طلب بسيط اريد طريقة تركيب لمبة صغيرة في الكبوت بالصور

[سائح نت]

السلام عليكم ورحمة الله وبركاته




السادة الاعزاء اعضاء منتدى مكشات




سرني مارأيت من مواضيع مميزة تخلي العليمي مثلي يصيرميكانيكي وكهربائي محترف




مثل موضوع تركيب بطارية احتياطية بالصور




وموضوع تغيير الفحمات بالصور ووووو......الخ بالصور




فأريد من الاساتذة الافاضل طريقة تركيب لمبة في الكبوت بالصور



ولكم مني الف تحية

[الدرندس]

سلام اخوي

اما من ناحيه تركيب اللمبه با الصور فا يمكن الشباب يفيدونك

اما اذا بغيت تركب وشغل مظبوط وكنت من اهل الرياض فعليك با الغرابي محل العليان الي قبل اخر شارع الغرابي

او ورشه سوافي ستجد في هذا الرابط بعض اعمال الورشة ويجد الرقم والعنوان والسلام

http://www.mekshat.com/vb/showthread.php?t=92357

[عاشق السيل]

بـ 35 ريال شاملة القطع والتركيب عند أي محل بالغرابي ،،

ولك كل التوفيق ،،

تقبل مروري ....



عاشـقhttp://www.mekshat.com/pix/upload/sign/images/mk49539.gifالسيل

[سائح نت]

اشكر الاخوة على مرورهم وتوجيههم ولكن الهدف

الذي اريده هو المعرفة بطريقة التركيب واكتساب الخبرة

[سائح نت]

افا يا اعضاء منتدى مكشات مافزعتوا لي

[فهد325]

السلام عليكم ورحمة الله وبركاته
اخي سائح نت
معليش والله اول شي ما افضى للنت الا قليل وكان ودي اخدمك بالصور بس ماعرف ازين صور وانزلها (الاخ عليمي)
بس بشرحلك بالكتابه (العوض ولا القطيعه)
شف تروح لمحلات الزينه وتاخذلك:
1- لمبه (كيفك تبي واط ام50 ولا ام100 طبعاً قوة الانارة وكلما زاز الواط زاد صرفيه البطاريه) اللمبه هذي تكون اللي تركب في كشافات الضباب اللي تجي في الصدام من تحت مهب اللي تجي قطعه وحده لا فيه كشافات تكون اللمبه تنفك وتركب بالماريه فيها سلك واحد معزول عن الحراره.
2- فاصل كهرب (فيش يطفي ويشغل) وخذ لك قاعدة من عنده علشان تثبته في الكبوت.
3- فيوز علشان لو صار فيه التماس فصل الفيوز.
4-سلك كهرب عريض شوي بس مااعرف بالضبط كم عرضه بس تسأل الكهربائي اللي في المحل تقوله وش اللي يتحمل اللمبه اللي بتاخذها منه (اما الطول تروح لم المكان اللي بتحط فيه اللمبه وتقدر تقريباً كم ياخذ، وتاخذ قدرك وزود شوي مع مراعاة لفلفة السلك علشان ما يكون طايح يعني تدخله من هنا وطلعه من هنا علشان يكون متناسق ).

وبعدين تروح ياطويل العمر والسلامه للسلك وتقطع آخره قطعتين بطول 15سم للواحد ويصير عندك سلكين قصيره بطول تقريباً 15سم وتشبك واحد بالفيوز وتشرطنه وتشبك باقي السلك بالطرف الثاني من الفيوز وتشرطنه برضه وانتبه يكون في هناك تلامس لازم تشرطنه زين (يعني الفيوز طالع منه فيشين واحد مشبوك فيه السلك ابو 15سم والثاني مشبوك فيه السلك الثاني ابو 15سم) وبعدين تثبت القاعدة حقت الفاصل على الرفرف او اي مكان يجوزلك وترتاح له في الكبوت وتثبت فيه الفاصل، طبعاً الفاصل يكون فيه مخرجين تشبك في واحد منها السلك ابو 15سم اللي جاي من الفيوز والمخرج الثاني تشبك فيه السلك الطويل (باقي السلك) وطبعاً تشرطنه مثل الفيوز شغل مظبوط وتروح تزبط السلك تجيبه من هنا ومن هناك علشان يكون شكله مرتب.
وبعد ما رتبت السلك وصار شكله مقبول تروح لطرف السلك اللي جاي من الفاصل (السلك الطويل) ةتشبك مع السلك اللي طالع من اللمبه ثمن تثبت اللمبه بس لاحظ (لازم يكون الحديد اللي على اللمبه يكون ملامس في بدي السيارة) والمكان يكون اعلى مكان في الكبوت علشان تستفيد من الانارة مع مراعاة اذا تسكر الكبوت ما في شي يردها علشان ما تنكسر اذا سكرت الكبوت ثمن تروح لم السلك ابو 15سم اللي جاي من الفيوز وتشبكه في البطاريه (+) الموجب الاحمر ونكون خلصنا وشغلك 100%
(طبعاً بتقولي ليه ما قلتلي في البداية اروح واشتري سلك علشان اشبك اللمبه في (-) السالب الاسود)
الجواب هو ما يحتاج سلك ثاني علشان ان اللمبه اللي شريتها هي طالع منها سلك واحد بس اللي هو الموجب اما السالب بدي السيارة كله مشبوك عليه سالب يعني لو تسوي تجربة على صحة كلامي وتجيب لمبه تلامس واحد من الاسلاك الموجب وتلامس السلك الثاني بدي السيارة راح تولع اللمبه.
(ازيدك من الشعر بيت ليش في اغلب بطاريات السيارة يكون على الموجب غطاء احمر اما السالب ماعليه شي)
(علشان لو تحركت السيارة والبطاريه مرتخية سواميلها وجالسه تتحرك مع حركة السيارة والمطبات يردها غطاء الموجب علشان مايلامس الكبوت وتطلع شرار وتشب السيارة) (معليش على التعبير البايخ)
اما معرفتي فهي نقطه من بحر عند اساتذة هذا المنتدى الكبير ولست فني ولاكن احب الاستطلاع والتجربة والابتكار
واسفين على الاطاله

