المساعد الشخصي الرقمي

مشاهدة النسخة كاملة : يا رجال مكشات أبي فزعة لا هنتوا ... أفضل ورشة


سفير الجزيرة
27/06/2007, 07:32 PM
السلام عليكم
حي الله كل بإسمه

أنا يا شباب معي جيب 2002 لاند كروزر
جتني قبل فترة صدمة في الباب الأيسر الخلفي والرفرف الصغير إلي بينه وبين الكفر .
الزبدة
أبي كان أحد يخبرلي ورشة سمكرة شغلهم 100 على 100
لأن تخبرون الموتر غالي وماودي أحطه عند أحد ما يعرف له

ومشكوررين
المميـز
28/06/2007, 01:44 AM
الحمد لله على السلامه


اخوي لو انت بالمدينه كان دليتك على احسن سمكري

والا لو تقدر تروح القصيم بعد فيه هناك سمكري على كيفك
ع.ف.الدرويش
28/06/2007, 02:59 AM
إن كنت تبغى ورشة بالرياض فمالك إلا ورشة الوفاء إللي بصناعية الدائري
شغلهم وبقووووة (ماشاء الله تبارك الله) مضبوط ،،، لكن التكلفة نوعاً مّا عالية..
وعندك أيضاً ورشة الوجدان في الصناعية القديمة بجوار مركز اليرموك العمالة فيها أتراك
والشغل عندهم قوي ،،، لكن نفس الشيء التكلفة نوعاً مّا عالية..

أخوك.. أبو فهـد..
ضغط سحاب
28/06/2007, 03:11 AM
الوكالة وبس
سفير الجزيرة
28/06/2007, 03:21 PM
أخوي المميز

ما تقصر بس أنا في الرياض وإن كان تخبر ورشة في القصيم ممتازة عطنيها الله لا يهينك
سفير الجزيرة
28/06/2007, 03:23 PM
إن كنت تبغى ورشة بالرياض فمالك إلا ورشة الوفاء إللي بصناعية الدائري
شغلهم وبقووووة (ماشاء الله تبارك الله) مضبوط ،،، لكن التكلفة نوعاً مّا عالية..
وعندك أيضاً ورشة الوجدان في الصناعية القديمة بجوار مركز اليرموك العمالة فيها أتراك
والشغل عندهم قوي ،،، لكن نفس الشيء التكلفة نوعاً مّا عالية..

أخوك.. أبو فهـد..


مشكور وما قصرت أخوي أبو فهد لكن ورشة الوفاء من اللي يشتغل فيها ؟؟

أنا ما أداني الأتراك مدري وشو منه

.
.
. مشكوووووووووور
سفير الجزيرة
28/06/2007, 03:24 PM
الاخ ضغط سحاب

المشكلة الوكالة غالين بزود
عرقوب
28/06/2007, 03:40 PM
هنا كومة ورش .. طب وتخير


الرابط http://vb.eqla3.com/showthread.php?t=175372
كاشت شمال
28/06/2007, 03:46 PM
1- ورشة النفيعي.

2- ورشة السهلي.

وجميعها في صناعية الشفا.
سفير الجزيرة
29/06/2007, 10:53 AM
الاخ عرقوب

ألف شكر لك ( ما خليت لغيرك شيء ) الله يسلمك

مشكوووووووووور
سفير الجزيرة
29/06/2007, 10:54 AM
كاشت شمال

وفي الشفاء يعني حول البيت ( أباصلهم اليوم العصر وأشوف شغلهم )

مشكووووووووووووور
صالح المريعي
29/06/2007, 02:47 PM
واللـــــــــه يا أخوي سفير الجزيرة إسمع نصيحت

واحد مجرب إن تسانك تقول موتري نظيف ولا ودي

أوديه لأي ورشة شغلهم مش حالك فأنا اللي أحاتسيك

كان معي ألفين وثلاثة GXR جاوه رفرف مع الصدام

اليمين وأدخلوه يا طويل العمر والبقا والسلامة عند

وكالة البازعي اللي على طريق خريص عند معارض

النسيم بدون حلف إني داخل المعارض يوم جيت أبيعه

ينشدون جايوه صدوم قلت لهم إيه قالوا وين قلت لهم اكتشفوا

قعدوا يخملون اللي يقول الشنطة واللي يقول الباب اللي ورا يمين

العلـــــــــــــــــــــــم غير شغل الوكالة لا تـــــــــــــدور ياعزيزي

تقبل مروري وشوطــــــــــــــــراً