معقووووولة سرعة الباترول 160 فقط؟؟؟؟ [الأرشيف]

GMC79

25/06/2007, 05:08 PM

ياجماعة قرانا للاخ الكريم غضنفر ان السرعة القصوى للباترول هي 170ك/س بدون مكيف ومع المكيف 160 ك/س هل هذا الكلام سليم ام ان سيارة الاخ غضنفر فيها خلل؟

طبعا انا هنا لا اشجع على السرعه ولا اطلبها لكن اقصى سرعه للسيارة دليل على مدى قوة عزم السيارة

الجيبgxrعلى ثقله يفصل عند 190ك/س بسهولة

والربع تايوتا يفصل عند 190 ك/س بسهولة

بل ان الددسن البخاخ يجيب 200ك/س موديل 2003 فمادون قبل لايفصل

والشروكي 200ك/س

السؤال معقول اقصى سرعة الباترول اللي مزعجينا به 160 ؟

صراحة يوم عن يوم ينقص الباترول في عيني

ارجو من الاخوة البعد عن العصبية والرد بتعقل لتعم الفائدة الحقيقية

المميـز

25/06/2007, 06:25 PM

انا معي 2001 وجربته بس مره وحده والله :d :)

وجاب الـ 200 يعني طبلونه كله والدعسه باقي فيها يعني اتوقع انه يتعداها

واتوقع موتر الاخ غضنفر فيه مشكله

باترول للأبد

25/06/2007, 07:17 PM

أكيد موتر أخونا غضنفر فية مشكلة

والباترول معروف أنة يجيب طبلونة

البرحه

25/06/2007, 07:32 PM

السلام عليكم

موتر عن موتر

بعضها ما يتعدى 150 لو تطير وتوقع

وبعضها يصمخ 180 ما جاب خبر

بس انتبه يروع يقوم ذالهوا يدخل عليك مع كل عاير حتى المسجل يدخل معه هوا

ملك_النيسان

25/06/2007, 07:33 PM

اكيييد انه موتره فيه شي يمنعه عن السرعه ... وهاذي صور لعداد موتري 2007

http://www.arb-up.com/get-6-2007-eqwbi5ax.JPG (http://www.arb-up.com)

محسن اليامي

25/06/2007, 09:54 PM

والله ياموتر رفيقك فيه شي

أنا معي 2003 ينزل على 180 بالراااااحه

ابو ناصر2020

25/06/2007, 09:59 PM

انا معي 97 ومحمل ومولع المكيف وصالون ويتعدا 180 يعني على اخر شي

اكيد موتر خويك بوه شي .

غضنفر

25/06/2007, 10:49 PM

ههههههههه
يا حبي لكم
ما لقيتوا الا سيارتي تحكون فيها
ههههههههه
حنا نتكلم عن الربع نيسان 4500 بخاخ
الفتك حكاية اخرى يجيب طبلونه على اول الدعسة وهو ما يشوف الدرب
على العموم ابشركم الموتر اللحين يصفق الــ 200 مع المكيف وفي عز الحر
لكن ردي في موضوع سابق يوم ان موتري ما مشى الا الفين
وسئلت يجي 14 واحد معه باترول ربع الشكل الجديد
وكلهم ياكدون على ان الربع نيسان اذا كان جديد ما يصفق طبلونه على طول
يبيله تمرين الين تتوسع بساتمه
مشكلته هو
1- رفيع جدا من الامام مما يجعل احتكاك الهوا به شديد
2- من الامام ارفع من الخلف مما يجعل الخشة في الهوا:D

على العموم اذا ما اقتنعتوا بكلامي تصفحوا الرابط التالي

http://www.mekshat.com/vb/showthread.php?t=77540

واذا تبون غيره من الروابط عندي لكن يبيلي فتره الى ان اجد تلك المواضيع

beznas

26/06/2007, 02:17 AM

http://www.arb-up.com/get-6-2007-ns3d40wx.jpg

موتري تماتيــك 2006
خخخخخخخخخخخخخخخخخخخخخخخ صدقني اتوقع لو احد يقدر يفك فصله الفتك كااان ال 220 زي سلام عليــكم :) والله الموفق

beznas

26/06/2007, 02:26 AM

السؤال معقول اقصى سرعة الباترول اللي مزعجينا به 160 ؟

صراحة يوم عن يوم ينقص الباترول في عيني

ارجو من الاخوة البعد عن العصبية والرد بتعقل لتعم الفائدة الحقيقية
خخخخخخخخخخخخخخخخخخخ الحيــن صدق بنزعجكـ يا الشــيخ :)
تبي بالزفلت ولا بالرمل ولا بالماء الباترووول قدام :) :) لا يضيـق سعرك ترا ما احسن من اللاند في الديــره :D :D ع العموووووووم اسلوووبكـ استفزازي ونحاول نرد بالمثل :)
والسلالالالالالالام

