اللي عندهم خبره بالدبل

[abo_saleh]

يا اخوان اتمنى تفيدوني بمشكلتي
سيارتي الدبل فيها ما يجمل مدري ليش اذا جيت باطلع جبل او طريق وعر مع العلم انه ليس بتلك الصعوبه على طول السياره تحوس مكانها سواء في الثقيل او الخفيف وبالذات اذا كان الطريق محفر
المهم اتوقع ان الطريق يطلعه هايلكس من غير دبل
مدري هل المشكلع من سواقتي او من السياره او هل للكلتش علاقه او الكفرات

ارجو الافاده مع العلم ان السياره باجيرو 2002 مكينته 3500 6 سلندر

جزاكم الله كل خير

[نوماس1]

يمكن هوى الكفرات زايد شوي او انك لم تقم بتشغيل الدبل

[راعي الشهامه]

او يمكن انك اذا شغلت الدبل تلقمه بنمره رقم واحد

[فهد 1426]

والله غريبه ـ عاد الباجيرو مشهور بالقوه ـ
بس يأخي وش قصدك يحوس في محله ـ يعني يحفر ويغرز - وهل الكفرات الاربع تدور والا لا وضح اكثر

[abo_saleh]

بالنسبه للنمره جربت بالاول والثاني ومتاكد ان الدبل شغال

والاخ فهد يحوس يعني يغرز بس المنطقه اللي طالعها ما هي رمليه المنطقه جبليه

والكفرات الاربع تدورمن يوم يطلع شوي على طول يغرز مكانه

والف شكر لكم جميعا

[عاشق السيل]

إذا كانت المنطقة رملية نسم الكفرات شوي ،،

وإذا كانت جبلية وفيها تراب شوي لابد إن الكفرات تحوس بمحلها والمطلوب منك تقوم السيارة حبة حبة يعني شوي شوي ،،
ومن المستحيل إنك تطلع فوق إذا كان المنحدر قوي لأن الباجيرو خفيف الوزن ويبدأ يحوس بمكانه ،،

بس أهم شي لاتشيل هم ترى سيارتك مافيها إلا العافية !!!



عاشـقhttp://www.mekshat.com/pix/upload/sign/images/mk49539.gifالسيل

[خلفهم]

قصدك يباوش بمحله

[sameer_1798]

يمكن واحد من الكفرات يتعلق في حفرة , لابد تشيك على الدفلوك شغال أو لا .هذا إذا كان فيها .!

وبعدين لا تنسى إذا كان الكفر عريض أكيد بيقل الضغط , لذلك في المناطق الوعرة يفضل الكفر النحيف لصعودها
, حتى يمكن ماتحتاج الدبل فيها .

[m1m]

دام الشباب ذكروا بعض الملاحظات ..

أذكر هذه الملاحظة .. إذا كانت الكفرات سخيفة فهذا السبب .. لأن السخيفة ( النحيفة) ترتفع أكثر عن الأرض إذا تعست أي شيء

[بنزرت]

اكيد السياره مشتريها مستعمله او انك مصلح الكارونه القداميه او الخلفيه
فيه اختلاف في توقيت الدوران بين الدفرنس الخلفي والامامي لانه احد مركب لك ترس او تروس تختلف في عدد الاسنان الامامي عن الخلفي فتلقى واحد يدور دوره كامله والثاني ما يدور الا نصف او ثلاثه ارباع الدوره ويصير عبأ على السياره وبالتالي تلاحض ان السياره احسن لما تفصل الدبل

[دحيم العبود]

لهذا السبب وضع الدفلوك في الدفع الرباعي

[abo_saleh]

احب اشكر جميع الشباب

وبالنسبه للدفلوك فيه جيب عشه موديل 80 طلع قبلي وبدون مشاكل تذكر

مدري احس فيه مشكله بالسياره او اني ما عرفت اسوقه زين في الجبال

مع العلم ان السياره ما شاء الله نبارك الله في الطعوس ومن غير دبل بعد

والشكر الجزيل لكم يالنشاما