اللي عندة افكار او صور للمشب

[ابوراكان الاول]

بسم الله الرحمن الرحيم
يا شباب اللي يقدر يدلني على موقع اي موقع يهتم بالتراث اقصد( المشب ) وتصميم المشب على الشكل القديم -الملحق-
الرجاء الافادة للضرورة لوجود العمال بصراحه مستعجل
ولكم التحية والاحترم

[الطرقي]

أبشر والله بسعدك

بالنسبة للوجار "المشب" بكامل ملحقاته فيه محلات كثيرة ومعروفة تزينه في الرياض بأمرهم وأحاول أخذ منهم صور له

بس حسب ما أعرف إنه الأفضل إنه تفتحله فتحه جانبيه يعني ما تكسر السقف أفضل ..والأفضل إنك تشق الجدار

وفيه ناس يحطون له مكان حديد زي الدرج له كفرات عشان تدخل الحطب داخل الوجار عشان ما يوذيك بالدخان ولا منه جمر تطلعه

والمغسله أضنها شيء أساسي

والفتحه حقت المدخنة لها طريقه ما ادري وش لون بالضبط يسكرون ثلاث فتحات الضاهر ...أتأكد اليوم وأعلمك

والله فيه أشياء كثيرة وواجد تزين فيه واحد اعرفة مقاول سعودي له خبرة في هالشيء بأسأله وأخليه يعطيك أفكار سنعه

واليوم بأمر المحلات الي ذكرت لك ولو ما قدرت أجطل لي كم صورة من عندهم فإني بأجيب لك أفكار منهم

[ذيب البر]

هلاااااااااااااااااااا فيكم

أنا برضه عندي اسئله عن المشب القديم وليس الحديث الي يسوونه السوريين

قصدي ان عندي مشب قديم الي تجلس على النار مباشرة بس المشكله عندي بالتهويه

ماضبطت معي قالوا حط مكيف صحراوي وحطيت وكأنه افضل بس ودي

احصل ا حد يضبطه

[ابوراكان الاول]

عزيزي الطرقي السلام عليكم ورحمة الله
بيض الله وجهك على التفاعل الطيب ان حصل ولو اني بكلف عليك انا شفت بويه لونها وملمس بشكل كبير انا طين وقديم بالمرة ياليت تتأكد لي منها ونا شاكر ومقدر الله لايحرمنا من امثالك يالالغالي
وتقبل التحية وفائق الاحترام
واذا كنت من اهل الوناسه فهذة هدية متواضعة جداً لك خاصه وللغير عامه
http://www.mekshat.com/pix/upload/images/5whit.jpg

[الطرقي]

وش دعوا ابو راكان اخدمك بعيوني و مشكور علي الهديه

وبالنسبه للبويه ما عندي علم عنها الي اعرفه انهم يزينون زي ما قلت كنه مبني من طين تقول انه بيوت الأولين

بس ما أضنها بويه.. أمس ما قدرت أمرهم لأني مشغول في ديكورات الملحق بس اليوم العصر بأمرهم إنشاء الله وبالكثير المغرب أرد عليك وأعطيك العلم اليقين

تقبل تحيات أخوك
الطرقي

[ابوخالد]

بنسبه للمشبات فيه من يسويها من حجر وفيه من يسويها من رخام وفيه من يسويه زي الطرق القديمه واحول ازودك بعض ارقام التلفونا واسامي المعراض انا شاء الله .
اما بنسبه للبويه فافيه شركة عسيب عندها رشه كنها الطين وفيه برضوه بعض المؤسسات تسوي رشات طين ومتنوعه وثابته وكأنك مشه مش

[الهاوي]

اخوي ابوراكان سؤالي الصورة مهيب للي يقالة النكر والا لا ؟؟
ما عن المشب وملحقاتي فيه محل على طريق الامير عبدالله وانت متجه شرق بعد تقاطع المرسلات يجي على اليمين ناسي اسمه اظاهر ( المدفاءة ) ساني منيب واهم المهم عندهم انواع وكتلوج يحبه قلبق بس ارخ الريال وتجد ما يسرك لانهم غالين ليش مدري ..!!
تحياتي :cool:

[الطرقي]

أسف علي التأخير أبو راكان بس ما لقيت نتيجة عند المحلات الي بالرياض

ما يعطونك معلومه ابد عشان ما تجيب مقاول من عندك ويزينه لك

وكلام الهاوي صحيح بس ما كنت أضنك من الرياض وترا أسماء المحلات المقاصير النجديه وهذا زين بالحيل وتراث القريه وكلهن جنب بعض

وبالنسبه للبويه فيه بويه إسمه قاراش بس ما يمدحونه فيه نوعيه أفضل منها بس ما قدرت أحصل علي إسمها وبالنسبه للصور إعذرني ما قدرت أخذها

وبالنسبه للبويه السنعه عطني فرصه يوم يومين وما لك إلا طيبت الخاطر

[دحوش]

اضبغ الجدار بني وحط عليه <تبن> والله يطلع روعه من جد حنا مسوينها والله فكره رائعه والديكور خله جبص وعلي شكل طولي وانشاء الله تعجبك الفكره

[ضاحى السعيدى]

السلام عليكم ورحمة الله

تفضل اخى عسى تكون الصور مفيده

http://www.mekshat.com/pix/upload/images36/mk41302_1.jpg
http://www.mekshat.com/pix/upload/images36/mk41302_2.jpg
http://www.mekshat.com/pix/upload/images36/mk41302_3.jpg

[ابو تركيr]

مشششششششششششششكور أخوي ضاحي على الصور الجميلة.