القير العادي او القير الاتوماتك؟؟؟؟

[ضغط سحاب]

بسم الله الرحمن الرحيم

بداية مرحبا بالجميع ....

اخواني احترت فيمن يقول الاند كروز اقوى مع القير الاوتوماتك والذي يقول العادي اقوى وافضل...


ما رايكم؟؟؟؟

[hamed2001]

القيرالعادي افضل من الاوتوماتك
لاكن من ناحيت القوه ليس عندي فكره

تحياتي

[يازين الجو]

التماتيك = الرااااااااااااااااااااااااااااااااااااااااااااااا ااااااااااااااااااااااااااااااااااااااااحه

[راعى_الهدد]

اخذ تماتيك راحة بس ثقيل عند الفزه تدعس ولاماتدعس

واذا ماسك خط سفر ماتقدر تجاوز مثل الفتك يردك الهوا او يبيلك مسافه الله يعين

[ابونايف الروقي]

للراحه الاتماتيك افضل بس قوه العادي اقوى
العادي اقوي لانك تتحكم في تغييرات القير ... يعني متى ما حبيت انه يتقل العزم انت تتحكم فيه ...
اما الاتوماتيك هو يبدل من نفسه يعطي راحه او يرجع نمره .. ما تتحكم فيه ..

[ابو ناصر2020]

العادي اقو واكثر استحمال وصبر

التماتيك راحه فقط

[بنزرت]

اذا كنت ساكن في مدن مزدحمه مثل الرياض وجده فخذ تماتتك لانه اريح والناس اللي في ها المدن يطلبونه عند اعاده بيعه
اذا كنت في مدن صغيره مره او قريه او هجره او راعي مقانيص اغلب الوقت فخذ عادي
لكن صدقني اخر شئ تراك بتشتري تماتيك

[ضغط سحاب]

مشكورين على الردود

والخلاصة حتى الان:

الاوتوماتك= الراحة
العادي = القوة


ننتظر المزيد من المشاركات......

[جلمود الجبيرى]

اذا كان عندك سياره ثانيه خذ عايدى ولا تشاور

[راشد الحربي]

والله وانا اخوك من تجربة ..
الاتوماتيك بالبر تعرف ولا بقرش ولا بقرش .. اتكلم عن النفود .. لكن مع المدن وبالخط خذ ولد ماشاءالله تبارك الله ..

العادي كان انك راعي مقانيص ومكاشيت كثيرة وراعي نفود نفود ماهي اي نفود لا تاخذ إلا العادي ..

انا كان معي جي اكس ار 99 عادي .. تلعن ولديه ماعندك مشكلة ..

واشتريت 2003 اتوماتيك .. بالنفود دماااااار الدمار .. ثقيل ثقل ماهو طبيعي ..

تحياتي ..

[GX 2]

الراحة + القوة = الاوتوماتك

[ضغط سحاب]

للجميع ما قصرتو على المشاركة...

[dughiman]

والله وانا اخوك من تجربة ..
الاتوماتيك بالبر تعرف ولا بقرش ولا بقرش .. اتكلم عن النفود .. لكن مع المدن وبالخط خذ ولد ماشاءالله تبارك الله ..

العادي كان انك راعي مقانيص ومكاشيت كثيرة وراعي نفود نفود ماهي اي نفود لا تاخذ إلا العادي ..

انا كان معي جي اكس ار 99 عادي .. تلعن ولديه ماعندك مشكلة ..

واشتريت 2003 اتوماتيك .. بالنفود دماااااار الدمار .. ثقيل ثقل ماهو طبيعي ..

تحياتي ..

كلام سليم100%

[روثان]

السلام عليكم..

عادي وإلا اتوماتيك السيارة قوية ومصممة على تحدي الرمال والأماكن الوعرة

جربت الأثنين والحمد لله مرتاح بالاتوماتيك , اطلع النفود ما عندي مشكلة ماشاء الله

لأني اسوق بالنفود بتعقل ولأني مشتري السيارة بفلوسي حرام اضيع مائة واربعون الف ريال

لأجل الطعوس وتحدي الرمال..

وسلامتكم..

[الحوت السابع]

السلام عليكم ورحمة الله وبركاته

بإختصار القير الأتوماتيك مريح إذا كانت فلوسك تكفي لتصليحه ((( يعني كثير الخرابات خاصة في الكهرباء)))


وأنا أنصحك بالعادي لك وللزمن

أما بالنسبه لإستخدامه في الطعوس ما أعرف شيء اسمه طعوس غير من أهل الرياض والقصيم