مشكلة الباترول 2005

[وقاااااد]

إذا وقفت عند الإشارة ورفعت رجلي من الفرامل طلع صوت قوي تحت القير تقول واحد صادمني من ورا
ارجو الإفادة عن هذي المشكلة

[راعي كيف]

السلام عليكم
العالي شيك على الصلبان وإذا كانت تماتيك السيارة شيك على القير يمكن فية بلا شيك على كراسي المكينه والقير كراسي او جلب الشكمان.

اخوك المحب راعي كيف
ابو ناصر

[beznas]

طبــيعيــه هالطقه وانا اخوك
انا عندي 2006 توماتيـك ما طلعتلي الطقه الى بعد ما ركب باللون على الموتر (( الظاهر لانهن ثقال )) وجميـع الشباب عندهم نفس الطقه ..
*فيــه طريــقه ما تسمع فيـها الطقه والي هي قبل لا تدوووس على الفرامل فض القيــر على ال N ومستحيــل تسمع الطقه وهذا يدل ان الطقه لها علاقه بالقيـر .. والله العالم .
وان شاء الله افدتكـ ونسمع من باقي الشباب ..

[وقاااااد]

اشكركم على الردود وانا كنت مركب باللون وغيرتها وشيكت على القير سليم علما انه تماتيك وعلى الكراسي سليمة وغيرت جلد المقصات ولازالت المشكلة موجودة
وقالي واحد من الشباب شحم العمود وشحمتة وراحت لها تقريبا شهر ورجعت على الوضع الأول

[alkongrs]

غيرالعامود يمكن الخلل منوه

[سفاري نجد]

اخي صارت معي وغيرته على الضمان السبب عمود الكردان يصير فيه فضاوووه ،،،

وللمعلوميه ماهي من القير ،،،

واختفى الرجه او الطقه حسب كلامك ،،،

[ملبق غلـــــط]

اخي صارت معي وغيرته على الضمان السبب عمود الكردان يصير فيه فضاوووه ،،،

وللمعلوميه ماهي من القير ،،،

واختفى الرجه او الطقه حسب كلامك ،،،

ياخوووووووووووووووووووي ياليت تفيدني

لان معي ربع 2006 ماشي 15 االف بس .......وتصير بعض المرات الطقة هذه فيه

صادق تقول واحدن صادمك من ورى وانا احسبها في الدفرنسات


يعني اروو للوكالة وغيرونها وتضبط..............والمشكلة من ايش بضبط

[ملبق غلـــــط]

لرفع اريد اهل الخبرة

[سفاري نجد]

اخوي ملبق غلط

العمود اللي يربط بين الدفرنس الخلفي وناقل الحركه ... عمود الكردان

اذا كا موترك على الضمان انصحك بمركز الصيانه الكبيره على طريق خريص اللي بجانب شركة فورد ،،،

لا يردك الا مدير الورشه لا تتكلم الا مع سعوديين اجانب يفتح تصريف على كيف كيفك ،،،

وان شاء الله تضبط الامور ،،،

وتطمن ماهو من القير انا كنت احسبه من القير ...

[ملبق غلـــــط]

اخوي ملبق غلط

العمود اللي يربط بين الدفرنس الخلفي وناقل الحركه ... عمود الكردان

اذا كا موترك على الضمان انصحك بمركز الصيانه الكبيره على طريق خريص اللي بجانب شركة فورد ،،،

لا يردك الا مدير الورشه لا تتكلم الا مع سعوديين اجانب يفتح تصريف على كيف كيفك ،،،

وان شاء الله تضبط الامور ،،،

وتطمن ماهو من القير انا كنت احسبه من القير ...

الله يجزاك خير ويرحم والدينك ...........بس بودي اسالك وش المشكلة فيه

يعني موتر جديد .......وش اللي يضر العمود او يخليه ي سوي كذا

وترى الطقه هذه ماهي دائما تجي

[سفاري نجد]

سبب الرجه عندي كنت محمل عفش كثير ومسافرين عددهم 5 اشخاص ماخذين عمره برمضان ،،،



ومسرعين امشي 140-160 وتوقعي السرعه الزائده مع الحمل الكبير هو اللي سبب الفضاوه بعمود الكرداان ...



يوم رجعت للرياض طلعت لي الرجه " الطقه " وكانت السياره بوقتها ماشيه 20 الف



رحت للشركه اللي بجنب الجميح تشييك يقولون مافيها شي ،



جلست معي الشغله هذي سنه اشهر لين غيرته وبصيانه 50 الف رحت للورشه المركزيه اللي بطريق خريص جانب شركة فورد



وانشب بمهندس سعودي واركبه معي وجربنا قال عارف المشكله هذي من عمود الكردان ،،،



يقول ما تأثر وماهي من القير ،،، قلت انا دائما اطلب التشيك على هذا الصوت بكل صيانه دوريه ومقيدها عليهم بورقة الصيانه



وكنت اتفادى هذي الطقه ارجع القير نمره إلى N إلى ان غيرته على الضمان ،،،



وماتطلع الطقه دائما حسب قومت السياره اذا كانت بقوه تطلع ،،، إذا سحبت السياره بشويش ما تطلع



والحمد لله الحين كل شي تمام اذا كنت مسافر ومحمل حمل كثير ما اتعدى 120 ...



اتمنى أني أخبرتك بالمفيد اخوي ،،،

[ملبق غلـــــط]

سبب الرجه عندي كنت محمل عفش كثير ومسافرين عددهم 5 اشخاص ماخذين عمره برمضان ،،،



ومسرعين امشي 140-160 وتوقعي السرعه الزائده مع الحمل الكبير هو اللي سبب الفضاوه بعمود الكرداان ...