م.أبوإبراهيم

26/06/2007, 02:45 AM

مهم مهم مهم لأصحاب البواترل : عند خويي باترول 2005 ماشي بس 13000 ويالله بالله يجيب 140 وإذا شديت به من الصفر إذا وصل الضغط ثلاثه كأنه ياقف عزمه وديناه للوكاله وقعد عندهم 12 يوم وهم يحاولون فيه وزنوا الديلكو والبلوف وغيرو طرمبة البنزين وكل شيء سووه عجزوا عنه وطلع من عندهم ما فيه أي تحسن رحت ركبت طرمبة بنزين ثانية مهب بلد قويه (بالنسبه للي يعدلون مواترهم رياضيه تراهم يركبون طرمبات بنزين ثانيه والي يركبونهن طرمبة كابرس أمريكيه رقمها 381 وطرمبة في اكس ار تايوتا أقوى وأكثر ضخ بنزين) .
المهم يوم ركبنا طرمبة البنزين أمس وجربته تغير عزمه وبتل شاد حتى الخمسة وجبت بوسط الرياض 150 وحتى الأن ما جربته بخط باختصار أكثر طرمبات البنزين النيسان 4500 فيهن ضعف حتى شد بلد

راعى_الهدد

26/06/2007, 04:59 PM

ماشاء الله على الفتك والله انه افضل موتر يابانى

باثفاندر 2005

26/06/2007, 05:11 PM

الحمد لله أهم شي انه ضبط موترك ..

ملك_النيسان
ليتك شايلن الوصخ اللي على يمين الصوره والله يفكك منه يا اخيي .. :)

بنزرت

26/06/2007, 05:55 PM

سفاري نجد

26/06/2007, 10:45 PM

مشيت بموتري 180 الموديل 2003 توماتيك سفاري ،،،

واكره السرعه بس حبيت اجرب ،،،

خادم الإسلام

26/06/2007, 10:55 PM

لا إله إلا الله

الله يعطيكم خير هالسرعة

والله يا أخوان ما من وراها إلا الحسرات .

تصل متأخر خير من أن لا تصل .

daef19

27/06/2007, 06:11 PM

عندي الهلي تطبق 180 سلام بس مأعتقد الهلي تمشي 180 أعتقد تطبق200

طحنون

27/06/2007, 06:29 PM

مافي احسن من الـ120 راحه نفسيه واللي يبي السرعه عليه بالبلاي ستيشن تطبق الـ260 ونت جالس بالبيت بدون حوادث لـ سمح الله

ملبق غلـــــط

17/07/2007, 09:36 AM

يا اخوان ..........مالكم ومال الخطوط المعلقة /

خذو السالفة عندكم ......معي جيب ربع نيسان 2006 ماشي 15 الف فقط

الموتر يوسع الصدر بخفته وماعليه خلاف

جربته ينزل تحت 170 يعني حوالي 175 والمكيف شغال .........المشكلة اللي مجننتني ان الدعسه باقي فيها ولا يمشي

وديته للوكالة وقالو .................... وزنا الساعة مدري ايش ......وبرضه نفس الحكاية

وعندي مشكلة ثانية برضه....... ياليت القى لها حل عندكم /
اذا مشيت عليه فرضا 100 ودعست له تطلع طقطقه كانها طقطقت مفاتيح مع بعض تحت الطبلون يعني في الكبوت

مقلب

17/07/2007, 12:35 PM

السفاري يجيب 180 براحة
واذا ركب فرارات يجيب طبلونه براحه

فايز العامر

17/07/2007, 01:01 PM

سيارتي سوبر سفاري 98 بخاخ، مافيه تعديلات أبد ، يجيب 180 بالراحة ولله الحمد .. ومرة كان صار عندي ظرف مهم، وجيت عليه من الشرقية أمشي 200 وأكثر،، والحمد لله على ستره..

أبو محمد2010

17/07/2007, 05:42 PM

ما كل من ساق الباترول عرف له ....

ملبق غلـــــط

17/07/2007, 05:46 PM

ما كل من ساق الباترول عرف له ....

