جبل راف
25/06/2007, 07:50 AM
السلام عليكم ورحمة الله وبركاته
باسم الله ابدا واكتب الشعر بسطور=واجمع بقايا حروف فكري عسفها
في موقع (ن)جيته واخبره من شهور=وسط النفود اليوم ضاوي قمرها
ولياوصلت اجمع من طعوسها غمور=واشب ناري لين يقدح شررها
واحط محماسي على جمر مخدور =والبن يحمس لين يلمع شقرها
ثم اوزن قياسه بخبره ومنظور=واشخله بالدلةوازيد مبهرها
فنجان كيف(ن) ينعش الراس محكور =يقلع همومي كان ربي قلعها
وليانتصف ليلي تخاويت مجبور=عدة نجوم ترتسم مع قمرها
متناثرة في شكلها عقد منثور=سبحان ربي بالحسن هو رسمها
وقمت اسامر نجمي الجدي مشهور=يم الشمال اللي خفوقي ولفها
واقف شجاع (ن) والنجم حوله يدور=ثابت مكانه وديرته هو ملكها
ياليت لو ترجع لنا ايامها شهور=لاطحن براسي حب ماقد طحنها
وقت الوسم ياعل امطاره بحور=يروي الشغايا والتلاع وسهلها
وينبت عشبها وتكتسي فياضها زهور=والناس ترعى بلها مع غنمها
وصلاة ربي عد ماترفرف طيور=على الرسول اللي الشريعة حفظها
وسلامتكم
باسم الله ابدا واكتب الشعر بسطور=واجمع بقايا حروف فكري عسفها
في موقع (ن)جيته واخبره من شهور=وسط النفود اليوم ضاوي قمرها
ولياوصلت اجمع من طعوسها غمور=واشب ناري لين يقدح شررها
واحط محماسي على جمر مخدور =والبن يحمس لين يلمع شقرها
ثم اوزن قياسه بخبره ومنظور=واشخله بالدلةوازيد مبهرها
فنجان كيف(ن) ينعش الراس محكور =يقلع همومي كان ربي قلعها
وليانتصف ليلي تخاويت مجبور=عدة نجوم ترتسم مع قمرها
متناثرة في شكلها عقد منثور=سبحان ربي بالحسن هو رسمها
وقمت اسامر نجمي الجدي مشهور=يم الشمال اللي خفوقي ولفها
واقف شجاع (ن) والنجم حوله يدور=ثابت مكانه وديرته هو ملكها
ياليت لو ترجع لنا ايامها شهور=لاطحن براسي حب ماقد طحنها
وقت الوسم ياعل امطاره بحور=يروي الشغايا والتلاع وسهلها
وينبت عشبها وتكتسي فياضها زهور=والناس ترعى بلها مع غنمها
وصلاة ربي عد ماترفرف طيور=على الرسول اللي الشريعة حفظها
وسلامتكم