نصيحه افضل شراع يركب في خلفية اليوكن مكان المرتبه الاخيره لحماية الديكور

[تنوم]

اخواني ابغا نصيحتكم ماهو افضل محل او طريقه لتركيب السدو الي يوضع في شنطة اليوكن 2000 اسم المحل وموقعه انا في الرياض الله لايخلينا من هالوجيه الغانمه

[تنوم]

لاتنسون نوع الشراع الزين

[غضنفر]

اذا تقصد تلبيسة للشنطة
عندك الغرابي عند حقين الخيام
ياخذون مقاسات السيارة وغالبا ما يفصلون شراع تنزاني ضد الماء
وتختار انت كم تبي من سحاب وغيره

[صبي غلباء]

بعد السلام
رح لحقين الخيام والشرع اللي في اول الغرابي فيه محل اسمه الحيدان فيه يماني اذا تبي تفصل لكن انا اشوف الجاهز اصرف اذا فيه ان كان السنيدي جابوه من الصين لانه حقيقه روعه زي حق الاندكروزر بس لليوكن مادري عندهم او لا
وان شاء الله يخدمونك الشباب اللي معهم يوكن ازين من خدمتي انا ووجهي هههههههههههههههههههه
شكرا
طبعا منتوجات السنيدي في كل مكان بالرياض مثل عرق الحيا

[alkongrs]

مر اقرب محل السنيدي او برق الحيا الي با الرياض وتلاه ان شالله

[الرسن]

يراعي اليوكن
ترا معي يوكن ومركب له تلبيسة خلفية وانا اللي معي2000
شف افضل واحد يفصلها لك تراه البرية اللي شرق كلية المعلمين
بحي السلام ياخذها بمقاساتها وعلى الشرط بعد ترا هذا عن تجربة مهوب يقولون
انت توحي والا ماتوحي.

[تنوم]

ما قصرتو ياخوان وجزاكم الله خير