طيب عرفنا عليه الله يجزاك خير ويرحم والدينك

كيف نسوقه طيب؟؟؟

غالي

17/07/2007, 07:28 PM

صحيح الباترول يجيب 220 وبسهوله تامه حتى لو كان كلبليتر
لكن مع نزلة الزديه :)

نمزح لحد يزعل
ونعيد ونكرر راعي المصنع تراه مو عربي ولاهو مسلم علشان نحط له دعايات :)

هاوي الله

17/07/2007, 09:40 PM

باختصار .. باترول سفاري موديل 1997... عزمه كان ضعيف جداً + السرعه مايتعدى 160 = تم تغيير طرمبة البنزين واستبدالها بطرمبة vxr م 1998 = تغير العزم إلى الأفضل والأقوى + السرعه يطبق 200 .

slmuni

20/07/2007, 03:20 AM

اخواني ملك النيسان & beznas اذا مشيتوا السرعات (الجنونية) هذي ولو كان لغرض التجربة و اثبات قوة النيسان لا تنسوا بعد الاتكال على الله ان تربطوا حزام الامان وترا اللمبة فاضحتكم :):)

aseeri

20/07/2007, 08:22 PM

انا عندي باترول موديل 88 يصك طبلونه بالراحه

ملاعب الريح

20/07/2007, 08:32 PM

يا زين السياره اللي ما تتعدى 120
على فكره ترا العزم ماله دخل بالسرعه
الددسن الثمانين كانت معي و احيا نا تتعدى 190 (مكيمه) بس عزم ماااااكو
الجمس موديل 79 454البيك اب عزم خرافــــــــــــــــــــــــــــــــــــــــــــــ ــــــي لكن مايتعدى 160
وسلامتكم

مالك لوا مع واحد من الربع جمس 78 رفرف 454 ( بهبهاني)

أمشي 200 كم بموتري وهو قدامي يبعد بشكل غير طبيعي ما شاء الله تبارك الله...........

براوننق

11/03/2009, 12:58 PM

97باب والله نمشي 240بالراحه

قاطع الفيافي

11/03/2009, 07:27 PM

المعلومة خطأ انا معي سوبر سفاري 99 بالمكيف اصفق 190 بالراحة

سيف الظفير

11/03/2009, 09:02 PM

يالغالي خذ العلم اللي يجمد على الشارب جيب المذكور لك فيه علم

فتك sgl-v من اخويانا امشي ميتين وهو قدااامي بحوالي ثلاث مواسير لمبات او اكثر والحق يقال يعلم الله اني عجزت الحقه --- بس تراه فاصـل الفاصـــــــــل ---

صباح القايله

11/03/2009, 09:07 PM

وعندي مشكلة ثانية برضه....... ياليت القى لها حل عندكم /
اذا مشيت عليه فرضا 100 ودعست له تطلع طقطقه كانها طقطقت مفاتيح مع بعض تحت الطبلون يعني في الكبوت[/quote]
اخوي انا معي باترول ربع نفس مشكلك
لكن عبيت95
وتتروح انا مجرب
لكن عب كم مره علشان يخلض الاول
والله يوفقك

قناص قول وفعل

11/03/2009, 09:33 PM

عندي سفاري 1991
يجيب 180 بالراحة

عزيز النفس 66

18/07/2009, 07:05 AM

ربع باترول م99 ستاندر

http://7mar.cc/get-7-2009-htwf6j7f.jpg (http://7mar.cc)

ابو سمسم

18/07/2009, 12:39 PM

انا عندي ربع باترول 90 يالله يجيب 160 واذا جابها تحس انه بينفجر او بتفكك رغم انه مافي رجه وش الحل
بس انا قريت موضوع قبل فتره انه الكفرات مقاس 15 افضل من 16 في الباترول هل هذا الكلام صحيح
واظن الباترول يجي من الوكاله نقاس 15

قصر1423

19/07/2009, 06:29 PM

عندي فتك2002 يسمي من الوكالة يعني شد بلد يقطع بسهولة عند سرعة 210 في كفرات الدنلوب يعني قارمن 195 وبكفرات البالون يطق قارمن 210

نشمي الحوطة

19/07/2009, 11:19 PM

معي باترول 1999

مشيت به 180 .. وناوي يكمل هو

بس اني هديت خوفا على الارواح اللي معي ..