يوم رجعت للرياض طلعت لي الرجه " الطقه " وكانت السياره بوقتها ماشيه 20 الف

رحت للشركه اللي بجنب الجميح تشييك يقولون مافيها شي ،

جلست معي الشغله هذي سنه اشهر لين غيرته وبصيانه 50 الف رحت للورشه المركزيه اللي بطريق خريص جانب شركة فورد

وانشب بمهندس سعودي واركبه معي وجربنا قال عارف المشكله هذي من عمود الكردان ،،،

يقول ما تأثر وماهي من القير ،،، قلت انا دائما اطلب التشيك على هذا الصوت بكل صيانه دوريه ومقيدها عليهم بورقة الصيانه

وكنت اتفادى هذي الطقه ارجع القير نمره إلى N إلى ان غيرته على الضمان ،،،

وماتطلع الطقه دائما حسب قومت السياره اذا كانت بقوه تطلع ،،، إذا سحبت السياره بشويش ما تطلع

والحمد لله الحين كل شي تمام اذا كنت مسافر ومحمل حمل كثير ما اتعدى 120 ...



اتمنى أني أخبرتك بالمفيد اخوي ،،،
الله يبيض وجهك وباذن لله بروح للوكالة وبعطيك العلوم

[مزن الوسم]

نفس المشكلة حصلت معي ... وصار من العمود اللي يربط الدفرنس الخلفي بأمامي السيارة .....
لقيت المسامير منحلة .....
سألت راعي الورشة شاب سعودي .... كيف يحصل الخلل ...
قال نصيحة لاتسحب شيء بالسيارة ... يقول من السحب الأشياء الثقيلة يحمل الموتر على هذا العمود فيحصل إنحلال المسامير ...
مثل ما قال أخونا ......... سفاري نجد .....

ولكم تحياتي ..........

[caza_ss]

السلام عليكم.

إلى أصحاب الباترول (صوت الطقة , الرجة الى في الطارة من 100-120 كم )

الحل للطقة:
تغيير مساعدات خلفية أصلية من عند الشركة لأنه كل موديل يختلف طقم المساعد.

الحل للرجة:
تغيير هوبات أمامية أصلية والقماشات أصلية.

نصيحة كل القطع أصلية من عند الشركة.

أنا الحلول هاذي مجربها في الباترول 2004 SAFARI VS قير أتوماتيك.

جربوها راح تدعولي إنشاء الله

[مزن الوسم]

نفس المشكلة موجوده عندي ............... إذا شديت الموتر تكون الطقه قويه ....
نفس كلام أخونا سفاري نجد ............

[banshy2009]

سلام
انا بعد عندي نفس المشكله شييكت قالو طبيعي رحت وغيرت كل اللربلات تحت السياره ذادت لأن الربلات ماهي اصليه وركبت اصلي خفت الطقه الضاهر المساعدات بعد اناشاك فيها .

[سوبر VTC]

تراه ما تضر

هذي زود وسوسه

لا تتعب نفسك بالخساير

لا تفتح على نفسك باب مسكر

دام انك تمشي بالموتر على سرعه 80 او 120 او اكثر

و لا لاحظت شي على الموتر او نقدت عليه

فاتركه

[ambarrak]

يعني المشكلة حلها بتشحيم العمود أو تغيييييييييييييره؟
الرجاء الرد لأن الموضوع مزعج

مسألة أخرى : عندي تهريب في صوفة العكس الأمامي ما أدري هل الأفضل تغييرها عند الوكاله أو أن موضوع تصليحها سهل يعني أي ميكانيكي يصلحها؟

[بدوي جنوبي]

الموضوع قديم
من عام 2007

ينقل لقسم الاعطال

[ABAADE]

انا بعد موجوده عندي في الفتك موديل 2005

يعني تنصحون اشيك على عمود الكردان .

[سوبر2005]

الله يعين
انا بعد موجود عندي نفس المشكله بصراحه الوضع مزعج بس تأقلمت
وياليت اللي يلقى الحل يعطينا خبر بارك الله فيكم

[الكايف 1]

السلام عليكم ورحمة الله وبركاته
حياكم الله ياشباب
عانيت مثل ماعانيتوا وتعبت من صوت الطقه والوكاله مثل (امس هالحزه) يعني الله بالخير
والورش كل واحد يقول غير وغير
ماخليت شي ماسويته
واخر شي قالو الشدادت وغيرتهن فوق وتحت ولافيه فايده
واتصل علي واحد من الشباب الله يجزاه عنا كل خير معه فتك تماتيك مثلي
وقال رح شحم الصليبات وشف الفرق
وتغير الموتر بعشر ريال يابلاش
والحمد لله كل ثلاث شهور تشحيم الصليبات

[a7la1]

الحل
تشحيم العامود والصلبان
وعلى مسؤليتي

انا عندي سيارتين باترول سوبر سفاري 2005
شحمتهم واختفت الطقه نهائيا

[سوبر VTC]

موضوع قديم سنة 2007

[عاشق الغضا]

هذه بكل الباترولات التماتيك والامر عادي والمشكلة تجي اذا جيت تمشي بعد الوقوف تطلع الطقه انصحك تحط الموتر بn ثم ترفع رجلك ثم تحطه بd ثم تمشي او تحول القير لعادي اذا قبل توقف بشوي والموتر يمشي ,, وهذا الطقه من طلع 2002 الى الحين لكن ماتضر ابد

[a7la1]

اخوي سوبر vtc
صح الموضوع قديم بس الناس ما زالت تستفيد منه
وتقرأه وتشارك فيه وواهم شئ الفائده

وانا اشكر كاتب الموضوع لاني لم اعاني هذه المشكله الا الان
والحمد لله استفدت كثيرا وامل ان كل من عنده مشكله يستفيد

فجزا الله كل من افاد اخوانه المسلمين خير الجزاء