنبرعظام السمينا

بمؤنسه عيا العريفي وبن عيد ## يبون سلم لايذ عن يدينا (1)

وناس فياض وناس مسانيد ## وحنا على شان الغرايس رصينا

وعبره على منشي ثقيل الرواعيد## هو الكريم اللي عليه ارتكينا

مل نفس ماتريد الملابيد ## ليا جاء المسير ماعليه أتقينا

نحيي قبل يقبل علينا بتوريد ## ونعطيه مع زين النباء مالقينا

ونوب نشبب ضيفنا من جلاء الصيد##ونوب نشبب ضيفنا من يدينا

وتر ضيفنا مانبلشه بالتناشيد ## ماننشده ياكود ينشد حدينا

الضيف يبلش من كثير التناشيد ## تنشيد ملكوف على غير شينا

شيمة عرب مانردد الحكي ترديد ## حنا نعرف العرف لو ماحكينا

وحنا على سلم العرب والأجاويد ## يعلنا عن سلمهم ماغدينا

(1) المقصود بالسلم// النقود

كما اعدكم اخواني انشاء الله بالمزيد

وتقبلو التحيه

[سلطان العوني]

عزالله انها القصيده اللي بالراس

وتر ضيفنا مانبلشه بالتناشيد ## ماننشده ياكود ينشد حدينا
واعجبني البيت هذا
وصح اللسانك

[سبيع الغلباء]

صح بدنك
ومشكور على مرورك
وواصل حماسك

[جبل راف]

تسلم يعطيك العافية يازين مثل هالقصايد

كثر منها يالسبيعي يعطيك العافية

[سبيع الغلباء]

الله يعافيك
وابشر
ومشكور على المرور