خبت قوس

19/07/2009, 11:33 PM

موتري باترول ربع موديل 99 ماشاء الله عليه مسافة قصيرة والأمبير معدي مفتاح تصفير العدادات ومابه أي مشكلة

ابوعبدالله 00

19/07/2009, 11:39 PM

اخوي الباترول الي 4500 اذا كنت مركبله كفرات بالون والله لو تموت ما يتعدا 165 بعد اذا مان الجو زين وانت بنزله

مواسي الطعوس

20/07/2009, 01:16 AM

اخوي الباترول الي 4500 اذا كنت مركبله كفرات بالون والله لو تموت ما يتعدا 165 بعد اذا مان الجو زين وانت بنزله

*****************************

*يمكن فيه مشكله طرمبة البنزين .

* واذا هو يمشي بالبالون 165 تدري كم في طبلون السيارات ؟؟ احسبها لك عن عدة تجارب :

165 ويكون في القارمن 175 والقارمن اثقل من طبلون السيارات ب 10 فتكون سرعتك 185 .

** لذلك يجب التنبه وعدم مغالطة رجال المرور عند تحديد السرعه ..فهم على صواب والسبب كبر دورة الكفرات .

راعي السيل

20/07/2009, 01:22 AM

انا دخلت الموضوع وفيني نووم ، احسب ان العنوان: "معقولة سعر الباترول 160 فقط؟" استانست احسب هذا سعر 2010 الفل هههههههههههههههههههههههههه

فتى التويم

20/07/2009, 01:23 AM

اخبر قد جربت سفاري 2005 فتك

يجيب طبلونه مرتااااااااح

خويك موتره فيه عله

أبوحمد 505

20/07/2009, 04:14 AM

يكفي ياشباب تهور :j

أنا مؤيد لكلام الأخ عليكم بلبلايستيشن

http://j1bqag.bay.livefilestore.com/y1pQ91u_BMVhNH5PO0PZ70R9oD9tnHtwqqULQkvARm-B22QRdPKkjbyaEy_odnJjVTrjGWm2E9_ordk7kY4xwWL_m4hbx Ww9HAn/%D8%B3%D8%B1%D8%B9%D8%A9.jpg

:D :D :D :D

ههههههههههههههههههههههههههههههههههههههههههههههههه

ابرق نثيل

20/07/2009, 04:34 AM

لا للسرعه لان مافيها خير

الفتك ماهوب على كلام الناس
اللهم ذاك المره رفع ضغطي راعي كامري فلزيته بالصدام ونزلت عن ال200 على الدنلوب وباقي في الدعسه واجد

مع البوالين ماجربت ،، ولاظنتي بجرب

aboeyade

20/07/2009, 05:00 AM

والله عندنا بترولات الدوام
والله ما تجيب 160 أبد

مع إنها ماشية كثير

والموديلات 2003 و2006

والله كلامي لا متعصب ولا شي إنما لحقيقة المحضة

أدري كثير بيزعلون

بس الساكت عن الحق شيطان أخرس.................ههها

مع العلم إن السيارات إستاندر (أقل فئة) والله يعني على الإنتقادات

مقلع الرمث

20/07/2009, 01:50 PM

سلملم على الدويس على العموم لو مشيت بالخط السريع 120 خطر يدفونك يعني لا زم تدووس

معاي اثنين فتك وكلهن جبتهن القطعه مع المكيف والدبل:d

مجالس الرجال

20/07/2009, 03:16 PM

نفس الشي
باترول ماشي 30000 -موديل 2006 -مكينة 4500 ياقف على 160 طبعا الطويل

aboeyade

20/07/2009, 07:17 PM

^^^^^^^^

شفتوا إن كلامي صحيح

سوبر VTC

20/07/2009, 07:43 PM

^^^^^^^^

شفتوا إن كلامي صحيح

كلامك صحيح

الله يعينك على ضرب الحلبي و الفشق :D :p

تحمل ما يجيك هههههه :cool:

مواسي الطعوس

20/07/2009, 08:50 PM

^^^^^^^^

شفتوا إن كلامي صحيح
**********************

اللي اعرفه ان 160 او 170 هذا ممشى الباترول الديزل .