[سائح نت]

بارك الله فيك يافهد


وياليتك كملت جميلك بالصور


جهد تشكر عليه

[هولوكس2005]

السلام عليكم ورحمته وبركاته


هذي شرح مع الصور وتستاهل وإنشاءلله بأن يكون الشرح وافي وللمعلوميه اللمبه منزمان مركبها يعني حوالي 5سنوات
وفكيت يالي اقدر عليه


وهذ الصوره الأولى

http://www.alramay.com/up/07-2007/alramay_58717634.JPG


واللمبه فيه انواع واجد وأحرص على الاماني وكل مازاد الواط زادة استهلاكها للبطاريه


واللمبه كما ذكرة بأن يطلع منها سلك واحد والثاني ماص سالب يعني لمسه اي جزاء من السياره


وهذي الصوره الثانيه

http://www.alramay.com/up/07-2007/alramay_22470689.JPG

واللمبه كما ذكرة بأن يطلع منها سلك واحد والثاني ماص سالب يعني قاعدة اللمبه حديد والمبسط يالي راح تركبه حديده والي يركب بالكبوت فيه ماص يعني شحنة سالبه



وهذي الصوره الثالثه

http://www.alramay.com/up/07-2007/alramay_69178409.JPG

لو تلاحظ بأن الفتحه يالي بكبوت محكوكه علشان يطلع حديد الكبوت علشان الشحنة السالبه والبوية السياره عازلة لشحنه الكهربائيه
وهذي الصوره الرابعه

http://www.alramay.com/up/07-2007/alramay_39595866.JPG

وهذا سلك اللمبه وموصل له سلك زياده من عندي علشان ادخله داخل الكبوت واحرص على السلك المتين الزين


وهذي الصوره الخامسه
http://www.alramay.com/up/07-2007/alramay_72542709.JPG


وطريقه تدخيل اسلك مايبيله شي جب لك سيم السخيف حق العماير ودخله من النقطه القريبه من البطاريه في الكبوت وحاول توصله أقرب نقطه قريبه وطلعه ثم شف لك نقطه ثالثه ودخل فيه سيم ثانيه لي النقطه الثانيه واربط السيمين سواء وهكذا لمين تاصل لي مكان المراد فيها تركيب اللمبه ثم اربط السلك بالسيم ربط جيد وكان حصل أطو عليه شطرطون علشان مايفلت اللسيم عن اللسلك ثم جر السلك لمين ياصل النقطه المراد تطليع السلك منها



وهذي الصوره السادسه

http://www.alramay.com/up/07-2007/alramay_43571022.JPG
وهذي الصوره السابعه


http://www.alramay.com/up/07-2007/alramay_86828341.JPG

انا كنت مركب فاصل بس خرب وفكيته وجدعته وخليته بدون فاصل متى مابغيت اولع اللمبة دخلته بين السلاك الي بأصبع الموجب حق البطاريه




وللمعولميه أنا يالي مركب اللمبه وموصلها ومركب الفاصل يالي خرب
ومايبيلها شي









وهذي الصوره الثامنه

http://www.alramay.com/up/07-2007/alramay_71912539.JPG

[المميـز]

والله جهد تشكررررررر عليه اخوي

((( هولوكس2005 )))

عز الله انك ماقصرررت ويستاهل

اخونا

((( سائح نت )))

[بواسامه]

ابشر والله ياسائح نت
وان بغيت نركبها انا واياك بموترك خدمة لك
بس خلني افضى شوي ويكون بيننا اتصال وهي اسهل مما تتوقع

[سائح نت]

اخوي هولوكس 2005 ماقصرت


جهد رائع تشكر عليه



المميز اشكرك على مرورك


ابو اسامة ماتقصر وبارك الله فيك