Bader-M

20/07/2009, 09:47 PM

لا تسرع فالموت اسرع

هذا السيارة مصممه للمهام الشاقة

يعني تجد قوة عزم عند دورات منخفظه للمحرك

عكس سيارات السيدان
تجد قوتها في السرعات العالية

خلنا نضرب لك مثل
الباترول 6 سلندر 4200 سي سي
يولد قوة 190 حصان
المكسيما
6 سلندر 300 سي سي يولد قوة 230 حصان

طبعا المكسيما اسرع و قوة حصان اكبر

ولكن الباترول حجم محرك كبير يعطي عزم اعلى

امممممم صعب الشرح يحتاج موضوع طويل جدا جدا
ولكن حبيت اختصر قدر الامكان

تحياتي اليك
والله يكفيكم شر الحديد

الرسيفر

20/07/2009, 09:48 PM

والله با معجبي الباترول مع أخوي باترول 2006 باب واحد مستحيل يتعدى 165 مهما كان إلا بالرابع وإذا حطيته بالخامس على طول يرجع 165 وللعلم الموتر مجلود جلد خيالي لا تقول يبي له تفتيح
بيني وبينكم هالسيارة غريبة به خف خيالي إلا إنه ما تسرع

للمعلومية : الجيب مركب له فرارات
والظاهر لو ما ركب له فرارات كان علوم بس خله على الله

عاد تبون العلم كان مع أخوي نفسه 2004 يصفط طبلونة هواء زي السلام عليكم وبدون فرارات
الباترول غريب

سوبر VTC

21/07/2009, 03:06 AM

^^^^^^^^

شفتوا إن كلامي صحيح

تاكيد لكلامك
مع ولد العم ربع سفاري م2006 فاكه جديد
مايتعدا 165 تقريبا

أبو ناصر1

21/07/2009, 03:30 AM

بسم الله الرحمن الرحيم

يشباب أتى معي جيب نيسان مديل 1991 طبعن الجيب مزاجي
بس لاحضت شي أذاى كن محمل يجيب 180 ينزل عنهى اتوقع يصل إلى 190 تقريبن
ودى كن فاضي يجيب 170
بلملعنه إيش السبب مدري

سوبر VTC

21/07/2009, 03:37 AM

عني تجد قوة عزم عند دورات منخفظه للمحرك

ولكن الباترول حجم محرك كبير يعطي عزم اعلى

امممممم صعب الشرح يحتاج موضوع طويل جدا جدا

قصدك يابعدي
انه مثل الجيب الحوض الديزل مثلا
قوة تحمل بمعنى ان عزمه مايبرد
على السرعات المنخفضه
يعني يبتل يجر يبتل يعطي او يبتل يسحب
ان شاء وضحت الصورة

سوبر VTC

21/07/2009, 03:39 AM

**********************

اللي اعرفه ان 160 او 170 هذا ممشى الباترول الديزل .

كلامك صحيح اقرب مثال
الصالون الديزل م91 و طالع
يسفط فوق 160 مرتاح

لكن البنزين الربع غريب امره :confused:

عين حصنان

21/07/2009, 07:48 AM

ماأصدق اللي يقولونه عن النيسان ... الظاهر يبون سوالف بس

مايتعدى الـ مادري كم ... عزم مافيه ... يدخل هوا ....مادري وش تبي فيه ... اِفتك منوه ...

من بعد النيسااااان حرّمت أركب تويوتا و غيروه

مالقيت مثله ابد ماشاء الله تبارك الرحمن

بارك الله فيكم

ابو سمسم

22/07/2009, 09:49 AM

طيب يالنشاما كلآ تكلم على موتره وقال كم يمشي والله يعطيكم خير هالسرعات ولا يريكم مكروه

ببس للاسف نسينا اللاهم الي هو الاسباب والحلوووووووووووووووووول

ابدا انا مجرب هالشي ان الجيب عندي كان مايوصل 160 الا بالعافية وبعد التعديلات ماشاء الله تبارك الله يدق الانبير تحت 180 بالراحه
1- تغير بواجي اصلي
2-تغير فلتر الهواء
3-تنظيف الكلبريتر واصلاح جديد له
4-وزن البلوف
5-تغير صفايه البنزين

الشغله كلها كلفت 300 ريال مع شغل اليد

عبدالرحمن السالم

22/07/2009, 10:58 AM

ياجماعه الخير الكلام على الباترول "الربع" الباب واحد ماهو الفتك البابين

الباترول رفيع ورفعته ماهي بسيطه عشان كذا مايشق الهواء ومايمشي زين ولاحظ انت لاحملت عليه شلون يرتفع الوجهه .. ورفعه الوجهه لها ميزه ولها عيوب الميزه رفعته يعني تمشي وانت مرتاح وتقشع الرمث وانت ماتخاف وعيبه اذا مسكت لك خط مايشق الهواء ..
هو يبغاله رفعه خفيفه من ورى وينزل الوجهه شوي ويجيب طبلونه وبالراحه .. انا والعياذ بالله من كلمه انا كان معي 2003 ومارفعته الا 2سم وابد يصفق طبلونه بالراحه وهي مره جربتها ومن عقبها 120 وبس ابرك لى واحسن

موفقين خير

باترول 2001

15/08/2009, 12:22 PM

غريب

انا عندي باترول 2001 ..

وماشاء الله عليه .. على الرجه اللي فيه والازعاج ..

جبت فيه فوق 190 .. طريق راس تنوره - عنك ..

هذا والموتر رفيع وخشمه ارفع من قفاه ..

لكن مثل ماقال احد الاخوان

انواع الازعاج تنسيم من كل مكان .. الدرايش الباب المكيف المسجل ..

تحس انك راكب على جناح طياره من كل مكان جيك هوا

وهذا مقطع له رافعه واحد من الشباب ..

http://www.youtube.com/watch?v=cc0saZ5A5Yo

.. وان قالها الله الاسبوع ذا بدخله الورشه .. من الصدام للصدام

ابرق نثيل

15/08/2009, 02:12 PM

فتك ف بريده ماسح الطلبون

الله يستر على راعيه

http://www.youtube.com/watch?v=cn8_wtNYVGo&feature=related

متعب السليمي

30/10/2009, 08:34 PM

على حسب معرفتي

كان معي مع سوبر سفاري 95 امشي عليه 180 بالراحه وخويي مع شروكي يمشي مع 155 يعني فرق
وفيه واحد بعد مع 99 نفس الكلام
وتغير من 2002 تقريباً صار عداده صح
وانا مع 2005 باب واحد اذا انطحتني هواء ولو هي خفيف مايتعدي 165 ومره تسابقت مع جي اكس ار 2004 وانا خلفه يفصل التويوتا على 190 وانا مايفصل بس كل مابغيت اطوفه ترده الهواء واحياناً لوكان الهواء باتجاهي يصفي طابلونه ولو كانت خفيفه
والسلام عليكم ....

راكان 11

30/10/2009, 08:38 PM

160 وواجد على السفاري

أبوعمران

30/10/2009, 09:16 PM

اخوي راكان وش تحس فيه ؟

أولا الموضوع جدا قديم وانت رفعته من الصفحات الاخيره

ثانيا السفاري يختلف .. فيه 4500 وهذا اقصى حد له 170

وفيه سفاري 4800 هذا لو تفك فصلته يجيب 220 بالراحه ماشاء الله تبارك الله

صعافيق 911

30/10/2009, 11:24 PM

مساء الخير
الله يرحم الحال العالم وصلو ..؟؟؟؟؟؟ وحنا جملي يسبق جملك ؟؟؟,,,,,

الجبب اصلا ياناس مهوب حق مقاوم وسرعه ((( شاحنه ))) جب كورفت كومارو .....

بعدين قوله طاح من عيني وماطاح صراحه كلام فاضي هو رجال يعني عشان تشره عليه ...

بعدين معي تيوتا عشان ماتقولون شي .... معك بالخط التيوتا اسرع بس صراحه شي واقع ومجرب بالنفود الباترول ماياقف ابد ... وهذاااااااا الشي اللي مخلين استغرب من الشي هذا .... لكن فيه اخير شي اكتشفته الكوارين بالتيوتا اصغر عشان كذا اسرع ويغرز على طول .... بس النيسان اكبر عشان كذا يضيع العزم بالخط بس النفود مرتاح ومايغرز ...؟؟؟؟:( :( :( :rolleyes:

دب ا422

05/12/2009, 03:05 PM

يا شباب اسرعه مالها دخل بالعزم لاتقمون تخبزون الموتر على تشيكت رعيه له وصلن اذا بدا الموتر يضعف عزمه دليل واحد بس هو يا صفيت البنزين ياطرنبه بس هذا الي مشهور بنيسان وعلى العموم انيسان اطلق بواجد من اتيوتا برمل ونا بقلمي هذا ماقصد ملاك تيوتا ولا حتى استفزهم هذا الواقع

N-xterra

05/12/2009, 03:49 PM

يا زين السياره اللي ما تتعدى 120
على فكره ترا العزم ماله دخل بالسرعه
الددسن الثمانين كانت معي و احيا نا تتعدى 190 (مكيمه) بس عزم ماااااكو
الجمس موديل 79 454البيك اب عزم خرافــــــــــــــــــــــــــــــــــــــــــــــ ــــــي لكن مايتعدى 160
وسلامتكم

!!!!!!!!!!!!!!!!!!!!!!!!!!!!

البارح جاي للرياض مع طريق القصيم وأشوف راعي يوكن يصاقط ددسن

المظحك في الموضوع ان الددسن موديل 81 أم خط أحمر واصطباتها بالصدام الخلفي يعني قديمة مرة وانا أمشي وراه طبلوني على 180 على الأرمادا

يعني اليوكن 2004 انتف من ددسن 81 .......... هههههههههه
اليوكن يفصل وراعي الددسن يصقط عليه .......... أنواع الظحك البارح

وجاي تقول لي باترول ............ ياشيخ ارحمنا شوي

turke2545

05/12/2009, 09:53 PM

انا مع اللي في التوقيع بجيب تحت 180 بالراحه
اذا انت مركب كفرات بالون وجنوط حديد اكيد يبي يثقل
لهن دور كبير بالثقل

M97

06/12/2009, 10:38 PM

باترول91 جنوط16
http://up4.m5zn.com/9bjndthcm6y53q1w0kvpz47xgs82rf/2009/12/6/11/9a8jvz29s.jpg (http://www.tobikat.com)

xahmaedx

06/12/2009, 10:53 PM

شف اللي في التوقيع يصفق 200 ماشاء الله وهو يضحك

ابن سيف 18

06/12/2009, 11:17 PM

يا قدم ذا الموضوووووووع يا اخوان

فقاقة

13/01/2010, 12:30 AM

بالنسبة لي انا والله اني متسابق نع فورد فكتويا فصل وانا قدمة وروحت عنة بعد وطبق موتري تحت 180 عند الابرة يعني 210 وموتري نيسان سلوقي 92 بس قشط من الاول الي الثاني يحوص ومن الثاني للثالث يشفط وباقي النمر يناقز فيها تقول بتطلع المكينة من البدي لا اله الا الله تبارك الرحمن وزيدكم من الشعر بيت قبل فترة ممصع الاند الجديد قام يفصل ونا جنبة (ابوك يالسفاري)

خزان الوادي

13/01/2010, 07:26 PM

الاخوة الاعضاء

ويسرنا دعوتكم للمشاركة فى مسابقة خزان الوادي الشهرية لافضل 3 مواضيع , على الرابط :

http://www.mekshat.com/vb/showthread.php?t=253688

مع تحيات ادارة
خزان الوادي

m.m4

20/01/2010, 03:44 PM

انا معي 96 يجيب 185 جيب صالون
واعرف واحد معه شاص نيسان 96 يجيب 180

العب في الكربريتر

مدمن.

20/01/2010, 04:40 PM

انا ماع اخوي باترول فتك 2002 يمشي 205

هويدي

21/01/2010, 12:37 AM

جيت متأخر والاخوان ماقصروا قامو بالواجب :D
هذا طبلون موتري الاول ايام الجهل سلقه 2001 هدرز ومراوح وفرارات

وكان عليه كفرات شاهين الطوال 85 او بالون ماذكر بالضبط وعليك الحساب

http://www.mekshat.com/pix/upload03/images144/mk19651_kkk.jpg

هاوي غماره

21/01/2010, 01:00 AM

واللة اخوي معة باترل 95 والله الطبلون كلة

بس هدرز وفرارات

التعـ King ـديل

21/01/2010, 02:19 AM

اشتريت باترول 99 عام 2005 وكان يحتاج الى تصفيه مكينه وشغلات وكنت مستعجل عندي سفر قلت بخليها لمن ارجع ان شاء الله

ومشيت للمنطقه الشرقيه .. وكان الوقت صيف وحنا العصر المهم دعست به مع المكيف والموتر جلد فل كامل وجبت عليه 210 كم

طبعا هالكلام والموتر يحتاج الى تصفيه لمن صفيت الموتر وضبطت اموره صار ينزل عن ال 200 بشوي يعني تقريبا 215

ولحد ماركبت عليه هدرز واسلاك بواجي رياضيه صار يجيب ال 230 سلام سلام

abu-turki2009

21/01/2010, 02:47 AM

الباترول حاليه الله لو مايجيب غير 100<<<تفركه تسبده يبيه مير ماهو حاصل.ههههه

S4500

21/01/2010, 03:14 AM

يبوي انا معي باترول 99 و يجيب 200 براحة

سيارت خويك فيها شي

شمالات نجد

21/01/2010, 04:02 AM

ربع باترول 98 سلق مكينة 4200 كربليتر

(مراوح كهرب + فرارات+ بنزين 91 أخضر) فقط

يتعدى طبلونه 180 ويجيب (210) ما شاء الله

ملاحظة: الموتر خليجي ويقولون الخليجي كارونته في السرعة تمام خصوصاً الطريق المتواسي أما في الطلوع لك عليها بقووووه.

كذلك باترول سوبر سفاري 4 أبواب 98 مكينة 4500 بخاخ

(فرارات) فقط

مجرب يجيب 210 بالراحه ما شاء الله

-----------

ترا الهوا يلعب في الباترول لعب كل ما صار رفيع ويطيح سرعته

والسرعة مافيها خير الله يحرس الجميع

سلام

شطحات

16/04/2011, 04:32 PM

انا طلعت الموضوع من تحت ... لاني انقهرت .. توني شاري سوبر سفاري 2007 جلد << يعني فل
حاولت اعديه 160 عجزت .. هذا آخر الصاجه ... الا مع نزله خفيفه يوصل 170 ويرجع على 160

انا أشوف اغلب ردود الاخوان .. يقولون موتر خويك فيه شي ... هنا زبدة الكلام .. وش اللي فيه عشان أزينه

ياليت تفيدوني عااااجل

طيرشلوى 2

22/04/2011, 06:05 AM

الجيب النيسان ما ضبظ الا من 2002 الفتك والله انه اخيس موتر شفته في حياتي خربات شكله شين قرقعه يدخل على التراب مالك الا الجمس والا التويوتا

رسيس نجد

22/04/2011, 06:34 AM

نصيحتي لا تزينه لان السرعه ما فيها خير 0

كيري ميري

22/04/2011, 01:40 PM

كديان

22/04/2011, 01:59 PM

سبق ان احد الاعضاء كان معه فتك ما يمشي الا 160
هو م2005 و طالع
وداه لورشة مادري وش صلحوا به المراد ان الموتر جاب الطبلون

طير الحر0

22/04/2011, 10:30 PM

نفس المشكلة يا شباب
انا عندي باترول ربع 2004 مكينته 4500 ما يجيب الا 160 او 170 وعجز يتعداها
واللي عنده الحل يفيدنا على الخاص والعام
والموتر شد بلد لا مراوح ولا فرارات

دروب الذكريات

12/05/2011, 12:05 PM

أنا موتري فتك 2005

مشيت علية بسرعة 215 حتى فصل

بدقيقتين تقريباً

المناادي

12/06/2011, 06:29 AM

مشاء الله انا معي باترول 98اربع ابواب وماني مركب فرارات وبانزين91وكفرات عراض وتعدا طبلونه ال180 وصل طرف شاشة العدادات وكان يومها ناطحني هوا بس مو قوي بالحيل وقتها كنت اجرب هل يجيب طبلونه ومشاء الله تعداء والسراحه اني خفت من السرعه وانا اهدي بعدها

diplomatic

13/10/2012, 11:31 AM

الخلاوي 9

13/10/2012, 05:34 PM

^^

عزيزي موتركك جديد صبرك عليه توو بلوفه ماتفتحت "

اذا تبيه يمشي مالك الا تشد عليه وبيعجبك
اما شغلت انك مريح الموتر وتبيه يجيب الطبلون صعبه
على ان السرعه ماوراها الا البلاوي ولكن الله يوفقك ويستر عليك ~

المنيعي1

14/10/2012, 12:02 AM

السلام عليكمك ورحمة الله
الاخوه الاعزاء ,,,, عندي باترول شاص 2012 مكينة فتك 4800 الموتر الان ماشي 4000كيلو ولاكن رحت علىه ابوظبي وضيق صدري الموتر ما يتعدا سرعة ال 160 كم وهو وكاله شد بلد ؟ ؟ ؟
ارجو من الاخوه الذين مرو بنفس المشكله ولديهم الخبره والحل المساعده وجزاكم الله خير .

الشاص الجديد ماعرف عنه شي ولكن واحدمن الشباب عنده 2006 يقول يفصل على 160
اذا مترك يفصل وده ﻷعثيم بالقصيم يبرمجه ويشيل الفصلة

أبن ثعلي

14/10/2012, 10:18 AM

البلوف مقفله يارجل وشفيك مستعجل على السرعة

هههههههههههههه

الله يكفينا وياكم شرها انا معي ربع 91 ممتاز جداً يجيب 180 كم/س سلام بالراحه

طبعاً ماجربته الا يوم جيت اجربه بشتريه فقط والحمد لله مانيب راعي سرعه لاكن دائما امشي عليه 120 داخل البلد الى 130 وخارج البلد 140 واحياناً 160 ممتاز جداً

ماشاء الله تبارك الله الله يطرح البركه لنا ولكم موفقين ان شاء الله